കൊച്ചി:ചുംബനസമരത്തിനെ അനുകൂലിച്ചവരും പങ്കെടുത്തവരുമെല്ലാം രാഹുല്‍ പശുപാലനെ തള്ളി പറയുകയാണ്. തങ്ങളുടെ കയ്യില്‍ നിന്നും രാഹുല്‍ പശുപാലന്‍ പണം വാങ്ങി പറ്റിച്ചു എന്നും പറഞ്ഞു കൊണ്ട് സുഹൃത്തുക്കള്‍ വരെ രംഗത്തെത്തിയിരുന്നു. രാഹുലിന്റെ അച്ഛന്‍ പശുപാലന്‍ വരെ മകനെതിരെ പ്രതികരിക്കുകയാണ് ചെയ്തത്.
എല്ലാ സാക്ഷികളും തെളിവുകളും രാഹുലിനു നേരെ വിരല്‍ ചൂണ്ടുമ്പോള്‍ രാഹുല്‍ പശുപാലന്റെ കുരുക്കു ഒന്നുകൂടി മുറുകുകയാണ്. ചുംബനസമരത്തിന്റെ മറവില്‍ പെണ്‍കുട്ടികളെ ഇരകളാക്കാന്‍ രാഹുല്‍ പശുപാലന്‍ ശ്രമിച്ചുവെന്ന വെളിപ്പെടുത്തലുമായാണ് യുവതി ഇപ്പോള്‍ രംഗത്തെത്തിയിരിക്കുന്നത്. പ്രമുഖ മാധ്യമത്തിനു നല്‍കിയ അഭിമുഖത്തിലൂടെയാണ് സമരത്തില്‍ പങ്കെടുത്ത യുവതിയുടെ വെളിപ്പെടുത്തല്‍.
പെണ്‍കുട്ടികളെ ഇരകളാക്കി
ചുംബന സമരത്തിന്റെ മറവില്‍ പെണ്‍കുട്ടികളെ രാഹുല്‍ പശുപാലനും രശ്മി ആര്‍ നായരും ഇരകളാക്കിയെന്നാണ് സമരത്തില്‍ പങ്കെടുത്ത യുവതി വെളിപ്പെടുത്തിയത്. പെണ്‍കുട്ടികള്‍ കൂടുതല്‍ ഇതില്‍ ഉണ്ടെന്ന് എല്ലാവര്‍ക്കും മനസിലാകണമെന്ന് തോന്നണമെന്നും ഇവര്‍ പറഞ്ഞത്രേ.
Please read our comments policy before posting