പുതിയ ന്യൂനമര്ദ്ദം; കേരളത്തില് അടുത്ത അഞ്ച് ദിവസവും വ്യാപകമായ മഴയ്ക്ക് സാധ്യത
തിരുവനന്തപുരം: കേരളത്തില് അടുത്ത അഞ്ച് ദിവസവും വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ്. വടക്കന് ബംഗാള് ഉള്ക്കടലിന്റെ മധ്യഭാഗത്തായി പുതിയൊരു ന്യൂനമര്ദ്ദം രൂപപ്പെട്ടിട്ടുണ്ട് എന്ന് കാലാവസ്ഥാ വകുപ്പ് അറിയിച്ചു. വടക്ക് കിഴക്കന് അറബിക്കടലില് ഒരു ചക്രവാതച്ചുഴിയും സ്ഥിതി ചെയുന്നുണ്ട്. കൂടാതെ വടക്കന് കേരള തീരം മുതല് തെക്കന് ഗുജറാത്ത് തീരം വരെ ന്യൂനമര്ദ്ദ പാത്തിയുമുണ്ട്.
കേരള തീരത്ത് പടിഞ്ഞാറന് / വടക്ക് പടിഞ്ഞാറന് കാറ്റ് ശക്തമായി തുടരുകയാണ് എന്നും കാലാവസ്ഥാ നിരീക്ഷണ കേന്ദ്രം അറിയിച്ചു. അതിനിടെ കണ്ണൂര്, കാസര്കോട് തീരങ്ങള്ക്ക് പ്രത്യേക ജാഗ്രത ആവശ്യമാണെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം മുന്നറിയിപ്പ് നല്കി. ഉയര്ന്ന തിരമാലകള്ക്കൊപ്പം കടല് കൂടുതല് പ്രക്ഷുബ്ധമാകാന് സാധ്യതയുണ്ട് എന്നാണ് പ്രവചനം.
കേരള - കര്ണാടക- ലക്ഷദ്വീപ് തീരങ്ങളില് മത്സ്യബന്ധനം വിലക്കിയിട്ടുണ്ട്. ഇന്ന് മുതല് 22 വരെ കേരള - ലക്ഷദ്വീപ് തീരങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയിലുമുള്ള ശക്തമായ കാറ്റിന് സാധ്യതയുണ്ട്. വയനാട്, കണ്ണൂര് ജില്ലകളില് ഇന്ന് റെഡ് അലര്ട്ടാണ് പ്രഖ്യാപിച്ചിരിക്കുന്നത്.
അടുത്ത മൂന്ന് മണിക്കൂറില് കേരളത്തിലെ വയനാട്, കണ്ണൂര്, കാസര്കോഡ് ജില്ലകളില് ഒറ്റപ്പെട്ടയിടങ്ങളില് ശക്തമായ മഴയ്ക്കും മണിക്കൂറില് 50 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ട്. മറ്റ് ജില്ലകളില് ഒറ്റപ്പെട്ടയിടങ്ങളില് മിതമായ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന കാറ്റിനും സാധ്യതയുണ്ട് എന്നും കാലാവസ്ഥ വകുപ്പ് അറിയിച്ചു
ഇന്ന് കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കാസര്കോട് ജില്ലകളിലും നാളെ കോഴിക്കോട്, കണ്ണൂര്, കാസര്കോട് ജില്ലകളിലും ഓറഞ്ച് അലര്ട്ടായിരിക്കും. ഈ ജില്ലകളില് ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 മില്ലി മീറ്റര് മുതല് 204.4 മില്ലി മീറ്റര് വരെ മഴ ലഭിക്കുന്ന സാഹചര്യത്തെയാണ് അതിശക്തമായ മഴ എന്നത്കൊണ്ട് അര്ഥമാക്കുന്നത്.
ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലും നാളെ ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, വയനാട് ജില്ലകളിലും ശനിയാഴ്ച കോഴിക്കോട്, കണ്ണൂര്, കാസര്കോട് ജില്ലകളിലും ഞായറാഴ്ച കണ്ണൂര്, കാസര്കോട് ജില്ലകളിലും യെല്ലോ അലര്ട്ടായിരിക്കും.
Click it and Unblock the Notifications
Sign in with Google