കോട്ടയം: ജോസ് മാണിയോ മാത്യു ടിയോ?

കോട്ടയം: കോട്ടയം ലോക്‌സഭ മണ്ഡലം എന്ന് പറഞ്ഞാല്‍ പിന്നെ മറ്റൊന്നും നോക്കേണ്ടതില്ല. അവിടെ മാണിസാറും കേരള കോണ്‍ഗ്രസ്സും പറയുന്നതിന് അപ്പുറത്തേക്ക് ഒന്നുമില്ല. പണ്ട് 2004 ല്‍ ഒരുഗ്രന്‍ പണി കിട്ടിയെങ്കിലും ഇപ്പോള്‍ മാണി സാറും മകന്‍ ജോസ് കെ മാണിയും ശക്തരില്‍ ശക്തര്‍ തന്നെയാണ്.

കോട്ടയത്തെ ഒരു പരീക്ഷണ മണ്ഡലം ആക്കാമെന്ന തീരുമാനത്തോടെ തന്നെയാണ് സിപിഎം ആ സീറ്റ് ജനത ദളിന് വിട്ടുകൊടുത്തത്. ക്രിസ്ത്യന്‍ ഭൂരിപക്ഷമുളള മണ്ഡലത്തില്‍ പാര്‍ട്ടിയുടെ പേര് പറഞ്ഞ് വോട്ട് പിടിക്കാന്‍ ബുദ്ധിമുട്ടാണെന്ന് സിപിഎമ്മിന് നന്നായി അറിയാം. 2004 ല്‍ കോണ്‍ഗ്രസിനോട് പിണങ്ങിയ എന്‍എസ്എസ് ആയിരുന്നു തുറുപ്പ് ചീട്ട്. ഇന്നാണെങ്കില്‍ പറയാന്‍ കാര്യമായിട്ടൊന്നും ഇല്ല താനും.

ജനതാദള്‍ എസിന് വേണ്ടി എംഎല്‍എ പണി പോലും മാറ്റിവച്ചിട്ടാണ് മാത്യു ടി തോമസ് കളത്തിലിറങ്ങിയിരിക്കു്‌നത്. ജോസ് കെ മാണിക്ക് ശക്തനായ എതിരാളി തന്നെയാണ് മാത്യു ടി തോമസ്. ഇരുവരുടേയും പ്രചാരണ വിശേഷങ്ങള്‍ അറിയാം.

ആരും മറക്കല്ലേ...

കോട്ടയത്തെ യുഡിഎഫ് സ്ഥാനാര്‍ത്ഥി ജോസ് കെ മാണി വോട്ടര്‍മാരോട് നേരിട്ട് വോട്ടഭ്യര്‍ത്ഥിക്കുന്നു.

ഈ സ്‌നേഹം പോളിങ് ബൂത്തിലും കാണിക്കണം

തിരഞ്ഞെടുപ്പ് പ്രചാരണത്തിനെത്തിയ ജോസ് കെ മാണിക്ക് പ്രവര്‍ത്തകര്‍ നല്‍കിയ സ്വീകരണം.

തിരുവഞ്ചൂരിനൊപ്പം

യുഡിഎഫ് സ്ഥാനാര്‍ത്ഥി ജോസ് കെ മാണിയുടെ തിരഞ്ഞെടുപ്പ് പ്രചാരണത്തിന് മന്ത്രി തിരുവഞ്ചൂര്‍ രാധാകൃഷ്ണന്‍ എത്തിയപ്പോള്‍.

ഒരു ചായ കുടിച്ചിട്ടാകാം

വോട്ടഭര്‍ത്ഥനക്കിടെ ക്ഷീണമകറ്റാന്‍ സ്ഥാനാര്‍ത്ഥിക്കൊരു ചായ ആകാം.

റോഡ് ഷോ

തുറന്ന വാഹനത്തില്‍ യുഡിഎഫ് സ്ഥാനാര്‍ത്ഥി ജോസ് കെ മാണി.

പൊങ്കാലയിട്ടാലും വോട്ട് ഇടതിന്

ക്ഷേത്രോത്സവത്തിനിടെ വോട്ടഭര്‍ത്ഥ്യനയുമായി എല്‍ഡിഎഫ് സ്ഥാനാര്‍ത്ഥി മാത്യു ടി തോമസ് എത്തിയപ്പോള്‍.

കണിക്കൊന്ന സമ്മാനം

റോഡ് ഷോക്കിടെ മാത്യു ടി തോമസിന് ഇടതുമുന്നണിയുടെ പ്രവര്‍ത്തക സമ്മാനമായി നല്‍കിയത് ഒരു പിടി കണിക്കൊന്ന.

രക്തഹാരം കയ്യില്‍

ജനതാ ദള്‍ നേതാവായതുകൊണ്ടാണോ മാത്യു ടി തോമസ് രക്തഹാരം കഴുത്തിലണിയാതെ കയ്യില്‍ സൂക്ഷിച്ചിരിക്കുന്നത്?

കര്‍ഷക വേഷം

കര്‍ഷകരുടെ മണ്ഡലമാണ് കോട്ടയം. അവിടെ കര്‍ഷക വേഷം തന്നെ കെട്ടണം.

സിംപിള്‍ റോഡ് ഷോ

വലിയ ആഡംബരങ്ങളൊന്നും ഇല്ലാതെയാണ് മാത്യു ടി തോമസിന്റെ റോഡ് ഷോ.