ശക്തമായ കാറ്റും മോശം കാലാവസ്ഥയും; കേരള-ലക്ഷദ്വീപ് തീരത്ത് മത്സ്യബന്ധനത്തിന് വിലക്ക്
തിരുവനന്തപുരം: ഇന്ന് ഏപ്രില് 14 കേരളതീരത്തും അതിനോട് ചേര്ന്ന തെക്ക് കിഴക്കന് അറബിക്കടലിലും ലക്ഷദ്വീപ് തീരങ്ങളിലും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്ന് കേന്ദ്രകാലാവസ്ഥാവകുപ്പിന്റെ മുന്നറിയിപ്പുള്ളതിനാല് കേരള - ലക്ഷദ്വീപ് തീരങ്ങളില് മത്സ്യബന്ധനത്തിന് പോകരുതെന്ന് ജില്ലാ കളക്ടര് ഡോ.നവ്ജ്യോത്ഖോസ അറിയിച്ചു. മുന്നറിയിപ്പ് പിന്വലിക്കുന്നതുവരെ കേരള തീരത്ത് നിന്നും ആരും കടലില് പോകരുതെന്നും നിര്ദേശമുണ്ട്. അതേസമയം കര്ണാടക തീരത്ത് മത്സ്യബന്ധനത്തിന് തടസമില്ലെന്ന് അറിയിപ്പില് പറയുന്നു.
തമിഴ്നാട് തീരം, ഗള്ഫ് ഓഫ് മാന്നാര്, കന്യാകുമാരി തീരം എന്നിവിടങ്ങളിലും ഇന്ന് (ഏപ്രില് 14) മണിക്കൂറില് 40 മുതല് 50 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നാണ് കേന്ദ്ര കാലാവസ്ഥാവകുപ്പിന്റെ മുന്നറിയിപ്പ്. ഈ സാഹചര്യത്തില് മുന്നറിയിപ്പുള്ള പ്രദേശങ്ങളില് ഇന്ന് മത്സ്യത്തൊഴിലാളികള് കടലില് പോകരുതെന്നും ജില്ലാ കളക്ടര് അറിയിച്ചു. അതേസമയം, തിരുവനന്തപുരം ജില്ലയില് ഇന്ന്24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെയുള്ള ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതായി കേന്ദ്രകാലാവസ്ഥാവകുപ്പ് . ഈ സാഹചര്യത്തില് ജില്ലാ കളക്ടര് ഡോ.നവ്ജ്യോത്ഖോസ ഇന്ന് മഞ്ഞ അലര്ട്ട് പ്രഖ്യാപിച്ചിട്ടുണ്ട്.
അതേസമയം, സംസ്ഥാനത്ത് ശക്തമായ മഴയുടെ പശ്ചാത്തലത്തില് വിവിധ ജില്ലകളില് കേന്ദ്ര കാലാവസ്ഥ വകുപ്പ് മഞ്ഞ അലേര്ട്ടുകള് പ്രഖ്യാപിച്ചിരിക്കുന്നു.
14/04/2022: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, പാലക്കാട്
15/04/2022: പത്തനംതിട്ട, ഇടുക്കി, മലപ്പുറം, പാലക്കാട്
16/04/2022: ഇടുക്കി, മലപ്പുറം, പാലക്കാട്, കണ്ണൂര്
17/04/2022: ഇടുക്കി, മലപ്പുറം, പാലക്കാട്, കോഴിക്കോട്, വയനാട്, കണ്ണൂര്
എന്നീ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലേര്ട്ട് പ്രഖ്യാപിച്ചത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത് .
Click it and Unblock the Notifications
Sign in with Google