കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കൊച്ചി മെട്രോ സര്‍വ്വീസ് നിര്‍ത്തിവെച്ചു! യാത്രക്കാരുടെ സ്വഭാവം മാറി, കഴിഞ്ഞദിവസം സംഭവിച്ചത്....

കൊച്ചി മെട്രോയുടെ ഇടപ്പള്ളി മുതല്‍ പാലാരിവട്ടം വരെയുള്ള സര്‍വ്വീസാണ് കഴിഞ്ഞദിവസം നിര്‍ത്തിവെച്ചത്.

  • By ഡെന്നീസ്
Google Oneindia Malayalam News

കൊച്ചി: ചരിത്രത്തിലാദ്യമായി കൊച്ചി മെട്രോ സര്‍വ്വീസ് നിര്‍ത്തിവെച്ചു. സെപ്റ്റംബര്‍ 3 ഞായറാഴ്ച്ചയാണ് സാങ്കേതിക തകരാര്‍ കാരണം കൊച്ചി മെട്രോയുടെ സര്‍വ്വീസ് നിര്‍ത്തിവെച്ചത്. അപ്രതീക്ഷിതമായി സംഭവിച്ച സിഗ്നല്‍ തകരാറാണ് മെട്രോ സര്‍വ്വീസ് രണ്ട് മണിക്കൂറോളം സ്തംഭിക്കാന്‍ കാരണമായത്.

ഉത്രാടരാത്രിയില്‍ ബിജെപിയുടെ ആക്രമണം; അമ്പാടിമുക്കില്‍ മൂന്ന് സിപിഎം പ്രവര്‍ത്തകര്‍ക്ക് വെട്ടേറ്റുഉത്രാടരാത്രിയില്‍ ബിജെപിയുടെ ആക്രമണം; അമ്പാടിമുക്കില്‍ മൂന്ന് സിപിഎം പ്രവര്‍ത്തകര്‍ക്ക് വെട്ടേറ്റു

കൊച്ചി മെട്രോയുടെ ഇടപ്പള്ളി മുതല്‍ പാലാരിവട്ടം വരെയുള്ള സര്‍വ്വീസാണ് കഴിഞ്ഞദിവസം നിര്‍ത്തിവെച്ചത്. ഉച്ചയ്ക്ക് രണ്ടര മണിയോടെയാണ് പാലാരിവട്ടത്തിനും ഇടപ്പള്ളിക്കുമിടയില്‍ സിഗ്നല്‍ തകരാറുണ്ടായത്. ഇതോടെ ഈ റൂട്ടിലേക്കുള്ള സര്‍വ്വീസ് നിര്‍ത്തിവെയ്ക്കുകയായിരുന്നു. സര്‍വ്വീസ് നിര്‍ത്തിവെച്ചതറിഞ്ഞ് ട്രെയിനിലുണ്ടായിരുന്ന യാത്രക്കാര്‍ ബഹളം വെച്ചത് സ്ഥിതിഗതികള്‍ വഷളാക്കി.

ഞായറാഴ്ച്ച...

ഞായറാഴ്ച്ച...

സെപ്റ്റംബര്‍ മൂന്ന്, ഞായറാഴ്ച്ച ഉച്ചയ്ക്ക് ശേഷം രണ്ടര മണിയോടെയാണ് കൊച്ചി മെട്രോയില്‍ സിഗ്നല്‍ തകരാറുണ്ടായത്. ഇടപ്പള്ളിക്കും പാലാരിവട്ടത്തിനുമിടയിലാണ് സിഗ്നല്‍ തകരാറിലായത്.

സര്‍വ്വീസ് നിര്‍ത്തിവെച്ചു...

സര്‍വ്വീസ് നിര്‍ത്തിവെച്ചു...

സിഗ്നല്‍ തകരാറിലായതോടെ ഇടപ്പള്ളി-പാലാരിവട്ടം റൂട്ടില്‍ മെട്രോ സര്‍വ്വീസ് നിര്‍ത്തിവെയ്‌ക്കേണ്ടി വന്നു. ഇതോടെ നിരവധി യാത്രക്കാരാണ് പെരുവഴിയിലായത്.

എന്താണെന്നറിയാതെ...

എന്താണെന്നറിയാതെ...

അതേസമയം, സിഗ്നല്‍ തകരാറിലായതിനെ തുടര്‍ന്ന് ചില ട്രെയിനുകള്‍ പിടിച്ചിട്ടു. ഇതോടെ എന്താണ് സംഭവിച്ചതെന്നറിയാതെ ഒരു മണിക്കൂറോളമാണ് യാത്രക്കാര്‍ ട്രെയിനുള്ളില്‍ കഴിച്ചുകൂട്ടിയത്.

ബഹളവും...

ബഹളവും...

ഇതിനിടെ, പാലാരിവട്ടത്തേക്ക് ടിക്കറ്റെടുത്ത യാത്രക്കാര്‍ യാത്ര മുടങ്ങിയതോടെ സ്‌റ്റേഷനില്‍ ബഹളം വെച്ചു. തങ്ങള്‍ക്ക് ടിക്കറ്റ് തുക മടക്കി നല്‍കണമെന്നാിരുന്നു ഇവരുടെ ആവശ്യം.

കുടുങ്ങി...

കുടുങ്ങി...

ഞായറാഴ്ച്ചയും ഉത്രാടവും ഒരു ദിവസമായതിനാല്‍ നിരവധി പേരാണ് കൊച്ചി മെട്രോയില്‍ യാത്ര ചെയ്യാനെത്തിയത്. ഓണം ഷോപ്പിംഗിനായി നഗരത്തിലേക്ക് യാത്ര തിരിച്ചവരും മെട്രോ പണിമുടക്കിയതോടെ പെരുവഴിയിലായി.

നാലു മണിയോടെ...

നാലു മണിയോടെ...

ഇടപ്പള്ളിക്കും പാലാരിവട്ടത്തിനുമിടയിലുണ്ടായ സിഗ്നല്‍ തകരാര്‍ രണ്ട് മണിക്കൂറിന് ശേഷമാണ് പരിഹരിക്കാനായത്. തുടര്‍ന്ന് വൈകീട്ട് നാലു മണിയോടെയാണ് ഇതുവഴിയുള്ള സര്‍വ്വീസ് പുനരാരംഭിച്ചത്.

സാധാരണ പോലെ....

സാധാരണ പോലെ....

ഇടപ്പള്ളി മുതല്‍ പാലാരിവട്ടത്തിനുമിടയിലുള്ള മെട്രോ സര്‍വ്വീസാണ് രണ്ട് മണിക്കൂര്‍ നേരത്തേക്ക് നിര്‍ത്തിവെച്ചത്. എന്നാല്‍, ആലുവ മുതല്‍ ഇടപ്പള്ളി വരെയുള്ള സര്‍വ്വീസ് സാധാരണ പോലെ ഓപ്പറേറ്റ് ചെയ്തിരുന്നു.

English summary
kochi metro service interrupted due to signal problems.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X