സുധീരന്റെ രാജി ഹൈക്കമാന്റ് സ്വീകരിച്ചില്ല; തീരുമാനങ്ങള് സോണിയ ഗാന്ധി വിദേശത്തുനിന്നും എത്തിയ ശേഷം
സുധീരന്റെ രാജി സോണിയ ഗാന്ധി അംഗീകരിച്ചതിനു ശേഷം താത്ക്കാലിക അധ്യക്ഷനെ പ്രഖ്യാപിക്കും.
ദില്ലി: വിഎം സുധീരന്റെ0 രാജി അംഗീകരിച്ചിട്ടില്ലെന്ന് കോണ്ഗ്രസ് ഹൈക്കമാന്റ്. ചികിത്സയ്ക്കായി വിദേശത്തുപോയ കോണ്ഗ്രസ് അധ്യക്ഷ സോണിയ ഗാന്ധി തിരിച്ചെത്തിയതിന് ശേഷം മാത്രമേ ഇത് സംബന്ധിച്ച് അന്തിമ തീരുമാനം ഉണ്ടവൂ. കഴിഞ്ഞ ആഴ്ചയാണ് ആരോഗ്യ കാരണങ്ങള് ചൂണ്ടിക്കാട്ടി വിഎം സുധീരന് കെപിസിസി പ്രസിഡന്റ് സ്ഥാനത്തു നിന്നും രാജി വെച്ചത്.
സോണിയ ഗാന്ധി വിദേശത്തു നിന്നും തിരിച്ചെത്തിയതിനു ശേഷം മാത്രമേ അന്തിമ തീരുമാനം ഉണ്ടാകുകയുള്ളൂ. സുധീരന്റെ രാജി സോണിയ ഗാന്ധി അംഗീകരിച്ചതിനു ശേഷം താത്ക്കാലിക അധ്യക്ഷനെ പ്രഖ്യാപിക്കും.
പുന:സംഘടന
വരുന്ന ജൂണില് സംഘടനാ തിരഞ്ഞെടുപ്പ് ഉണ്ടാകും അതുവരെയാകും താത്ക്കാലിക അധ്യക്ഷന് ചുമതലയുണ്ടാകുക. ഇതിന് ശേഷം കോണ്ഗ്രസ് പുന: സംഘടനയും ഉണ്ടാകും.
അധ്യക്ഷന്
2014 ഫെബ്രുവരി മാസത്തിലാണ് സുധീരന് കെപിസിസി അധ്യക്ഷ സ്ഥാനത്തേക്ക് വന്നത്. കഴിഞ്ഞയാഴ്ചയായിരുന്നു രാജിവെച്ചത്.
എംഎം ഹസ്സന്
കോണ്ഗ്രസിലെ മുതിര്ന്ന നേതാവ് എംഎം ഹസ്സന് കെപിസിസിയുടെ താത്ക്കാലിക പ്രസിഡന്റാകുമെന്നാണ് കോണ്ഗ്രസ് വൃത്തങ്ങള് നല്കുന്ന സൂചന.
പ്രസിഡന്റ്
പുതിയ കെപിസിസി പ്രസിഡന്റ് സ്ഥാനത്തിനായി കോണ്ഗ്രസിലെ എ, ഐ ഗ്രൂപ്പുകള് സജീവമായി രംഗത്തുണ്ട്.