കൊറോണയും അഴിമതിയും വിവാദങ്ങളും; ഒടുവില് തിരഞ്ഞെടുപ്പും... കേരളം പിന്നിട്ട 2020 ഇങ്ങനെ
തിരുവനന്തപുരം: 2020 കേരളത്തിന് മറക്കാന് കഴിയാത്ത വര്ഷം തന്നെയാണ്. ഇന്ത്യയില് ആദ്യമായി കൊറോണ രോഗം റിപ്പോര്ട്ട് ചെയ്തത് കേരളത്തിലാണ്. അന്ന് മുതല് തുടങ്ങിയ പ്രതിരോധ പ്രവര്ത്തനങ്ങള് ഇന്നും തുടരുന്നു. ശക്തമായ മുന്കരുതല് നടപടിയാണ് കേരളത്തെ രോഗ വ്യാപനത്തില് നിന്ന് ഇതുവരെ കാത്തത്. ലോകത്തിന് തന്നെ മാതൃകയായി ഇക്കാര്യത്തില് കേരളം മാറുകയും ചെയ്തു. രോഗികള് വര്ധിച്ചുവരുന്നത് ആശങ്കപ്പെടുത്തുന്നുണ്ടെങ്കിലും പ്രതിരോധത്തില് പാളിച്ചയില്ലാതെ മുന്നോട്ട് പോകുകയാണ് കേരളം. തദ്ദേശ തിരഞ്ഞെുപ്പിന് ശേഷം രോഗ വ്യാപന സാധ്യത മുന്കൂട്ടി കണ്ടിരുന്നെങ്കിലും ആശങ്കപ്പെടുത്തുന്ന കണക്കുകള് ഇതുവരെ ഇല്ല.
കേരളത്തെ പിടിച്ചുലച്ച ഒട്ടേറെ സംഭവങ്ങളാണ് ഈ വര്ഷമുണ്ടായത്. സ്പ്രിംഗ്ളര്, സ്വര്ണക്കടത്ത്, ലൈഫ് മിഷന് അഴിമതികള് ഒന്നിന് പിറകെ ഒന്നായി ഉയര്ന്നു. മുഖ്യമന്ത്രി പിണറായി വിജയന്റെ പ്രിന്സിപ്പല് സെക്രട്ടറി എം ശിവശങ്കര് കേസില് അറസ്റ്റിലായതോടെ സര്ക്കാര് കൂടുതല് പ്രതിസന്ധിയിലായി. സ്വപ്ന സുരേഷ് മുതല് ഒട്ടേറെ വിവാദ നായകരുടെ പേര് ഈ വര്ഷം കേരളത്തിലെ വാര്ത്തകളില് നിറഞ്ഞു. അഴിമതികള് ഉയര്ന്നതിന് പിന്നാലെ കേന്ദ്ര അന്വേഷണ ഏജന്സികള് ഒന്നിന് പിറകെ ഒന്നായി കേരളത്തിലേക്കെത്തി.
എന്ഫോഴ്സ്മെന്റ് ഡയറക്ട്രേറ്റും കസ്റ്റംസും സിബിഐയും എന്ഐഎയും ആദായ നികുതി വകുപ്പുമെല്ലാം കേരളത്തില് പരിശോധന ഇപ്പോഴും തുടരുന്നു. പ്രതിപക്ഷത്തിന്റെ ആരോപണങ്ങളുടെ കുന്തമുന പ്രധാനമായും മുഖ്യമന്ത്രിയെ ലക്ഷ്യമിട്ടായിരുന്നു. എന്നാല് ഇതുവരെ മുഖ്യമന്ത്രിക്ക് പങ്കുണ്ടെന്ന തെളിവ് ലഭിച്ചിട്ടില്ല. അതിനിടെ കോടിയേരി ബാലകൃഷ്ണന്റെ മക്കള് വിവാദത്തില്പ്പെട്ടതും സിപിഎമ്മിന് തലവേദനയായി. ബിനീഷ് കോടിയേരി ബെംഗളൂരു ജയിലിലാണിപ്പോള്.
അതേസമയം, പ്രതിപക്ഷ എംഎല്എമാരും പ്രതിക്കൂട്ടില് നില്ക്കുന്ന കാഴ്ചയായിരുന്നു പിന്നീട്. സര്ക്കാര് രാഷ്ട്രീയം വൈരം തീര്ക്കുന്നു എന്നാണ് പ്രതിപക്ഷം ഇതിനോട് പ്രതികരിച്ചത്. ഫാഷന് ഗോള്ഡ് തട്ടിപ്പ് കേസില് മഞ്ചേശ്വരത്തെ മുസ്ലിം ലീഗ് എംഎല്എ എംസി ഖമറുദ്ദീനും പാലാരിവട്ടം പാലം നിര്മാണത്തിലെ അഴിമതിയില് മുസ്ലിം ലീഗ് നേതാവും മുന് മന്ത്രിയുമായ വികെ ഇബ്രാഹിംകുഞ്ഞും അറസ്റ്റിലായത് ഈ വര്ഷം തന്നെ.
തൊട്ടുപിന്നാലെ എത്തിയ തദ്ദേശ തിരഞ്ഞെടുപ്പില് വിജയം ഇടതുപക്ഷത്തിനായിരുന്നു. അഴിമതികേസുകള് കെട്ടുകഥകളാണെന്ന് ജനത്തിന് ബോധ്യമായി എന്ന് ഇടതുപക്ഷവും വിവാദങ്ങള് വേണ്ട വിധം പ്രചരിപ്പിക്കുന്നതില് പരാജയപ്പെട്ടുവെന്ന് യുഡിഎഫും വിലയിരുത്തി. കോണ്ഗ്രസ് ക്യാമ്പിലെ ഭിന്നതാണ് യുഡിഎഫിന് തിരിച്ചടിയായത് എന്നും വിലയിരുത്തലുണ്ടായി. വന് പ്രഖ്യാപനങ്ങളുമായി എത്തിയ ബിജെപിക്ക് പക്ഷേ പ്രതീക്ഷിച്ച നേട്ടം കൊയ്യാനായില്ല. ട്വന്റി ട്വന്റി കിഴക്കമ്പലത്തിന് പുറമെ സമീപ പഞ്ചായത്തുകളുടെ ഭരണം കൂടി പിടിച്ച് മുഖ്യധാരാ മുന്നണികളെ ഞെട്ടിച്ചതും പ്രധാന വാര്ത്തയായി.
ഏറ്റവും ഒടുവില് 21കാരി ആര്യ രാജേന്ദ്രനെ തിരുവനന്തപുരം കോര്പറേഷന്റെ ഭരണം സിപിഎം ഏല്പ്പിച്ചത് ദേശീയ വാര്ത്തയായി. ഈ പദവി അലങ്കരിക്കുന്ന രാജ്യത്തെ പ്രായം കുറഞ്ഞ വ്യക്തിയാണ് ആര്യ. പത്തനംതിട്ടയിലെ അരുവാപ്പുലം പഞ്ചായത്ത് ഭരണത്തിന് സിപിഎം തിരഞ്ഞെടുത്തത് മറ്റൊരു 21കാരിയെയാണ്. കൊറോണയെയും പ്രളയത്തെയുമെല്ലാം മറികടന്ന് കേരളം പ്രതീക്ഷയോടെയാണ് നിയമസഭാ തിരഞ്ഞെടുപ്പിന് സാക്ഷിയാകാനുള്ള 2021ലേക്ക് പ്രവേശിക്കുന്നത്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google