കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കൊക്കെയ്ന്‍ കേസില്‍ ഷൈന്‍ ടോമിനും കൂട്ടര്‍ക്കും കര്‍ശന ഉപാധികളോടെ ജാമ്യം

  • By Soorya Chandran
Google Oneindia Malayalam News

കൊച്ചി: കൊച്ചി കൊക്കെയ്ന്‍ കേസില്‍ അഞ്ച് പ്രതികള്‍ക്ക് ഹൈക്കോടതി ജാമ്യം അനുവദിച്ചു. കര്‍ശന ഉപാധികളോടെയാണ് ജാമ്യം അനുവദിച്ചിട്ടുള്ളത്.

സിനിമ താരം ഷൈന്‍ ടോം ചാക്കോ, സംഹസംവിധായിക ബ്ലസ്സി സില്‍വസ്റ്റര്‍, ഫാഷന്‍ ഡിസൈനര്‍ രേഷ്മ രംഗസ്വാമി, മോഡലുകളായ സ്‌നേഹ ബാബു, ടിന്‍സി ബാബു എന്നിവര്‍ക്കാണ് ജാമ്യം അനുവദിച്ചത്. എട്ട് പേരാണ് കേസുമായി ബന്ധപ്പെട്ട് അറസ്റ്റിലുള്ളത്.

Drug Case Models

കോഴിക്കോട് സ്വദേശിനിയായ രേഷ്മ രംഗസ്വാമിയാണ് കേസിലെ ഒന്നാം പ്രതി. എല്ലാ പ്രതികളും പാസ്‌പോര്‍ട്ട് കോടതിയില്‍ സമര്‍പ്പിക്കണം എന്നാണ് പ്രധാന ഉപാധി. ആഴ്ചയില്‍ രണ്ട് ദിവസം അന്വേഷണ ഉദ്യോഗസ്ഥര്‍ക്ക് മുന്നില്‍ ഹാജരാവുകയും ഒപ്പ് രേഖപ്പെടുത്തുകയും വേണം. കൊച്ചി നഗരം വിട്ട് പുറത്ത് പോവുകയും അരുത്.

Shine Tom Chacko

കേസില്‍ മാര്‍ച്ച് 30 നാണ് അന്വേഷണ സംഘം കുറ്റപത്രം സമര്‍പ്പിച്ചത്. പ്രതികള്‍ക്ക് ജാമ്യം അനുവദിക്കരുതെന്ന് പ്രോസിക്യൂഷന്‍ ശക്തമായി വാദിച്ചു. കൊക്കെയ്ന്‍ ഉപയോഗിച്ചു എന്ന കുറ്റം മാത്രമല്ല ഇവര്‍ക്കെതിരെയുള്ളതെന്നും മയക്കുമരുന്ന് മാഫിയയിലെ കണ്ണികളാണ് ഇവരെന്നും വാദിച്ചു.

എന്നാല്‍ അറസ്റ്റിലായി ഇത് നാളായിട്ടും പ്രതികള്‍ ജയിലില്‍ കഴിയുകയാണെന്ന പ്രതിഭാഗത്തിന്റെ വാദം കോടതി അംഗീകരിക്കുകയായിരുന്നു. കുറ്റപത്രം സമര്‍പ്പിച്ച സാഹചര്യത്തില്‍ ജാമ്യം അനുവദിക്കുകയാണെന്നും കോടതി വ്യക്തമാക്കി.

English summary
Kochi Cocaine Case; bail for Shine Tom Chacko and other four accused
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X