കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കൊല്ലണമെന്ന ഉദ്ദേശത്തോടെ കെവിനെ പുഴയിലേക്ക് ഓടിച്ചു; നീനുവിന്റെ പിതാവിനെതിരേയും കൊലക്കുറ്റം ചുമത്തി

  • By Desk
Google Oneindia Malayalam News

കോട്ടയം: കെവിന്‍ വധക്കേസില്‍ അറസ്റ്റിലായ മുഴുവന്‍ പ്രതികള്‍ക്കെതിരേയും പോലീസ് കൊലക്കുറ്റം ചുമത്തി. കേസിലെ മുഖ്യപ്രതി ഷാനുചാക്കോയുടെ അച്ഛന്‍ ചാക്കോയ്‌ക്കെതിരേയും കൊലക്കുറ്റം ചുമത്തിയിട്ടുണ്ട്. ചാക്കോയ്‌ക്കെതിരെ ഗൂഡാലോചക്കുറ്റം മാത്രമാണുള്ളതെന്നാണ് റിമാന്‍ഡ് റിപ്പോര്‍ട്ടില്‍ വ്യക്തമാക്കിയിരുന്നത്.

എന്നാല്‍ ചാക്കോയുമായി ഷാനു നടത്തിയ ഗൂഡാലോച കൊലപാതകത്തിലേക്ക് നയിച്ചതെന്ന് കുറ്റപത്രത്തില്‍ വ്യക്തമാക്കുന്നു. പബ്ലിക് പ്രോസിക്യൂട്ടറുടെ നിര്‍ദ്ദേശപ്രകാരമാണ് ചാക്കോയ്‌ക്കെതിരേയും കൊലക്കുറ്റം ചുമത്തിയിരിക്കുന്നത്. ഇതോടെ കേസില്‍ അറസ്റ്റിലായ എല്ലാ പ്രതികളുടേയും പേരില്‍ കൊലക്കുറ്റം ചുമത്തിയാണ് കുറ്റപത്രം സമര്‍പ്പിച്ചിരിക്കുന്നത്.

കെവിന്റേത് ദുരഭിമാനക്കൊലയാണെന്നും കുറ്റപത്രത്തില്‍ വ്യക്തമാക്കുന്നുണ്ട്. ദളിത് ക്രിസ്ത്യന്‍ വിഭാഗത്തില്‍പ്പെട്ട കെവിന്‍ നീനൂവിനെ പ്രണയിച്ചത് നീനുവിന്റെ സഹോദരന്‍ ഷാനുവില്‍ ശത്രുതയുണ്ടാക്കി. നീനുവിന്റെ വിട്ടുകിട്ടുന്നതിന് വേണ്ടിയാണ് കെവിനേയും ബന്ധു അനീഷിനേയും ഷാനുവും സംഘവും തട്ടിക്കൊണ്ടുപോയതെന്നും കുറ്റപത്രത്തില്‍ വ്യക്തമാക്കുന്നുണ്ട്.

പോസ്റ്റ് മോര്‍ട്ടത്തില്‍ കെവിന്റേത് മുങ്ങി മരണമാണെന്ന് വ്യക്തമാക്കുന്നുണ്ടെങ്കിലും കൊല്ലണമെന്ന ഉദ്ദേശത്തോടെ പുഴയിലേക്ക് ഓടിച്ചു കൊണ്ടുപോയതാണെന്ന് കുറ്റപത്രത്തില്‍ വ്യക്തമാക്കുന്നുണ്ട്.

kevinneenu
English summary
kevin murder case follow up
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X