ശക്തമായ കാറ്റിന് സാധ്യത; കേരളതീരത്ത് മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പ്
തിരുവനന്തപുരം: മത്സ്യത്തൊഴിലാളികള്ക്ക് മുന്നറിയിപ്പുമായി കാലാവസ്ഥ നിരീക്ഷണ കേന്ദ്രം. കേരള-കര്ണാടക തീരത്തും ലക്ഷദ്വീപ് പ്രദേശങ്ങളിലും ജൂണ് 11 മുതല് 13 വരെ മണിക്കൂറില് 40 മുതല് 50 കി.മീ. വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ സാഹചര്യത്തില് ഈ ദിവസങ്ങളില് മത്സ്യത്തൊഴിലാളികള് കടലില് പോകരുതെന്നു കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കുന്നു.
മുല്ലപ്പള്ളി രാമചന്ദ്രനെ കാണാനെത്തി കെപിസിസി പ്രസിഡന്റ് കെ സുധാകരന്
മാന്നാര് ഉള്ക്കടലില് ഇന്ന് (ജൂണ് 9) മണിക്കൂറില് 40 മുതല് 50 കി.മീ വരെയും നാളെ (ജൂണ് 10) മുതല് 13 വരെ മണിക്കൂറില് 45 മുതല് 55 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും തെക്കന് ബംഗാള് ഉള്ക്കടലിലും ആന്ഡമാന് കടലിലും ഇന്നു ( 09 ജൂണ്) മുതല് ജൂണ് 13 വരെ മണിക്കൂറില് 45 മുതല് 55 കി. മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്ന് കാലവസ്ഥ നിരീക്ഷണ കേന്ദ്രം പറയുന്നു.
ബംഗാള് ഉള്ക്കടലിന്റെ മധ്യ ഭാഗത്ത് ജൂണ് 10 മുതല് 13 വരെ മണിക്കൂറില് 40 മുതല് 50 കി. മീ വരെ വേഗതയിലും ചില അവസരങ്ങളില് 60 കി.മീ വേഗതയിലും വീശിയടിച്ചേക്കാവുന്ന ശക്തമായ കാറ്റിനും ബംഗാള് ഉള്ക്കടലിന്റെ വടക്ക് ഭാഗത്ത് ജൂണ് 11 മുതല് 13 വരെ മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി.മീ വേഗതയിലും വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ട്.
തെക്ക് പടിഞ്ഞാറ് - മധ്യ പടിഞ്ഞാറന് അറബിന് കടലില് ജൂണ് 11 മുതല് 13 വരെ മണിക്കൂറില് 40 മുതല് 50 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്നു കേന്ദ്ര കാലാവസ്ഥാ വകുപ്പ് അറിയിച്ചിട്ടുള്ളതിനാല് ഈ ദിവസങ്ങളില് ഈ പ്രദേശങ്ങളില് മത്സ്യബന്ധനത്തിനു പോകാന് പാടില്ലെന്നും അറിയിപ്പില് പറയുന്നു.
ഹോട്ട് ആന്റ് ബ്യൂട്ടിഫുൾ ലുക്കിൽ നടി ശ്രദ്ധ കപൂർ ..ഫോട്ടോകൾ കാണാം
Click it and Unblock the Notifications
Sign in with Google