കൊച്ചി മെട്രോ: കോച്ചുകള്‍ ആന്ധ്രയില്‍ നിന്ന് പുറപ്പെട്ടു

കൊച്ചി: കൊച്ചി മെട്രോയുെട ആദ്യ കോച്ചുകള്‍ ആന്ധ്രപ്രദേശിലെ ശ്രീസിറ്റിയില്‍ നിന്ന് പുറപ്പെട്ടു. ശ്രീസിറ്റിയില്‍ കേന്ദ്രമന്ത്രി വെങ്കയ്യ നായിഡു കോച്ചുകളുടെ യാത്ര ഫഌഗ് ഓഫ് ചെയ്തു. കേരളത്തില്‍ നിന്ന് മന്ത്രി ആര്യാടന്‍ മുഹമ്മദ്, കെവി തോമസ് എംപി, എംഎല്‍എ മാരായ ഹൈബി ഈടന്‍, അന്‍വര്‍ സാദത്ത്, ഡിഎംആര്‍സി എംഡി മങ്കു സിങ്, ഡിഎംആര്‍സി മുഖ്യ ഉപദേഷ്ടാവ് ഇ ശ്രീധരന്‍ എന്നിവര്‍ പങ്കെടുത്തു.

പരീക്ഷണ ഓട്ടത്തിനുള്ള ആദ്യ ട്രെയിനിന്റെ മൂന്ന് കോച്ചുകളാണ് ശ്രീ സിറ്റിയില്‍ നിന്ന് ശനിയാഴ്ച പുറപ്പെടുന്നത്. രാത്രിയില്‍ പുറപ്പെടുന്ന ട്രെയിലര്‍ ജനുവരി 10ന് കൊച്ചിയില്‍ എത്തും.

ഒമ്പത് മാസം കൊണ്ടാണ് കോച്ചുകളുടെ നിര്‍മാണം പൂര്‍ത്തിയാക്കിയത്. ഫ്രഞ്ച് കമ്പനിയാണ് മേയ്ക്ക് ഇന്‍ ഇന്ത്യയുടെ ഭാഗമായി കോച്ചുകള്‍ നിര്‍മിച്ച് നല്‍കുന്നത്. ഇന്ത്യയില്‍ നിലനില്‍ക്കുന്ന ഏറ്റവും മികച്ച സാങ്കേതികവിധ്യ ഉപയോഗിച്ച് നിര്‍മിച്ച കോച്ചുകളാണ് കോച്ചിയില്‍ എത്തുന്നത്.

ജനുവരി 23നാണ് ആദ്യ പരീക്ഷണ ഓട്ടം നിശ്ചയിച്ചിരിക്കുന്നത്. പത്തിന് സംസ്ഥാനത്ത് എത്തുന്ന കോച്ചുകള്‍ മുട്ടം ഇന്‍സ്‌പെക്ഷന്‍ ബേസില്‍ ഇറക്കി കൂട്ടി യോജിപ്പിക്കാനാണ് പദ്ധതി.

English summary

With the first lot of three Kochi Metro coaches set to be flagged off from Alstom’s factory in Sri City, Andhra Pradesh, on January 2, the firm has expressed interest in taking up their maintenance as well.