കൊച്ചി മെട്രോ തൂണ്‍ ചരിഞ്ഞ കാരണം കണ്ടെത്തി പഠനം

എറണാകുളം: കൊച്ചി മെട്രോയിലെ പാളത്തിലെ ചെരിവിന് കാരണമായ തൂണിന്റെ പ്രശ്‌നത്തിന്റെ കാരണം കണ്ടെത്തി പഠനം. ചരിഞ്ഞ തൂണിന്റെ പൈലിങ് ഭൂമിക്കടിയിലെ പാറയിൽ തൊട്ടിട്ടില്ലയെന്നാണ് കണ്ടെത്തൽ. ജിയോ ടെക്‌നിക്കൽ പഠനമാണ് ഇക്കാര്യം വ്യക്തമാക്കിയത്. പത്തടിപ്പാലത്തെ 347ാം നമ്പര്‍ തൂണിനാണ് ചരിവ് കണ്ടെത്തിയത്. എന്നാല്‍ പഠന വിവരം കെഎംആര്‍എല്‍ പുറത്തുവിട്ടിട്ടില്ല. തൂൺ നിൽക്കുന്ന സ്ഥലത്തിന് 10 മീറ്റർ താഴെയാണ് പാറ. എന്നാൽ ഇവിടേക്ക് പൈലിങ് എത്തിയിട്ടില്ല. പാറക്ക് ഒരു മീറ്റർ മുകളിലാണ് പൈലിങ്. മണ്ണിനടിയിൽ പാറ കണ്ടെത്തുന്നത് വരെ പൈലടിച്ചാണ് മെട്രോ തൂണുകൾ നിർമിക്കേണ്ടത്.

തൂണ്‍ നില്‍ക്കുന്ന സ്ഥലത്ത് 10 മീറ്റര്‍ താഴെയാണ് പാറ സ്ഥിതി ചെയ്യുന്നത്. ഇവിടേക്ക് പൈലിങ് എത്തിയിട്ടില്ല. പാറക്ക് ഒരു മീറ്റര്‍ മുകളിലാണ് പൈലിങ്. മണ്ണിനടില്‍ പാറ കണ്ടെത്തുന്നത് വരെ പൈലടിച്ചാണ് മെട്രോ തൂണുകള്‍ നിര്‍മിക്കേണ്ടത്. പൈലിങ് പാറയില്‍ എത്തിയാല്‍ പാറ തുരന്ന് പൈലിങ് പാറയില്‍ ഉറപ്പിക്കണം. പത്തടിപ്പാലത്ത് ഈ മാര്‍ഗനിര്‍ദേശങ്ങൾ പാലിക്കാത്തതാണ് ചരിവിന് കാരണമെന്നാണ് പഠനം പറയുന്നത്.

പുതിയ പൈലുകള്‍ അടിച്ച് തൂണിനെ ബലപ്പെടുത്താനാണ് അധികൃതര്‍ തീരുമാനിച്ചത്. എന്നാല്‍ തകരാര്‍ പരിഹരിക്കാന്‍ മെട്രോ സുരക്ഷാ കമ്മിഷണറുടെ അനുമതി വേണം. തൂണ്‍ ബലപ്പെടുത്തുന്ന ചുമതല എല്‍ ആന്‍ഡ് ടിക്ക് കൈമാറാനാണ് കെഎംആര്‍എല്‍ തീരുമാനിച്ചത്.

ഒരു മാസം മുമ്പാണ് പാലത്തിന് ചരിവുണ്ടെന്ന് കണ്ടെത്തിയത്. തുടര്‍ന്ന് ഡിഎംആര്‍സിയുടെ മുഖ്യഉപദേശകനായിരുന്ന ഇ ശ്രീധരന്‍ ഉള്‍പ്പെടെയുള്ള വിദഗ്‌ധര്‍ സ്ഥലത്തെത്തി പരിശോധന നടത്തിയിരുന്നു. പിന്നീട് ചരിവിനുള്ള കാരണം കണ്ടെത്താനായി അള്‍ട്രാ സോണിത് ടെസ്റ്റും സോയില്‍ ബോര്‍ ടെസ്റ്റും നടത്താന്‍ ബന്ധപ്പെട്ടവര്‍ക്ക് നിര്‍ദേശം നല്‍കി. പരിശോധന ഫലം കാത്തുനില്‍ക്കാതെ അടിയന്തരമായ മറ്റൊരു പൈലിങ് നടത്തി പാലത്തെ ബപ്പെടുത്തണമെന്നും അദ്ദേഹം നിര്‍ദേശിച്ചു.

നിലവിൽ ചെയ്‌തിട്ടുള്ള പൈലിങ്ങിന് പ്രശ്‌നങ്ങൾ സംഭവിച്ചിട്ടുണ്ടോ എന്നറിയാനും പൈലിങ് ഉറച്ചു നിൽക്കുന്നുണ്ടോ എന്ന് ഉറപ്പുവരുത്താനുമാണ് പരിശോധന നടത്തിയത്. ഉദ്യോഗസ്ഥർ അൾട്രോ സോണിക് പരിശോധനയാണ് നടത്തിയത്. എന്നാൽ നിലവിൽ പൈലിനും പൈൽ ക്യാപ്പിനും കേടുപാട് സംഭവിച്ചിട്ടില്ല. എന്നാൽ നേരിയ ചെരിവ് സംഭവിച്ചത് പാളത്തിന്റെ അലൈൻമെന്‍റിലും നേരിയ വ്യതിയാനത്തിന് ഇടയാക്കിയിട്ടുണ്ട്. അതേ സമയം സംസ്ഥാനത്ത് തുടർച്ചയായി ഉണ്ടാകുന്ന മഴയെ തുടർന്ന് മണ്ണിന്റെ ഘടനയിൽ മാറ്റം വന്നോയെന്നും പരിശോധിക്കും. സോയില്‍പൈപ്പിങ് നടന്നിട്ടുണ്ടോയെന്നും പരിശോധിക്കും. കൊച്ചി മെട്രോ നിര്‍മിച്ച ഡിഎംആര്‍സിയുടെ മുഖ്യ ഉപദേശകനായിരുന്നു ഇ ശ്രീധരന്‍.

കൊച്ചി മെട്രോയിലെ തൂണിനുണ്ടായ ചരിവ് കണ്ടെത്താൻ വിദഗ്‌ധർ പരിശോധന നടത്തിയിരുന്നു. പത്തടിപ്പാലത്തെ 347-ാം നമ്പര്‍ തൂണിന് സമീപത്തെ മണ്ണിന്റെ ഘടനയാണ് പ്രധാനമായും ഉദ്യോഗസ്ഥർ പരിശോധിച്ചത്. കെഎംആര്‍എല്ലിന്റെയും ഈ ഭാഗത്തെ മെട്രോ പാത നിര്‍മിച്ച കരാറുകാരായ എല്‍ ആന്റ് ടിയുടെയും സാങ്കേതിക വിദഗ്ധരാണ് പരിശോധന നടത്തിയത്. രണ്ടാഴ്ച മുമ്പ് നടത്തിയ പതിവ് പരിശോധനയ്ക്കിടെയാണ് ചരിവ് കണ്ടെത്തിയത്.

English summary

kochi metro pillar slide reason found in ultra sonic study