കാല്‍നട യാത്രക്കാരന്റെ അത്ഭുത രക്ഷപ്പെടല്‍; വൈറലായ ആ ഭാഗ്യവാനെ കണ്ടെത്തി

ചവറ: റോഡരികിലൂടെ നടന്നുപോകവേ നിയന്ത്രണം വിട്ട വണ്ടി അരികിലൂടെ കടന്ന് പോവുകയും തലനാരിഴക്ക് ജീവന്‍ രക്ഷപ്പെടുകയും ചെയ്യുന്ന ഒരാളുടെ വീഡിയോ കഴിഞ്ഞ ദിവസങ്ങളില്‍ സോഷ്യല്‍മീഡിയയില്‍ വൈറലായിരുന്നു. ചവറ തട്ടാശേരിയിലായിരുന്നു സംഭവം. സംഭവം അറിഞ്ഞതിന് പിന്നാലെ അത് ആരാണെന്നായിരുന്നു വീഡിയോ കണ്ടവര്‍ മുഴുവന്‍ ചോദിച്ചത്. ഇപ്പോഴിത ആള പിടികിട്ടിയിരിക്കുകയാണ്.

തമിഴ്‌നാട് മധുര സ്വദേശിയായ ചവറ മേനമ്പള്ളി ചേമത്ത് തെക്കതില്‍ ശ്രീകുമാറാണ് സോഷ്യല്‍മീഡിയയും ചവറക്കാരും തിരക്കുന്ന ആ ഭാഗ്യവാന്‍. നിര്‍മ്മാണ തൊഴിലാളിയായ ശ്രീകുമാര്‍ ജോലിക്ക് പോകാനായി വെള്ളിയാഴ്ച്ച രാവിലെ ആറുമണി കഴിഞ്ഞ് ദേശീയ പാതയില്‍ വിജയ പാലസിന് മുന്നിലൂടെ നടന്നു പോവുകയായിരുന്നു. പെട്ടെന്നാണ് പിന്നില്‍ നിന്നും ഇദ്ദേഹത്തെ ഇടിപ്പിച്ചു തെറിപ്പിച്ചെന്ന് തോന്നും വിധം ഇന്‍സുലേറ്റഡ് മിനി വാന്‍ നിയന്ത്രണം വിട്ട് ഇദ്ദേഹത്തിന്റെ അരികിലൂടെ കടന്നു പോകുന്നത്. ഇതൊന്നും അറിയാതെ നടന്നു നീങ്ങിയ ശ്രീകുമാര്‍ മുന്നില്‍ തൂണില്‍ വാന്‍ ഇടിക്കുന്നത് കണ്ടപ്പോഴാണ് എന്താണെന്ന് സംഭവിച്ചതെന്ന് അറിയുന്നത്.

പൊലീസ് റോഡരികില്‍ സ്ഥാപിച്ചിട്ടുള്ള ക്യാമറ ഇടിച്ചു തെറിപ്പിച്ച് വാന്‍ അപകടമൊന്നും കൂടാതെ അത്ഭുതകരമായി റോഡിലേക്ക് കയറുകയായിരുന്നു. സംഭവത്തിന്‌റെ ഞെട്ടലില്‍ ശ്രീകുമാര്‍ അന്ന് ജോലിക്ക് പോകാതെ വീട്ടിലേക്ക് മടങ്ങുകയായിരുന്നു. പീന്നീട് വീഡിയോ കാണുമ്പോഴാണ് താന്‍ അത്ഭുതകരമായി രക്ഷപ്പെട്ടതാണെന്ന് ശ്രീകുമാറിന് മനസിലാവുന്നത്.

സ്ഥിരമായി പാലുമായി പോകുന്ന വാഹനമാണ് ഇത്തരത്തില്‍ നിയന്ത്രണം വിട്ടത്. വാഹനത്തില്‍ രണ്ട് പേരായിരുന്നു ഉണ്ടായിരുന്നത്. ഡ്രൈവര്‍ ഉറങ്ങിയതോടെ വാഹനം നിയന്ത്രണം വിടുകയായിരുന്നു. എന്നാല്‍ ആളപായമില്ലാത്തതിനാലും ക്യാമറ പുനഃസ്ഥാപിച്ചു തരാമെന്ന് സമ്മതിച്ചതിനാലും കേസെടുക്കാതെ വിട്ടയക്കുകയായിരുന്നു.

English summary

ആഭ്യന്തര സര്‍വ്വെ നടത്തിയ സിപിഎമ്മിന് ലഭിച്ചത് ഞെട്ടിക്കുന്ന കണക്കുകള്‍; പാടേ തകര്‍ന്നു, രക്ഷയില്ല