എല്ലാ സേവനങ്ങളും ഓണ്ലൈനിലേക്ക് മാറ്റാന് കെഎസ്ഇബി; മാറ്റം ഈ ദിവസം മുതല്
തിരുവനന്തപുരം: കെ എസ് ഇ ബിയുടെ സേവനങ്ങള് എല്ലാം ഓണ്ലൈനിലേക്ക് മാറുന്നു. പുതിയ കണക്ഷന് എടുക്കുന്നത് ഉള്പ്പെടെ എല്ലാ ഉപഭോക്തൃ സേവനങ്ങളും ഓണ്ലൈന് ആക്കാന് ഒരുങ്ങുകയാണ് കെ എസ് ഇ ബി. ഡിസംബര് ഒന്ന് മുതലായിരിക്കും ഓണ്ലൈന് സേവനങ്ങള് പ്രാബല്യത്തില് വരിക. ഇതിന്റെ ഭാഗമായി പുതിയതായി ഉപഭോക്തൃ സേവന വിഭാഗം രൂപീകരിക്കാനും തീരുമാനമായിട്ടുണ്ട്.
ഇത് സംബന്ധിച്ച് കെ എസ് ഇ ബി ചെയര്മാന് ബിജു പ്രഭാകര് കര്ശന നിര്ദേശങ്ങള് പുറപ്പെടുവിച്ചിട്ടുണ്ട്. ഓണ്ലൈന് സേവനം ഉപയോഗിക്കാതെ ഏതെങ്കിലും ഓഫീസില് നേരിട്ട് അപേക്ഷ സ്വീകരിച്ചാല് കര്ശന നടപടി നേരിടേണ്ടി വരും എന്നാണ് ബിജു പ്രഭാകറിന്റെ മുന്നറിയിപ്പ്. ആദ്യം ലഭിക്കുന്ന അപേക്ഷ ആദ്യം പരിഗണിക്കണം എന്നും വിതരണ വിഭാഗം ഡയറക്ടര് ഇത് കൃത്യമായി നിരീക്ഷിച്ച് ഉറപ്പാക്കണം എന്നും ചെയര്മാന്റെ സര്ക്കുലറില് ഉണ്ട്.
ഇംഗ്ലീഷിലുള്ള കെ എസ് ഇ ബിയുടെ വെബ്സൈറ്റില് മലയാളം ഉള്പ്പെടുത്തണം. സാധിക്കുമെങ്കില് തമിഴ്, കന്നഡ ഭാഷകള് കൂടി ഉള്പ്പെടുത്തണം എന്നും അദ്ദേഹം നിര്ദേശിച്ചിട്ടുണ്ട്. അതിര്ത്തി ജില്ലകളിലുള്ള ഉപഭോക്താക്കള്ക്ക് കൂടി ഉപകാരപ്രദമാകുന്നതിനാണ് ഇത്. അപേക്ഷകള് ലഭിക്കുന്ന മുറയ്ക്ക് രണ്ട് പ്രവൃത്തി ദിവസത്തിനുള്ളില് തുക എത്ര എന്ന ഉപഭോക്താവിനെ അറിയിക്കണം.
വാട്സാപ്പിലും എസ് എം എസ് മുഖാന്തരവും ഉപഭോക്താവിന് തുടര് നടപടികള് സംബന്ധിച്ച വിശദാംശങ്ങള് അറിയാം. സേവനത്തിനും പരാതി പരിഹാരത്തിനുമായി വിതരണ വിഭാഗം ഡയറക്ടറുടെ കീഴില് കസ്റ്റമര് കെയര് സെല് ആരംഭിക്കും. പരീക്ഷണാടിസ്ഥാനത്തില് തിരുവനന്തപുരത്തും എറണാകുളത്തും കോഴിക്കോടും ഓരോ കസ്റ്റമര് കെയര് സെന്റര് വീതം തുടങ്ങും എന്നാണ് അധികൃതര് അറിയിച്ചിരിക്കുന്നത്.
ഇതോടെ ഐ ടി വിഭാഗത്തിന്റെ കീഴിലായിരുന്ന കെ എസ് ഇ ബിയുടെ 1912 കോള് സെന്റര് ഇനി കസ്റ്റമര് കെയര് സെല്ലിന്റെ ഭാഗമാവും. അപേക്ഷയിന് മേല് മനപ്പൂര്വം നടപടി വൈകിപ്പിക്കുക, ആദ്യം വരുന്ന അപേക്ഷ അട്ടിമറിച്ച് അവസാനം ലഭിക്കുന്ന അപേക്ഷകള് സ്വീകരിക്കുക തുടങ്ങിയ ആക്ഷേപങ്ങള് കെ എസ് ഇ ബിക്കെതിരെ ഉയരുന്നതിനിടെയാണ് സേവനങ്ങള് ഓണ്ലൈനിലേക്ക് മാറ്റുന്നത്.
അതിനിടെ ഫിലമെന്റ് രഹിത കേരളം പദ്ധതിയുടെ ഭാഗമായി രണ്ട് എല്ഇഡി ബള്ബ് എടുത്താല് ഒന്ന് ഫ്രീ നല്കുന്ന ഓഫറുമായി കെ എസ് ഇ ബി രംഗത്തെത്തിയിട്ടുണ്ട്. ബി പി എല് കുടുംബങ്ങള്ക്കും അങ്കണവാടികള്ക്കും സര്ക്കാര് ആശുപത്രികള്ക്കും ബള്ബുകള് സൗജന്യമായി വിതരണം ചെയ്യും. പുതുതായി ഗാര്ഹിക കണക്ഷനെടുക്കുന്നവര്ക്കും രണ്ട് ബള്ബ് സൗജന്യമാണ്.
-
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
''ടേബിളിലിരുന്ന പാത്രം മമ്മൂക്ക എന്റെ നേരേ നീട്ടി, വിറയാർന്ന കൈകളാൽ അത് വാങ്ങി, അത് അപൂർവ്വ സുന്ദര നിമിഷം'' -
'മൊണാലിസയെ 35 കഷണങ്ങളാക്കും'; വിവാഹത്തിൽ വിദ്വേഷ പ്രസ്താവനയുമായി സാധ്വി പ്രാചി -
അഖിൽ മാരാർ കൊട്ടാരക്കരയിലേക്കല്ല, തൃപ്പൂണിത്തുറയിൽ? അതിലും രണ്ട് അഭിപ്രായം..സാബുവിനായി ബിജെപി -
അമേരിക്കക്ക് കനത്ത തിരിച്ചടി; ഇറാഖിൽ യുഎസ് ടാങ്കർ വിമാനം തകർന്ന് വീണു -
വര്ക്ക് ഫ്രം ഹോമിലേക്ക് ഈ നഗരങ്ങള്; ബെംഗളൂരുവിലും കൊച്ചിയിലും കമ്പനികള് ജീവനക്കാര്ക്ക് നല്കിയ നിര്ദേശം -
എൽദോസ് കുന്നപ്പിള്ളി കൊച്ചിയിലേക്കോ? നേമത്ത് ശബരിനാഥന്, മണ്ഡലം പിടിക്കാൻ മത്സരിപ്പിക്കണമെന്ന് മൂന്ന് എംപിമാർ -
ഹൈദരാബാദിൽ പാചകവാതക ക്ഷാമം രൂക്ഷം; ഹോസ്റ്റലുകളിൽ നിയന്ത്രണം, വർക്ക് ഫ്രം ഹോം ആവശ്യം ശക്തമാവുന്നു
Click it and Unblock the Notifications
Sign in with Google