ഒരു തുള്ളി പോലും പാഴാക്കിയില്ല, സംസ്ഥാനത്ത് കൊവിഡ് വാക്സിനേഷൻ ഒരു കോടി പിന്നിട്ടു
തിരുവനന്തപുരം: കൊവിഡ് വാക്സിനേഷനിൽ സുപ്രധാന നാഴികക്കല്ല് പിന്നിട്ട് കേരളം. സംസ്ഥാനത്ത് ഒരു കോടിയിലധികം (ഇന്നലെ വരെ 1,00,13186) ഡോസ് വാക്സിന് നല്കിയതായി ആരോഗ്യവകുപ്പ് മന്ത്രി വീണ ജോർജ് അറിയിച്ചു. 78,75,797 പേര്ക്ക് ഒന്നാം ഡോസ് വാക്സിനും 21,37,389 പേര്ക്ക് രണ്ടാം ഡോസ് വാക്സിനുമാണ് നല്കിയത്. ഇത്ര വേഗത്തില് ഈയൊരു ദൗത്യത്തിലെത്താന് സഹായിച്ചത് സര്ക്കാരിന്റെ ഇടപെടലും ആരോഗ്യ പ്രവര്ത്തകരുടെ ആത്മാര്ത്ഥ പരിശ്രമവും കൊണ്ടാണെന്ന് വീണ ജോർജ് പറഞ്ഞു.
'' രാജ്യത്തെ പല സംസ്ഥാനങ്ങളും വാക്സിന് പാഴാക്കിയപ്പോള് നമ്മുടെ നഴ്സുമാര് ഒരു തുള്ളി പോലും വാക്സിന് പാഴാക്കിയില്ല. ഇത് ദേശീയ ശ്രദ്ധയും നേടിയിരുന്നു. സ്തുത്യര്ഹമായ സേവനം നടത്തുന്ന വാക്സിനേഷന് ടീം അംഗങ്ങളെ അഭിനന്ദിക്കുന്നു''; വീണ ജോർജ് ഫേസ്ബുക്കിൽ കുറിച്ചു.
18 വയസിനും 44 വയസിനും ഇടയ്ക്ക് പ്രായമുള്ള 4,74,676 പേര്ക്ക് ഒന്നാം ഡോസ് വാക്സിനും 50 പേര്ക്ക് രണ്ടാം ഡോസ് വാക്സിനും നല്കി. 45 വയസിനും 60 വയസിനും ഇടയ്ക്ക് പ്രായമുള്ള 27,96,267 പേര്ക്ക് ഒന്നാം ഡോസ് വാക്സിനും 1,97,052 പേര്ക്ക് രണ്ടാം ഡോസ് വാക്സിനും 60 വയസിന് മുകളിലുള്ള 35,48,887 പേര്ക്ക് ഒന്നാം ഡോസ് വാക്സിനും 11,38,062 പേര്ക്ക് രണ്ടാം ഡോസ് വാക്സിനും നല്കി. 5,20,788 ആരോഗ്യ പ്രവര്ത്തകര്ക്ക് ഒന്നും 4,03,698 പേര്ക്ക് രണ്ടും ഡോസ് വാക്സിനും 5,35,179 കോവിഡ് മുന്നണി പോരാളികള്ക്ക് ഒന്നും 3,98,527 പേര്ക്ക് രണ്ടും ഡോസ് വാക്സിനും നല്കിയിട്ടുണ്ട്.
സംസ്ഥാനത്ത് ആകെ 1,04,13,620 ഡോസ് വാക്സിനാണ് ലഭ്യമായത്. അതില് 7,46,710 ഡോസ് കോവിഷീല്ഡ് വാക്സിനും 1,37,580 ഡോസ് കോവാക്സിനും ഉള്പ്പെടെ ആകെ 8,84,290 ഡോസ് വാക്സിനാണ് സംസ്ഥാനം വാങ്ങിയത്. 86,84,680 ഡോസ് കോവിഷീല്ഡ് വാക്സിനും 8,44,650 ഡോസ് കോവാക്സിനും ഉള്പ്പെടെ ആകെ 95,29,330 ഡോസ് വാക്സിന് കേന്ദ്രം നല്കിയതാണ്. ഇന്ന് 50,000 ഡോസ് കോവാക്സിന് എത്തിക്കുമെന്ന് കേന്ദ്രം അറിയിച്ചിട്ടുണ്ട്.
തിരുവനന്തപുരം, എറണാകുളം, കോഴിക്കോട് എന്നീ റീജിയണല് വാക്സിന് സ്റ്റോറിലാണ് വാക്സിന് ആദ്യം എത്തിക്കുന്നത്. റീജിയണല് വാക്സിന് സ്റ്റോറില് നിന്നും ജില്ലകളിലെ വാക്സിന് സ്റ്റോറേജിലേക്ക് നല്കുന്നു. ജില്ലകളിലെ ജനസംഖ്യ, വാക്സിന്റെ ജില്ലകളിലെ ഉപയോഗം, ജില്ലകളില് ഉള്ള വാക്സിന് സ്റ്റോക്ക് എന്നിവയെ അടിസ്ഥാനമാക്കിയാണ് വാക്സിന് വിതരണം ചെയ്യുന്നത്.
സംസ്ഥാനത്ത് ജനുവരി 16 നാണ് കോവിഡ് വാക്സിനേഷന് ആരംഭിച്ചത്. ആദ്യം ആരോഗ്യ പ്രവര്ത്തകര്ക്കാണ് വാക്സിന് നല്കിയത്. കോവിഡ് മുന്നണി പോരാളികളുടെ വാക്സിനേഷന് ഫെബ്രുവരി ഒന്നിന് ആരംഭിച്ചു. 60 വയസിന് മുകളിലുള്ളവരുടേയും 45 നും 60 നും ഇടയ്ക്കുള്ള അനുബന്ധ രോഗമുള്ളവരുടേയും വാക്സിനേഷന് മാര്ച്ച് ഒന്നിന് ആരംഭിച്ചു. 45 വയസിന് മുകളിലുള്ളവരുടെ വാക്സിനേഷന് ഏപ്രില് ഒന്നിന് ആരംഭിച്ചു. 18 നും 45 നും ഇടയ്ക്ക് പ്രായമായവരുടെ വാക്സിനേഷന് മേയ് മാസത്തില് ആരംഭിച്ചു. വാക്സിന്റെ ലഭ്യത കുറവ് കാരണം അനുബന്ധ രോഗമുള്ളവര്ക്കാണ് ആദ്യ മുന്ഗണന നല്കിയത്. 56 വിഭാഗങ്ങളിലുള്ളവരെ മുന്ഗണനാ പട്ടികയില് ഉള്പ്പെടുത്തി വാക്സിന് നല്കി വരുന്നു.
മാലിന്യക്കൂമ്പാരത്തിനിടയിലെ ജീവിതങ്ങൾ; ലോകപരിസ്ഥിതി ദിനത്തിൽ കാണേണ്ട ചിത്രങ്ങൾ
വിദേശ രാജ്യങ്ങളില് പോകുന്നവര്ക്ക് കോവിഷീല്ഡ് രണ്ടാം ഡോസ് വാക്സിന് 4 മുതല് 6 ആഴ്ചയ്ക്കുള്ളില് നല്കാനും പ്രത്യേക വാക്സിനേഷന് സര്ട്ടിഫിക്കറ്റ് നല്കാനും തീരുമാനിച്ചു. 40 വയസിന് മുകളില് പ്രായമുള്ള എല്ലാവര്ക്കും വാക്സിന് നല്കാന് കഴിഞ്ഞ ദിവസം തിരുമാനിച്ചു. കൂടുതല് വാക്സിന് ലഭ്യമാകുന്ന മുറയ്ക്ക് മറ്റ് ഏജ് ഗ്രൂപ്പുകാരേയും പരിഗണിക്കുന്നതാണ്''.
ഹോട്ട് ലുക്കിൽ നടി ഇതി ആചാര്യ.. ചിത്രങ്ങൾ
Click it and Unblock the Notifications
Sign in with Google