Click it and Unblock the Notifications
Just In
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
കൊച്ചി മെട്രോ നഗരഹൃദയത്തിലേക്ക് 'പറക്കുന്നു'! രണ്ടാംഘട്ട ട്രയൽ റൺ വെള്ളിയാഴ്ച മുതൽ,ഇനി മഹാരാജാസ് വരെ
പരീക്ഷണ ഓട്ടത്തിന് മുന്നോടിയായി ഇലട്രിക്കൽ ഇൻസ്പെക്ടറേറ്റ് ജനറലിന്റെ അനുമതി കഴിഞ്ഞ ദിവസം ലഭിച്ചിരുന്നു.
കൊച്ചി: മെട്രോയുടെ രണ്ടാംഘട്ടത്തിന്റെ പരീക്ഷണ ഓട്ടം വെള്ളിയാഴ്ച മുതൽ ആരംഭിക്കും. പാലാരിവട്ടം മുതൽ മഹാരാജാസ് കോളേജ് വരെയുള്ള പാതയിലാണ് രണ്ടാംഘട്ട പരീക്ഷണ ഓട്ടം നടക്കുന്നത്. ആദ്യ ദിവസങ്ങളിൽ ഒരു ട്രെയിൻ ഉപയോഗിച്ചാണ് പരീക്ഷണ ഓട്ടം നടക്കുക.
പരീക്ഷണ ഓട്ടത്തിന് മുന്നോടിയായി ഇലട്രിക്കൽ ഇൻസ്പെക്ടറേറ്റ് ജനറലിന്റെ അനുമതി കഴിഞ്ഞ ദിവസം ലഭിച്ചിരുന്നു. വെള്ളിയാഴ്ച രാവിലെ മഹാരാജാസ് കോളേജ് ഗ്രൗണ്ടിന് സമീപത്തെ സ്റ്റേഷനിൽ നിന്നുമാണ് ആദ്യ പരീക്ഷണം ഓട്ടം നടക്കുക.
അഞ്ച് സ്റ്റേഷനുകളാണ് മഹാരാജാസ് മുതൽ പാലാരിവട്ടം വരെയുള്ള രണ്ടാംഘട്ട പാതയിലുള്ളത്. സെപ്റ്റംബർ പകുതിയോടെ രണ്ടാംഘട്ട പാതയിലും യാത്രാ സർവ്വീസ് ആരംഭിക്കാമെന്നാണ് കൊച്ചി മെട്രോ കണക്കുക്കൂട്ടുന്നത്.
പാലാരിവട്ടം മുതൽ മഹാരാജാസ് വരെ....
പാലാരിവട്ടം മുതൽ മഹാരാജാസ് കോളേജ് വരെയാണ് കൊച്ചി മെട്രോയുടെ രണ്ടാംഘട്ടം. വെള്ളിയാഴ്ച രാവിലെ മഹാരാജാസ് കോളേജ് സ്റ്റേഷനിൽ നിന്നാണ് രണ്ടാംഘട്ട പാതയിലെ പരീക്ഷണ ഓട്ടം ആരംഭിക്കുക.
ഒരു ട്രെയിൻ മാത്രം...
പരീക്ഷണ ഓട്ടത്തിന്റെ ആദ്യ ദിവസങ്ങളിൽ ഒരു ട്രെയിൻ മാത്രമാകും ഉപയോഗിക്കുക. തുടർന്നുള്ള ദിവസങ്ങളിൽ കൂടുതൽ ട്രെയിനുകൾ ഉപയോഗിച്ച് പരീക്ഷണ ഓട്ടം നടത്തും.
5 കിലോമീറ്റർ, 5 സ്റ്റേഷനുകൾ...
പാലാരിവട്ടം മുതൽ മഹാരാജാസ് കോളേജ് വരെയുള്ള അഞ്ച് കിലോമീറ്റർ പാതയിലാണ് വെള്ളിയാഴ്ച മുതൽ ട്രയൽ റൺ ആരംഭിക്കുന്നത്. കലൂർ ജവഹർലാൽ നെഹ്റു സ്റ്റേഡിയം, കലൂർ ജംഗ്ഷൻ, ലിസി ജംഗ്ഷൻ, എംജി റോഡ്, മഹാരാജാസ് കോളേജ് ഗ്രൗണ്ട് എന്നിവയാണ് പുതിയ സ്റ്റേഷനുകൾ.
ആഗസ്റ്റിൽ പൂർത്തിയാകും...
രണ്ടാംഘട്ടത്തിലെ എല്ലാ സ്റ്റേഷനുകളുടെയും നിർമ്മാണം ആഗസ്റ്റോടെ പൂർത്തിയാകും. ഇതിനുശേഷം മെട്രോ റെയിൽ സുരക്ഷാ കമ്മീഷണറുടെ പരിശോധന നടക്കും.
സെപ്റ്റംബർ പകുതിയോടെ...
സുരക്ഷാ കമ്മീഷണറുടെ പരിശോധനയും മറ്റു അനുബന്ധ നടപടിക്രമങ്ങളും പൂർത്തിയാക്കി സെപ്റ്റംബർ പകുതിയോടെ രണ്ടാംഘട്ട പാതയിൽ യാത്രാ സർവ്വീസ് ആരംഭിക്കാമെന്നാണ് കൊച്ചി മെട്രോ അധികൃതരുടെ കണക്കുക്കൂട്ടൽ.
18 കിലോമീറ്റർ...
മഹാരാജാസ് വരെ മെട്രോയുടെ യാത്രാ സർവ്വീസ് ആരംഭിക്കുന്നതോടെ കൊച്ചി മെട്രോയുടെ ആകെ ദൂരം 18 കിലോമീറ്ററാകും. ആലുവ മുതൽ മഹാരാജാസ് വരെയുള്ള ദൂരമാണിത്. രണ്ടാംഘട്ടം യാഥാർത്ഥ്യമാകുന്നതോടെ നഗരഹൃദയത്തിലേക്കുള്ള യാത്ര കൂടുതൽ എളുപ്പമാകും.
ജൂൺ 17ന്...
ജൂൺ 17നാണ് പ്രധാനമന്ത്രി നരേന്ദ്രമോദി കൊച്ചി മെട്രോ നാടിന് സമർപ്പിച്ചത്. ജൂൺ 19ന് കൊച്ചി മെട്രോയുടെ ആദ്യ യാത്രാ സർവ്വീസും ആരംഭിച്ചു. ദിവസേന നിരവധിപേരാണ് കൊച്ചി മെട്രോയിൽ യാത്ര ചെയ്യുന്നത്.
