സംസ്ഥാനത്ത് ഒരാള്ക്ക് കൂടി സിക്ക വൈറസ് സ്ഥിരീകരിച്ചു; 5 പേരുടെ പരിശോധനാ ഫലം നെഗറ്റീവ്
തിരുവനന്തപുരം: സംസ്ഥാനത്ത് ഒരാള്ക്ക് കൂടി സിക്ക വൈറസ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. തലസ്ഥാനത്തെ മറ്റൊരു സ്വകാര്യ ആശുപത്രിയില് നിന്നും കോയമ്പത്തൂര് ലാബില് അയച്ച സാമ്പിളിലാണ് സിക്ക വൈറസ് സ്ഥിരീകരിച്ചത്.
ഈ സ്വകാര്യ ആശുപത്രിയില് ചികിത്സ തേടിയ 73 വയസുകാരിയിലാണ് സിക്ക വൈറസ് സ്ഥിരീകരിച്ചത്. ഇതോടെ സംസ്ഥാനത്ത് 19 പേര്ക്കാണ് സിക്ക വൈറസ് സ്ഥിരീകരിച്ചതെന്നും മന്ത്രി വ്യക്തമാക്കി. അതേസമയം എന്.ഐ.വി. ആലപ്പുഴയില് അയച്ച 5 സാമ്പിളുകള് കൂടി നെഗറ്റീവായി.
ബാലതാരത്തിൽ നിന്ന് നായികയിലേക്ക്? അനിഘ സുരേന്ദ്രന്റെ പുതിയ ചിത്രങ്ങൾ വൈറലാകുന്നു
അതേസമയം, ഈഡിസ് വിഭാഗത്തില്പ്പെടുന്ന കൊതുകുകള് പരത്തുന്ന രോഗമാണ് സിക്ക വൈറസ്. പകല് സമയത്താണ് ഇത്തരം കൊതുകുകള് പ്രധാനമായും കടിക്കുക. സിക്ക വൈറസ് ബാധിച്ചയാള്ക്ക് രണ്ട് മുതല് ഏഴ് ദിവസം വരെ രോഗലക്ഷണങ്ങള് നീണ്ടും നില്ക്കും. തലവേദന, സന്ധി വേദന, ചുവന്ന പാടുകള്, പനി, പേശി വേദന എന്നൊക്കെയാണ് പ്രധാനമായും കാണിക്കുന്ന ലക്ഷണങ്ങള്.
3 മുതല് 14 ദിവസമാണ് സിക്ക വൈറസിന്റെ ഇന്കുബേഷന് കാലയളവ്. സിക്ക ബാധിച്ചുള്ള മരണങ്ങള് അപൂര്വമാണ്. അണുബാധയുള്ള ആളുകള്ക്കും രോഗലക്ഷണങ്ങള് കാണാറില്ല. മരുന്നുകള് ലഭ്യമല്ലെങ്കിലും സിക്കത വൈറസിനെ പ്രതിരോധിക്കാന് മാര്ഗങ്ങള് ഏറെയുണ്ട്. അതിനായി കൊതുകു കടിയില് നിന്നും രക്ഷനേടുകയാണ് ആദ്യം ചെയ്യേണ്ടത്. പകല് സമയത്തും വൈകുന്നേരവും കൊതുക് കടിയില് നിന്ന് സംരക്ഷണം നേടുകയാണ് ഏറ്റവും പ്രധാനമായും ചെയ്യേണ്ടത്.
ഇത് നമ്മുടെ മേരിയല്ലേ? അനുപമയുടെ ഫോട്ടോഷൂട്ടിന് കയ്യടിച്ച് ആരാധകർ
Click it and Unblock the Notifications
Sign in with Google