Click it and Unblock the Notifications
Just In
Don't Miss
-
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
ഒടുവില്‍ തീരുമാനമായി; ഗൗരിയമ്മയുടെ പാര്‍ട്ടി ഇടതുമുന്നണിക്ക് വോട്ടു ചെയ്യും
ആലപ്പുഴ: വരാനിരിക്കുന്ന നിയമസഭാ തെരഞ്ഞെടുപ്പില്‍ ഇടതുമുന്നണിയുടെ വിജയത്തിനുവേണ്ടി പ്രവര്‍ത്തിക്കാന്‍ ഗൗരിയമ്മ നേതൃത്വം നല്‍കുന്ന ജെഎസ്എസ് തീരുമാനിച്ചു. ആറു സീറ്റുകളില്‍ തനിച്ച് മത്സരിക്കാനായിരുന്നു ഗൗരിയമ്മ നേരത്തെ തീരുമാനിച്ചിരുന്നത്. എന്നാല്‍ കോടിയേരി ബാലകൃഷ്ണനുമായുള്ള ചര്‍ച്ചയ്ക്കുശേഷമാണ് തീരുമാനം മാറ്റിയത്.
ഒറ്റയ്ക്കു മല്‍സരിക്കാനുള്ള തീരുമാനം പുന:പരിശോധിക്കണമെന്നു ജെഎസ്എസ് സംസ്ഥാന സെന്റര്‍ യോഗത്തില്‍ ഭൂരിപക്ഷം അംഗങ്ങളും ആവശ്യപ്പെട്ടതനുസരിച്ചാണ് ഇടതുമുന്നണിക്ക് പിന്തുണ നല്‍കാന്‍ തീരുമാനിച്ചത്. മത്സരിക്കാന്‍ സീറ്റു നല്‍കണമെന്ന് നേരത്തെ ഇടതുമുന്നണിയോട് ജെഎസ്എസ് ആവശ്യപ്പെട്ടിരുന്നു.
എന്നാല്‍, സീറ്റു നല്‍കാന്‍ ഇടതുമുന്നണി തയ്യാറായില്ല. ഇതേതുടര്‍ന്ന് ഇടതുമുന്നണിയുമായി പാര്‍ട്ടി അകലുകയും ചെയ്തു. ഇതിന് പിന്നാലെ ജെഎസ്എസ്സിനെ എന്‍ഡിഎ സഖ്യകക്ഷിയാക്കാമെന്ന് ബിജെപി അധ്യക്ഷന്‍ കുമ്മനം രാജശേഖരന്‍ വാഗ്ദാനം നല്‍കിയിരുന്നെങ്കിലും വാഗ്ദാനം ഗൗരിയമ്മ സ്വീകരിച്ചില്ല.
കഴിഞ്ഞദിവസം കോടിയേരി ബാലകൃഷ്ണന്‍ ഗൗരിയമ്മയുമായി നേരിട്ട് സംസാരിച്ചതോടെയാണ് ഇടതുമുന്നണിക്ക് പിന്തുണ നല്‍കാന്‍ തീരുമാനമായതെന്നാണ് വിവരം. ഇടതുമുന്നണി അധികാരത്തിലെത്തിയാല്‍ കോര്‍പ്പറേഷന്‍ സ്ഥാനങ്ങളില്‍ മറ്റു ഇടതുപക്ഷ കക്ഷികള്‍ക്കു നല്‍കുന്ന പരിഗണന ജെഎസ്എസ്സിനും നല്‍മെന്ന് വാഗ്ദാനം നല്‍കിയിട്ടുണ്ട്. ഈ ഉറപ്പിന്റെ പിന്‍ബലത്തില്‍ തെരഞ്ഞെടുപ്പില്‍ ഇടതുമുന്നണിക്കുവേണ്ടി പ്രവര്‍ത്തിക്കാന്‍ ജെഎസ്എസ് തീരുമാനിക്കുകയായിരുന്നു.
