സമൂഹം അംഗീകരിക്കുന്ന സമരം ചെയ്യണം; ചുംബന സമരത്തെ നിങ്ങളുടെ വീട്ടുകാര് അംഗീകരിക്കുന്നുണ്ടോ? കോടിയേരി
തിരുവനന്തപുരം: ചുംബന സമര പ്രതിഷേധത്തിനെതിരെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. കൊച്ചി മറൈന്ഡ്രൈവില് നടന്ന സദാചാര ഗുണ്ടായിസത്തിനെതിരെ നടക്കുന്ന ചുംബന സമര പ്രതിഷേധത്തിനെതിരെയാണ് പാര്ട്ടി സെക്രട്ടറി രംഗത്ത് എത്തിയിരിക്കുന്നത്.
സമരം ചെയ്യുന്നവരുടെ വീട്ടുകാരെങ്കിലും ഈ സമരത്തെ അംഗീകരിക്കുന്നുണ്ടോ എന്ന് കോടിയേര് ബാലകൃഷ്ണന് പറഞ്ഞു. സദാചാര പൊലീസിനെതിരെ നടക്കുന്ന സമരങ്ങള് പൊതുസമൂഹത്തിന്റെ അംഗീകാരമുള്ളതാവണമെന്നും അദ്ദേഹം അഭിപ്രായപ്പെട്ടു.
ഡിവൈഎഫ്ഐ
ശിവസേനയുടെ സദാചാര ഗുണ്ടായിസത്തിനെതിരെ ഡിവൈഎഫ്ഐ അടക്കമുള്ള ഇടതുസംഘടനകള് രാവിലെ മറൈന്ഡ്രൈവില് സ്നേഹ ഇരിപ്പ് സമരം നടത്തിയിരുന്നു.
കെഎസ്യു
വലതുപക്ഷ വിദ്യാര്ത്ഥി സംഘടനയായ കഎസ്യു പ്രവര്ത്തകര് കമ്മീഷണര് ഓഫീസിന് മുന്നില് ചൂരല് സമരവും നടത്തി.
യുവാക്കളെ തല്ലിയോടിച്ചു
ബുധനാഴ്ച്ച വൈകിട്ടായിരുന്നു അരമണിക്കൂറോളം കൊച്ചി മറൈന്ഡ്രൈവില് പോലീസിന്റെ സാന്നിധ്യത്തില് ശിവസേന പ്രവര്ത്തകര് അഴിഞ്ഞാടിയത്. കയ്യില് ചൂരല്വടിയുമായി എത്തിയ ഇരുപതോളം ശിവസേന പ്രവര്ത്തകര് യുവതി യുവാക്കളെ തല്ലിയോടിച്ചു.
എസ്ഐക്ക് സസ്പെന്ഷന്
നീയൊക്കെ എന്തിനാടി വന്നതെന്ന് ആക്രോശിച്ചായിരുന്നു ശിവസേന പ്രവര്ത്തകരുടെ പൊലീസ് കാവലിലുളള സദാചാര ഗുണ്ടായിസം അരങ്ങേറിയത്. പോലീസിന്റെ ഭാഗത്തുനിന്നും വീഴ്ചയുണ്ടെന്ന് കണ്ടെത്തിയതിനെ തുടര്ന്ന് എറണാകുളം സെന്ട്രല് എസ്ഐയെ സസ്പെന്ഡ് ചെയ്യുകയും ഒന്പത് പൊലീസുകാരെ സ്ഥലം മാറ്റുകയും ചെയ്തിരുന്നു.