തൃശ്ശൂര്‍ ജനങ്ങളെയും ചുംബനസമരക്കാര്‍ പറ്റിച്ചു

തൃശ്ശൂര്‍: ഇത്തവണയും പോലീസും ജനങ്ങളും ഇളഭ്യരായി തിരിച്ചുപോയി. എന്നാലും ചുംബനസമരക്കാര്‍ ഇങ്ങനെ പറ്റിക്കാന്‍ പാടില്ലായിരുന്നു. കാണാന്‍ വന്ന ജനങ്ങളുടെ കാത്തിരിപ്പിനെ എങ്കിലും നിങ്ങള്‍ ഓര്‍ക്കണമായിരുന്നു. തൃശ്ശൂരില്‍ ഞായറാഴ്ച ചുംബനസമരം നടക്കുമെന്ന് പറഞ്ഞ് നൂറോളം പേര്‍ ഒഴുകിയെത്തി. എന്നാല്‍ അവിടെയും ചുംബനം നടന്നില്ല. കണ്ണൂരിലെ ജനങ്ങളെ പറ്റിച്ചതു പോലെ തന്നെ ചുംബനസമരക്കാര്‍ തൃശ്ശൂര്‍ ജനങ്ങളെയും പറ്റിച്ചു.

ചുംബനം കാണാന്‍ എത്തിയവരും സമരക്കാരെ അടിച്ചോടിക്കാനെത്തിയവരും നാണംകെട്ട് മടങ്ങി പോയി. പോലീസുകാരാകട്ടെ വെറും നോക്കുകുത്തികളായി പോയി. സമരം പ്രഖ്യാപിച്ച ചുംബനക്കാര്‍ വരാതിരിക്കുന്നത് ഇത് ആദ്യത്തെ സംഭവമല്ലല്ലോ. കണ്ണൂരും ഇതു തന്നെയല്ലെ നടന്നത്. എന്നാല്‍ ബോധമില്ലാതെ സമയം കളഞ്ഞ് ലൈവായി ഉമ്മ വെക്കുന്നത് കാണാന്‍ വരേണ്ട കാര്യമുണ്ടായിരുന്നോ.

തൃശ്ശൂര്‍ നഗരത്തില്‍ നാലിടത്തു ചുംബനസമരം നടക്കുമെന്ന് ഫേസ്ബുക്ക് പോസ്റ്റുകള്‍ കണ്ട് എത്തിയ ജനങ്ങളും പോലീസുകാരും ശിവസേന പ്രവര്‍ത്തകരും കൈയും കെട്ടി നോക്കി നിന്നു. ചുംബനസമരക്കാരുടെ പൊടിപോലും കണ്ടുപിടിക്കാന്‍ ആയില്ല. മണിക്കൂറുകള്‍ നീണ്ട തിരച്ചിലിനൊടുവില്‍ എല്ലാവരും വിടവാങ്ങി.

ചൂരലുമായി എത്തിയ ശിവസേനക്കാര്‍ പൂരപറമ്പില്‍ ലൈസന്‍സ് കിട്ടിയവരെ പോലെ നിന്നു. നിന്നു ക്ഷീണിച്ചപ്പോള്‍ ഇളിഭ്യരായി മടങ്ങി എന്നു പറഞ്ഞാല്‍ മതിയല്ലോ. എന്തായാലും ചുംബനസമരം നടക്കുമെന്ന് ഫേസ്ബുക്കില്‍ പോസ്റ്റ് ചെയ്തവര്‍ ഇതു മറഞ്ഞിരുന്നു കണ്ട് ചിരിച്ചിട്ടുണ്ടാവും. ഇത്തിരിനേരം പോലീസിനെയും ശിവസേനക്കാരെയും വട്ടം കറക്കുവാന്‍ കഴിഞ്ഞല്ലോ എന്ന ആശ്വാസത്തോടെ..

English summary

Kiss of love in Thrissur on Sunday