Click it and Unblock the Notifications
Just In
Don't Miss
-
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ -
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
ഫിമെയിൽ ഫ്രണ്ട്സിനോട് ചെയ്യുന്നതേ ജാസ്മിനോടും ചെയ്തിട്ടുള്ളൂ! കല്യാണം കഴിക്കില്ല- ഗബ്രിയ്ക്കെതിരെ പ്രേക്ഷകർ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ആരും തിരിഞ്ഞുനോക്കിയില്ലെന്ന വാർത്തകൾ തെറ്റ്... രക്ഷിക്കാൻ മുന്നിട്ടിറങ്ങിയത് അഭിഭാഷക മാത്രമല്ല...
മലയാളിയുടെ മനുഷ്യത്വം നഷ്ടപ്പെട്ടെന്ന രീതിയിൽ പ്രചരിച്ച വാർത്തകൾക്കെതിരെയാണ് സംഭവത്തിന് ദൃക്സാക്ഷികളായവർ രംഗത്തെത്തിയിരിക്കുന്നത്.
കൊച്ചി: നഗരമദ്ധ്യത്തിൽ കെട്ടിടത്തിന് മുകളിൽ നിന്ന് വീണ യുവാവിനെ ആരും തിരിഞ്ഞുനോക്കിയില്ലെന്ന വാർത്തകൾ തെറ്റെന്ന് ദൃക്സാക്ഷികൾ. മലയാളിയുടെ മനുഷ്യത്വം നഷ്ടപ്പെട്ടെന്ന രീതിയിൽ പ്രചരിച്ച വാർത്തകൾക്കെതിരെയാണ് സംഭവത്തിന് ദൃക്സാക്ഷികളായവർ രംഗത്തെത്തിയിരിക്കുന്നത്. മീഡിയവൺ ടിവിയാണ് ഇതുസംബന്ധിച്ച വാർത്ത പുറത്തുവിട്ടിരിക്കുന്നത്.
അപകടം സംഭവിച്ച് ഒൻപത് മിനിറ്റിനകം തന്നെ പരിക്കേറ്റയാളെ ആശുപത്രിയിൽ കൊണ്ടുപോകാനായെന്നാണ് ദൃക്സാക്ഷികൾ പറയുന്നത്. കൺമുന്നിൽ അപകടം കണ്ടയുടൻ അൽപനേരം പകച്ചുനിന്നെങ്കിലും മിനിറ്റുകൾക്കകം തന്നെ യുവാവിനെ കാറിൽ കയറ്റി. അപകടത്തിൽപ്പെട്ടയാളെ ആശുപത്രിയിലെത്തിക്കാൻ അഭിഭാഷക മാത്രമാണ് ഇടപെട്ടതെന്ന വാദവും തെറ്റാണെന്നാണ് ദൃക്സാക്ഷികളുടെ ആരോപണം.
ഒമ്പതു മിനിറ്റിനകം...
കെട്ടിടത്തിൽ നിന്നും താഴെ വീണ് പരിക്കേറ്റയാളെ ഒമ്പത് മിനിറ്റിനകം കാറിൽ കയറ്റി ആശുപത്രിയിൽ കൊണ്ടുപോയെന്നാണ് ദൃക്സാക്ഷികൾ പറയുന്നത്. സംഭവത്തിന്റെ കൂടുതൽ സിസിടിവി ദൃശ്യങ്ങൾ പരിശോധിച്ചാൽ അക്കാര്യം മനസിലാകുമെന്നും ഇവർ പറയുന്നു.
ആശുപത്രിയിലേക്ക്...
കൺമുന്നിൽ അപകടം കണ്ടപ്പോൾ ആദ്യമെല്ലാവരും പകച്ചുനിന്നു. എന്നാൽ നിമിഷങ്ങൾക്കും പരിക്കേറ്റയാളെ ആശുപത്രിയിലെത്തിക്കാനുള്ള ശ്രമങ്ങൾ ആരംഭിക്കുകയും ചെയ്തു. കൊച്ചിയിലെ സ്വകാര്യ സ്കൂൾ അദ്ധ്യാപികയായ ജൂഡി ഫെർണാണ്ടസും, ഭർത്താവ് ചാൾസ് ഫെർണാണ്ടസുമാണ് അപകടത്തിൽപ്പെട്ട സജിയെ ആശുപത്രിയിലെത്തിച്ചത്.
ചികിത്സ കിട്ടിയില്ല...
പരിക്കേറ്റയാളെ ആദ്യമെത്തിച്ചത് ഒരു സ്വകാര്യ ആശുപത്രിയിലായിരുന്നു. എന്നാൽ അവിടെനിന്ന് മതിയായ ചികിത്സ ലഭിച്ചില്ല. തുടർന്ന് എറണാകുളം ജനറൽ ആശുപത്രിയിലേക്ക് കൊണ്ടുപോയി. ഇവിടെനിന്നാണ് ചികിത്സ ലഭിച്ചതെന്നും ദൃക്സാക്ഷികൾ പറഞ്ഞു.
സിസിടിവി...
അപകടം കണ്ട് ചിലരെല്ലാം മാറിനിന്നെങ്കിലും അഭിഭാഷക ഒഴികെ മറ്റാരും രക്ഷാപ്രവർത്തനം നടത്തിയില്ലെന്ന പ്രചരണം തെറ്റാണെന്നാണ് ഇവർ പറയുന്നത്. സംഭവത്തിന്റെ സിസിടിവി ദൃശ്യങ്ങൾ പരിശോധിച്ചാൽ ഇക്കാര്യം മനസിലാകുമെന്നും ഇവർ വ്യക്തമാക്കി. മീഡിയവൺ ടിവിയാണ് ഇതുസംബന്ധിച്ച വാർത്ത പുറത്തുവിട്ടിരിക്കുന്നത്.
ഞായറാഴ്ച വൈകീട്ട്...
എറണാകുളം പത്മ ജങ്ഷനിൽ ജനുവരി 28 ഞായറാഴ്ച വൈകീട്ടാണ് മനുഷ്യമനസാക്ഷിയെ ഞെട്ടിച്ച സംഭമുണ്ടായത്. ബഹുനില കെട്ടിടത്തിന്റെ മൂന്നാംനിലയിൽ നിന്നും താഴെ വീണ സജിയെ ഒരാൾപോലും ആശുപത്രിയിലെത്തിക്കാൻ തയ്യാറായില്ലെന്നായിരുന്നു റിപ്പോർട്ടുകളുണ്ടായിരുന്നത്.
രക്ഷാപ്രവർത്തനം...
അതുവഴി എത്തിയ ഹൈക്കോടതി അഭിഭാഷക ര‍ഞ്ജിനിയാണ് പിന്നീട് സജിയെ ആശുപത്രിയിൽ കൊണ്ടുപോകാൻ ശ്രമിച്ചത്. സമീപത്തുണ്ടായിരുന്ന പലരോടും സഹായം അഭ്യർത്ഥിച്ചെങ്കിലും ആരും തിരിഞ്ഞുനോക്കിയില്ലെന്നും അഭിഭാഷക പറഞ്ഞിരുന്നു.
കാറിൽ കയറ്റി...
ആശുപത്രിയിൽ വിളിച്ച് ആംബുലൻസ് ലഭ്യമാക്കാൻ ശ്രമിച്ചെങ്കിലും ലഭിച്ചില്ലെന്നും, പിന്നീട് ഒരു കാറുകാരനെ സംഘടിപ്പിച്ചാണ് പരിക്കേറ്റയാളെ ആശുപത്രിയിൽ എത്തിച്ചതെന്നും അഭിഭാഷക പറഞ്ഞിരുന്നു.
നിയമസഭയിലും...
അപകടത്തിൽപ്പെട്ടയാളെ രക്ഷിക്കാൻ മുന്നിട്ടിറങ്ങിയ ര‍ഞ്ജിനിയെ മുഖ്യമന്ത്രി അടക്കമുള്ളവർ അഭിനന്ദിക്കുകയും ചെയ്തു. ഇതിനുപിന്നാലെയാണ് അഭിഭാഷക മാത്രമാണ് രക്ഷാപ്രവർത്തനത്തിന് ഇറങ്ങിയതെന്ന വാർത്ത തെറ്റാണെന്ന് പറഞ്ഞ് ഒരു സംഘം രംഗത്തെത്തിയിരിക്കുന്നത്.
