ജോര്ജിനെ മാണി സാറും കൈവിട്ടോ?
ലോകസഭാ തിരഞ്ഞെടുപ്പില് പാര്ട്ടിക്ക് ഒരു സീറ്റ് മതിയെന്ന ജോര്ജിന്റെ നിലപാടിനെ കെഎം മാണി തള്ളി. ജോര്ജിന്റെ വാദത്തിന് പ്രസക്തിയില്ലെന്നും സീറ്റിന്റെ കാര്യത്തില് പാര്ട്ടി തക്ക സമയത്ത് തീരുമാനമെടുക്കുമെന്നും മാണി പ്രതികരിച്ചു. അതിന് വേണ്ടി ഉന്നതാധികാര സമിതിയും ചേരും.
ജോര്ജ് വ്യക്തിപരമായ ആക്ഷേപങ്ങള് ഒഴിവാക്കണമെന്നും വക്യതികളോട് ബഹുമാനത്തോടെ പെരുമാറണമെന്നുമുപദേശിക്കാനും മാണിസാര് മറന്നില്ല. പാര്ട്ടിയെയും നേതാക്കളെയും സംബന്ധിച്ച കാര്യങ്ങള് പൊതുവേദയില് ചര്ച്ച ചെയ്യരുതെന്നും അദ്ദേഹം ആവശ്യപ്പെട്ടിട്ടുണ്ട്.
അതേ സമയം പിസി ജോര്ജിനെതിരെ കടുത്ത നടപടി വേണമെന്ന നിലപാടിലാണ് ജോസഫ് ഗ്രൂപ്പ്. പിസി ജോര്ജിനോട് ഇനി ഒരു തരത്തിലുള്ള വിട്ടുവീഴ്ചയ്ക്കും തയ്യാറെല്ലെന്ന തീരുമാനത്തിലാണ് ഇവര്. ജോര്ജിനെ ചീഫ് വിപ്പ് പദവിയില് നിന്നും പാര്ട്ടി വൈസ് ചെയര്മാന് പദവിയില് നിന്നും മാറ്റണമെന്നതുകൂടാതെ യുഡിഎഫിന്റെ പരിപാടികളില് പങ്കെടുപ്പിക്കരുതെന്നും ജോസഫ് ഗ്രൂപ്പ് ആവശ്യപ്പെടുമെന്നാണ് കേള്ക്കുന്നത്.
Click it and Unblock the Notifications
Sign in with Google