കോവൂര് കുഞ്ഞുമോന് എംഎല്എ രാജിവെച്ചു, ആര്എസ്പിയിലെ എല്ലാ ചുമതലകളും ഒഴിഞ്ഞു
തിരുവനന്തപുരം: ആര്എസ്പി നോതാവ് കോവൂര് കുഞ്ഞുമോന് എംഎല്എ സ്ഥാനം രാജിവച്ചു. തന്റെ രാജികത്ത് സ്പീക്കര്ക്ക് കൈമാറിയതായി കോവൂര് കുഞ്ഞുമോന് പറഞ്ഞു.
നിലവിലെ സാഹചര്യത്തില് യുഡിഎഫുമായി ചേര്ന്ന് പോകാന് കഴിയില്ല. അഴിമതിയില് കൂപ്പ് കുത്തിനില്ക്കുന്ന സര്ക്കാരിന്റെ ഭാഗമായി നില്ക്കാന് താല്പര്യമില്ലാത്തതിനാലാണ് രാജിവയ്ക്കുന്നതെന്നും അദ്ദേഹം കൂട്ടിച്ചേര്ത്തു.
ആര്എസ്പി, എല്ഡിഎഫിലേക്ക് തിരിച്ചുപോകണമെന്ന നിലപാട് കഴിഞ്ഞ കുറച്ച് കാലമായി കുഞ്ഞുമോന് ആര്എസ്പിയില് ഉന്നയിക്കുന്നുണ്ടായിരുന്നു. എന്നാല് അതിനോട് അനുകൂല നിലപാടല്ല സംസ്ഥാന നേത്യത്വം സ്വീകരിച്ചിരുന്നത്.
പാര്ട്ടി സ്ഥാനങ്ങള് രാജിവച്ച കുഞ്ഞുമോന് സിപിഎമ്മിലേക്ക് പോകുമെന്നും റിപ്പോര്ട്ടുണ്ട്. സരിതയുടെ വെളിപ്പെടുത്തലിന്റേയും മുഖ്യമന്ത്രിക്കെതിരെ കേസെടുക്കാനുള്ള ഉത്തരവിന്റേയും ആഘാതത്തില് നില്ക്കുന്ന യുഡിഎഫിന് കോവൂര് കുഞ്ഞുമോന്റെ രാജി തിരിച്ചടിയായിട്ടുണ്ട്.