കൊടകര കുഴല്പ്പണക്കേസ്; ബിജെപി പ്രവര്ത്തകര് തമ്മില് സംഘര്ഷം, ഒരാള്ക്ക് കൂത്തേറ്റു
തൃശൂര്: കൊടകര കുഴല്പ്പണക്കേസിനെ ചൊല്ലിയുള്ള ബിജെപി പ്രവര്ത്തകരുടെ സംഘര്ഷത്തിനിടെ ഒരാള്ക്ക് കുത്തേറ്റു. തൃശ്ശൂർ വാടാനപ്പള്ളിയിൽ തൃത്തല്ലൂർ ആശുപത്രിയിലെ വാക്സീന് കേന്ദ്രത്തില് വെച്ചുണ്ടായ തര്ക്കമാണ് സംഘര്ഷത്തില് കലാശിച്ചത്. ബിജെപി പ്രവര്ത്തകനായ കിരണിനാണ് കുത്തേറ്റത്. അടിവയറ്റില് കുത്തേറ്റ ഇയാളെ തൃശൂരിലെ സ്വകാര്യ ആശുപത്രിയില് പ്രവേശിപ്പിച്ചു.
ബിജെപി അംഗങ്ങളായുള്ള വാട്സാപ്പ് ഗ്രൂപ്പിൽ കുഴൽപ്പണക്കേസ് സംബന്ധിച്ച് ചേരിതിരിഞ്ഞുള്ള തര്ക്കങ്ങള് നടന്നിരുന്നു. ഇക്കാര്യത്തെ സംബന്ധിച്ചില് ആശുപത്രയില് വെച്ചും തര്ക്കം നടക്കുകയായിരുന്നു. സംഭവത്തില് കേസെടുത്ത അന്വേഷണം ആരംഭിച്ച പോലീസ് ചിലരെ കസ്റ്റഡിയിലെടുത്തതായുള്ള റിപ്പോര്ട്ടുകളും പുറത്ത് വരുന്നുണ്ട്.
അതേസമയം, കുഴൽപ്പണ കവർച്ചാ കേസിൽ ബിജെപി തൃശൂർ ജില്ല ഓഫീസ് സെക്രട്ടറി തിരൂർ സതീഷിനെ നാളെ ചോദ്യം ചെയ്യും. ചോദ്യം ചെയ്യലിനായി രാവിലെ 10 മണിക്ക് തൃശൂര് പൊലീസ് ക്ലബില് ഹാജരാകാനാണ് ജില്ലാ സെക്രട്ടറിക്ക് കിട്ടിയ നിര്ദേശം. പണവുമായി എത്തിയ ധര്മ്മരാജന് ഉള്പ്പടേയുള്ള സംഘത്തിന് തൃശൂരില് ഹോട്ടല് മുറി എടുത്ത് നല്കിയത് സതീഷാണെന്ന് വ്യക്തമാക്കുന്ന തെളിവുകള് പോലീസിന് ലഭിച്ചിരുന്നു. ഇത് സംബന്ധിച്ച് കൂടുതല് വ്യക്തത വരുത്താനാണ് ചോദ്യം ചെയ്യല്
Click it and Unblock the Notifications
Sign in with Google