ശക്തമായ മഴയ്ക്ക് സാധ്യത; കേരളത്തില് നാല് ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്തെ വിവിധ ജില്ലകളില് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. ഇതിനോട് അനുബന്ധിച്ച് വിവിധ ജില്ലകളില് തിങ്കളാഴ്ച യെല്ലോ അലേര്ട്ട് പ്രഖ്യാപിച്ചു. ആലപ്പുഴ, ഇടുക്കി, എറണാകുളം, കോട്ടയം ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്. ആലപ്പുഴ, ഇടുക്കി, എറണാകുളം, കോട്ടയം ജില്ലകളില് ഒറ്റപ്പെട്ട ശക്തമായ മഴയ്ക്കുള്ള സാധ്യത ഉണ്ടെന്നാണ് പ്രവചിക്കപ്പെട്ടിരിക്കുന്നത്.
24 മണിക്കൂറില് 64.5 മില്ലി മീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്. വരും മണിക്കൂറുകളില് തിരുവനന്തപുരം, ആലപ്പുഴ, കോട്ടയം, എറണാകുളം ജില്ലകളില് ഒറ്റപ്പെട്ടയിടങ്ങളില് ഇടിയോട് കൂടിയ മഴയ്ക്കും മണിക്കൂറില് 40 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാധ്യത ഉണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്.
മഴ മുന്നറിയിപ്പിന്റെ പശ്ചാത്തലത്തില് മത്സ്യത്തൊഴിലാളികള്ക്കുള്ള ജാഗ്രതാ നിര്ദ്ദേശം പുറപ്പെടുവിച്ചിട്ടുണ്ട്. കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. 'അസാനി' ചുഴലിക്കാറ്റിന്റെ സ്വാധീനമുള്ളതിനാല് ബംഗാള് ഉള്ക്കടലില് മത്സ്യബന്ധനം നിരോധിച്ചിരിക്കുകയാണ്. ഇനിയൊരു അറിയിപ്പ് ലഭിക്കുന്നത് വരെ യാതൊരു കാരണവശാലും ബംഗാള് ഉള്ക്കടലിലേക്ക് മത്സ്യബന്ധനത്തിനായി പോകാന് പാടില്ലെന്നാണ് നിര്ദേശം.
കാവിലെ ഭഗവതി നേരിട്ട് പ്രത്യക്ഷപെട്ടതാണോ? വീണ്ടും ഞെട്ടിച്ച് ഭാവന, ചിത്രങ്ങള് വൈറല്
നിലവില് ബംഗാള് ഉള്ക്കടലില് മത്സ്യബന്ധനത്തില് ഏര്പ്പെട്ടിട്ടുള്ളവര് എത്രയും വേഗം സുരക്ഷിത തീരങ്ങളില് എത്തേണ്ടതാണെന്നും കേന്ദ്ര കാലാവസ്ഥാ വകുപ്പ് നിര്ദേശിച്ചു. വടക്കന് ജില്ലകളിലാകും മഴ കൂടുതല് ലഭിക്കുക. മധ്യ, വടക്കന് ജില്ലകളില് 30 കിലോമീറ്റര് വേഗതയില് കാറ്റിനും സാദ്ധ്യതയുണ്ട്. തെക്കന് ജില്ലകളില് മഴയുടെ അളവ് താരതമ്യേന കുറയും. ഇന്നലെ രാത്രിയോടെയാണ് ബംഗാള് ഉള്ക്കടലില് രൂപംകൊണ്ട 'അസാനി' തീവ്ര ചുഴലിക്കാറ്റായി ശക്തി പ്രാപിച്ചത്.
മണിക്കൂറില് 125 കിലോമീറ്ററാണ് കാറ്റിന്റെ വേഗം. വടക്കന് ആന്ധ്രപ്രദേശ്, ഒഡിഷ, ബംഗാളിന്റെ തെക്കന് തീരങ്ങള് എന്നിവിടങ്ങളില് ശക്തമായ കാറ്റും മഴയുമുണ്ടാകുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. ആന്ഡമാന് ദ്വീപുകളിലെ പോര്ട്ട് ബ്ലെയറില് നിന്ന് 380 കിലോമീറ്റര് പടിഞ്ഞാറ് തെക്കുകിഴക്കന് ബംഗാള് ഉള്ക്കടലിലാണ് 'അസാനി' രൂപം കൊണ്ടത്. വടക്കന് ആന്ധ്രപ്രദേശ്, ഒഡിഷ തീരങ്ങളിലേക്ക് നീങ്ങുമ്പോള് അസാനി ദുര്ബലമാകും.
Click it and Unblock the Notifications
Sign in with Google