കനാലിലേക്ക് മാലിന്യം തള്ളിയ സംഭവം; പഞ്ചായത്ത് ഓഫീസിലേക്ക് നടത്തിയ മാര്ച്ചില് പ്രതിഷേധമിരമ്പി
വടകര : ചോറോട് റാണി പബ്ലിക് സ്കൂളില് നിന്നും മാലിന്യം കനാലിലേക്ക് ഒഴുക്കി വിട്ട സംഭവത്തില് ഇന്ന് സര്വകക്ഷിയുടെ നേതൃത്വത്തില് ചോറോട് പഞ്ചായത്ത് ഓഫീസിലേക്ക് നടത്തിയ ബഹുജനമാര്ച്ചില് പ്രതിഷേധമിരമ്പി. ചോറോട് റാണി സ്ഥാപനങ്ങളില് നിന്നാണ് തോടുകളില് മാലിന്യം ഒഴുക്കി വിട്ട് എന്സി കനാല് ഉപയോഗ ശൂന്യമാക്കിയ രീതിയിലാക്കിയത്. സംവത്തില് പഞ്ചായത്ത് അധികൃതര് നടപടി സ്വീകരിക്കണമെന്നാവശ്യപ്പെട്ടാണ് പ്രദേശവാസികള് ബഹുജന മാര്ച്ച് സംഘടിപ്പിച്ചത്. നൂറുകണക്കിന് ആളുകള് പങ്കെടുത്ത മാര്ച്ച് ബാലവാടിയില് നിന്നാണ് ആരംഭിച്ചു.
കൈനാട്ടി ദേശീയപാതയില് മാര്ച്ചില് പങ്കെുടത്തരെ കൊണ്ട് നിറഞ്ഞു. പരിസ്ഥിതി പ്രവര്ത്തകന് മണലില് മോഹനന് മാര്ച്ച് ഉദ്ഘാടനം ചെയ്തു.പ്രക്ഷോഭത്തിന്റെ ഭാഗമായി വരുന്ന 8ാം തിയ്യതി റാണി സ്ഥാപനങ്ങളിലേക്ക്സര്വകക്ഷി നേതൃത്വത്തില് ബഹുജന പ്രതിരോധം സംഘടിപ്പിക്കും. കുടിവെള്ളം മുട്ടിച്ച സ്കൂള് അധികൃതരുടെ കുറ്റകരമായ ചെയ്തികള്ക്കെതിരെ നടപടി വേണമെന്ന് മാര്ച്ചില് ആവശ്യമുയര്ന്നു. പ്രദേശത്തെ മുഖ്യധാര രാഷ്ട്രീയ പാര്ട്ടികളുടെ നേതൃത്വത്തില് ബഹുജന പങ്കാളിത്തത്തോടെ ശുചീകരിച്ച എന്സി കനാല് മലിനമാക്കിയതില് പ്രതിഷേധം അണപൊട്ടുകയായിരുന്നു.
സര്വകക്ഷി ആക്ഷന് കമ്മറ്റി നേതൃത്വത്തില് സംഘടിപ്പിച്ച പ്രതിഷേധ പരിപാടിയില് പരിസ്ഥിതി പ്രവര്ത്തകരും സന്നദ്ദ സംഘടനാ പ്രവര്ത്തകരും അണിനിരന്നു. പഞ്ചായത്ത് നേതൃത്വത്തില് സ്കൂള് കോമ്പൗണ്ടിലെസെപ്റ്റിക്ക് ടാങ്കുകള് എഞ്ചിനീയറിങ്ങ് വിഭാഗം ഉടന് പരിശോധിച്ച്റിപ്പോര്ട്ട് തയ്യാറാക്കണമെന്ന് ആക്ഷന് കമ്മറ്റി ഭാരവാഹികള് ആവശ്യപ്പെട്ടു. ആരോഗ്യ ഭീഷണി ഉയര്ത്തിയ രൂക്ഷമായ മാലിന്യ പ്രശ്നത്തില് പഞ്ചായത്തിന്റെ നിസംഗതക്കെതിരെയും പ്രതിഷേധമുയര്ന്നു. കക്കൂസ് മാലിന്യം എന്സി കനാലിലേക്ക് ഒഴുക്കി വിട്ടിട്ടും ക്ലോറിനേഷന് നടത്താന് പോലും പഞ്ചായത്ത് നേതൃത്വം നല്കിയിരുന്നില്ല. നാട്ടുകാരെ വെല്ലു വിളിച്ച് മാലിന്യം ഒഴുക്കുന്നത് പതിവാക്കിയ മാനേജ്മെന്റ് നടപടി അവസാനിപ്പിക്കും വരെ പ്രക്ഷോഭം തുടരുമെന്ന് ആക്ഷന് കമ്മറ്റി ഭാരവാഹികള് പറഞ്ഞു.
ആക്ഷന് കമ്മറ്റി ചെയര്മാന് കെഇ ഇസ്മിയില് അധ്യക്ഷത വഹിച്ചു. ടിപി ബിനീഷ്, ഒകെ കുഞ്ഞബ്ദുള്ള, എം രാജീവന്, എംസി ബാലകൃഷ്ണന്, സി വാസു, ആര് സത്യന്, കെ പ്രകാശന്, ടിപി രാജന്, ടികെ സിബി, ഇഎം ദാമോദരന്, എകെ വിജയന്, വി മോഹന് ബാബു, ടിഎം രാജന് സംസാരിച്ചു.
-
'മീനാക്ഷിയെ കളഞ്ഞില്ലേ, ആർക്ക് വേണ്ടിയാണ് ഈ സമ്പാദിച്ച് കൂട്ടുന്നത്; മഞ്ജു വാര്യർക്ക് അധിക്ഷേപം..മറുപടി -
വിജയ് ദേവരകൊണ്ടയ്ക്കൊപ്പം അഭിനയിക്കുന്നതില് വീട്ടുകാരുമായി വഴക്ക്; തുറന്ന് പറഞ്ഞ് രശ്മിക -
എണ്ണവില 150 ഡോളര് കടക്കുമോ? എങ്കില് പിന്നെ സ്വര്ണം വാങ്ങിവെച്ചവരെ കാത്തിരിക്കുന്നത് വന് നഷ്ടം! -
"സീറ്റ് പോയോ സരിൻ?" സ്ഥാനാർത്ഥി പട്ടിക വന്നതിന് പിന്നാലെ പി സരിന് ട്രോൾ മഴ -
ദിലീപ് ആണ് ആള്, പണികൊടുത്തിരിക്കും എന്ന് അറിയാം';ദിലീപ്-വിനയൻ വീഡിയോ വൈറൽ..കമൻ്റുകൾ -
മമ്മൂട്ടി ദുഷ്ടനല്ല, അങ്ങോട്ട് പേടിപ്പിച്ചാൽ പേടിക്കും..ഇതൊക്കെ നമ്മൾ അനുഭവിച്ചതാണ്': ഗണേഷ് കുമാർ -
ഓവര് ക്യൂട്ട്നെസ് വാരിവിതറാന് അറിയില്ല; അനുമോള്ക്കിട്ട് 'കുത്തി' അനീഷ്: റിലേഷന്ഷിപ്പ് സ്റ്റാറ്റസ് ഇങ്ങനെ -
സര്ക്കാര് ജീവനക്കാരേക്കാള് അധികശമ്പളം കെഎസ്ഇബി ജീവനക്കാര്ക്ക് നല്കേണ്ടതില്ല: സംസ്ഥാന സര്ക്കാര് -
'പാവം' ഗുണ്ടകൾക്ക് പോലും ഈ നാട്ടിൽ ജീവിക്കാൻ പറ്റാത്ത അവസ്ഥ ആയി, അനുഭവിച്ചേ പോകൂ; സന്തോഷ് പണ്ഡിറ്റ് -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
തനിച്ച് മല്സരിക്കും എന്ന് എസ്ഡിപിഐ; 111 മണ്ഡലങ്ങളില് സ്ഥാനാര്ഥികളായി, 'ബിജെപിയെ ഒറ്റപ്പെടുത്തണം' -
കൈനിറയെ പണം ലഭിക്കും... പലവഴിക്ക് ആസ്തി കൂടും; മഹാലക്ഷ്മിയുടെ അനുഗ്രഹത്തില് രാജയോഗം
Click it and Unblock the Notifications
Sign in with Google