രക്തപരിശോധനയില്‍ പാളി; ഷൈന്‍ ടോമിനെ കുടുക്കാന്‍ പോലീസ് ഡിഎന്‍എ പരിശോധനക്ക്

By Soorya Chandran

Published: Friday, February 27, 2015, 8:02 [IST]

കൊച്ചി: കൊച്ചി മയക്കുമരുന്ന് കേസില്‍ പ്രതികളുടെ രക്തപരിശോധന ഫലം പുറത്ത് വന്നപ്പോള്‍ പോലീസ് ഇളിഭ്യരായി നില്‍ക്കുകയാണ്. സിനിമ താരം ഷൈന്‍ ടോം ചാക്കോ അടക്കം പിടിയിലായ ആരും തന്നെ ആ സമയത്ത് മയക്കുമരുന്ന് ഉപയോഗിച്ചിരുന്നില്ലെന്നാണ് പരിശോധന ഫലം.

എന്നാല്‍ ഇക്കാര്യത്തില്‍ പിറകോട്ട് പോകാന്‍ പോലീസ് തയ്യാറല്ലെന്നാണ് സൂചന. പ്രതികള്‍ മയക്കുമരുന്ന് ഉപയോഗിച്ചിരുന്നു എന്ന് തന്നായാണ് പോലീസ് ഇപ്പോഴും പറയുന്നത്. അതുകൊണ്ട് തന്നെ കൂടുതല്‍ പരിശോധനകള്‍ ആവശ്യമാണെന്നും പറയുന്നു.

ഇതിന് ഡിഎന്‍എ പരിശോധന നടത്തണം എന്നാണ് പോലീസ് പറയുന്നത്. ഇക്കാര്യം ആവശ്യപ്പെട്ട് കോടതിയില്‍ അപേക്ഷയും നല്‍കിയിട്ടുണ്ട്.

കൊക്കെയ്ന്‍ ഉപയോഗം കണ്ടെത്താന്‍ എന്തിന് ഡിഎന്‍എ പരിശോധന എന്നല്ലേ സംശയം. നോക്കാം...

രക്തപരിശോധന പാളി?

പോലീസ് പറഞ്ഞതിനെയെല്ലാം നിഷേധിക്കുന്നതാണ് കൊച്ചി കൊക്കെയ്ന്‍ കേസിലെ പ്രതികളുടെ രക്തപരിശോധന ഫലം. പിടിക്കപ്പെടുമ്പോള്‍ ഇവര്‍ മയക്കുമരുന്ന് ഉപയോഗിച്ചിരുന്നില്ലെന്ന് ഈ പരിശോധന തെളിയിക്കുന്നു.

പോലീസിന് ഉറപ്പുണ്ട്

എന്നാല്‍ പിടിക്കപ്പെടുമ്പോള്‍ പ്രതികള്‍ മയക്കുമരുന്ന് ഉപയോഗിച്ചിരുന്നു എന്ന് പോലീസിന് ഉറപ്പുണ്ട്. അതുകൊണ്ട് ഡിഎന്‍എ പരിശോധന നടത്തണം എന്നാണ് ഇപ്പോഴത്തെ ആവശ്യം.