• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പ്രവാസികള്‍ക്ക് ആശ്വാസം, സ്വര്‍ണപ്പണയ വായ്പകളുമായി കെഎസ്എഫ്ഇ, പുതിയ സ്‌കീമുകള്‍ ഇങ്ങനെ

തിരുവനന്തപുരം: കോവിഡ് കാലത്ത് വിദേശ രാജ്യങ്ങളില്‍ നിന്ന് ഈ ഫെബ്രുവരി 15 നുശേഷം കേരളത്തില്‍ തിരിച്ചെത്തിയ പ്രവാസി മലയാളികളെ സഹായിക്കാന്‍ വേണ്ടി കെഎസ്എഫ്ഇ പ്രത്യേക സ്വര്‍ണ്ണപ്പണയ വായ്പ സ്‌കീം ആരംഭിക്കുന്നു. ഒരു ലക്ഷം രൂപ വരെയുള്ള സ്വര്‍ണ്ണപ്പണയ വായ്പയ്ക്ക് 3% പലിശയേ ഈടാക്കുന്നുള്ളൂ. 4 മാസമായിരിക്കും ഈ വായ്പാ കാലാവധി. അതു കഴിഞ്ഞാല്‍ കെ.എസ്.എഫ്.ഇ.യില്‍ നിലവിലുള്ള സാധാരണ സ്വര്‍ണ്ണവായ്പയുടെ സ്റ്റാറ്റസിലേക്ക് ഈ വായ്പ മാറ്റാവുന്നതാണ്.കെ.എസ്.എഫ്.ഇ പ്രവാസി ചിട്ടിയില്‍ അംഗങ്ങള്‍ ആയിട്ടുള്ള പ്രവാസികള്‍ ആണെങ്കില്‍ ഈ സ്വര്‍ണ്ണവായ്പയുടെ പരിധി 1.5 ലക്ഷം വരെ ഉയര്‍ത്തി നല്‍കാവുന്നതാണ്.

പ്രവാസി സൗഹൃദം സ്വര്‍ണ്ണപ്പണയ വായ്പ

പ്രവാസി സൗഹൃദം സ്വര്‍ണ്ണപ്പണയ വായ്പ

കോവിഡ് കാലത്ത് വിദേശ രാജ്യങ്ങളില്‍ നിന്ന് ഈ ഫെബ്രുവരി 15 നുശേഷം കേരളത്തില്‍ തിരിച്ചെത്തിയ പ്രവാസി മലയാളികളെ സഹായിക്കാന്‍ വേണ്ടി പ്രത്യേക സ്വര്‍ണ്ണപ്പണയ വായ്പ സ്‌കീം. ഇതുപ്രകാരം ഒരു ലക്ഷം രൂപ വരെയുള്ള സ്വര്‍ണ്ണപ്പണയ വായ്പയ്ക്ക് 3% പലിശയേ ഈടാക്കുന്നുള്ളൂ. 4 മാസമായിരിക്കും ഈ വായ്പാ കാലാവധി. അതു കഴിഞ്ഞാല്‍ കെ.എസ്.എഫ്.ഇ.യില്‍ നിലവിലുള്ള സാധാരണ സ്വര്‍ണ്ണവായ്പയുടെ സ്റ്റാറ്റസിലേക്ക് ഈ വായ്പ മാറ്റാവുന്നതാണ്.കെ.എസ്.എഫ്.ഇ പ്രവാസി ചിട്ടിയില്‍ അംഗങ്ങള്‍ ആയിട്ടുള്ള പ്രവാസികള്‍ ആണെങ്കില്‍ ഈ സ്വര്‍ണ്ണവായ്പയുടെ പരിധി 1.5 ലക്ഷം വരെ ഉയര്‍ത്തി നല്‍കാവുന്നതാണ്.

പ്രവാസി മിത്രം സ്വര്‍ണ്ണപ്പണയ വായ്പ

പ്രവാസി മിത്രം സ്വര്‍ണ്ണപ്പണയ വായ്പ

നോര്‍ക്ക കഉ ഉള്ള, ജോലി നഷ്ടപ്പെട്ട് നാട്ടിലേയ്ക്ക് ഈ മാര്‍ച്ചു മാസം ഒന്നിനു ശേഷം വന്ന ഇതര സംസ്ഥാനങ്ങളില്‍ ജോലി ചെയ്തിരുന്ന മലയാളികള്‍ക്കും മേല്‍ പറഞ്ഞ ഒരു ലക്ഷം രൂപയുടെ സ്വര്‍ണ്ണപ്പണയ വായ്പ 3% പലിശ നിരക്കില്‍ ലഭ്യമാകുന്നതാണ്.

പ്രത്യേക സ്വര്‍ണ്ണപ്പണയ വായ്പ

പ്രത്യേക സ്വര്‍ണ്ണപ്പണയ വായ്പ

ഈ സവിശേഷ സാഹചര്യത്തില്‍ സാധാരണക്കാര്‍ക്ക് ഉണ്ടായേക്കാവുന്ന സാമ്പത്തിക ബുദ്ധിമുട്ടുകള്‍ക്ക് സമാശ്വാസം എന്ന നിലയില്‍ 10,000/ രൂപ വരെയുള്ള സ്വര്‍ണ്ണപ്പണയ വായ്പ, നിലവിലുള്ള പലിശ നിരക്കില്‍ നിന്നും 1 ശതമാനം കുറച്ചു കൊണ്ട് 8.5 % എന്ന പലിശ നിരക്കില്‍ ലഭ്യമാക്കുന്നതാണ്. പ്രവാസി ചിട്ടിയില്‍ അംഗമായ പ്രവാസികളുടെ ബന്ധുക്കള്‍ക്ക് മേല്‍പ്പറഞ്ഞ രീതിയില്‍ 250000 രൂപ വരെ നല്‍കും.

ഫിക്‌സഡ് ഡിവിഡണ്ട് ചിട്ടി / ഗ്രൂപ്പ് ഫിനാന്‍സ് സ്‌കീം

ഫിക്‌സഡ് ഡിവിഡണ്ട് ചിട്ടി / ഗ്രൂപ്പ് ഫിനാന്‍സ് സ്‌കീം

രണ്ടു വര്‍ഷം കാലാവധിയുള്ള ഈ പദ്ധതിയില്‍ ഓരോ ക്ലസ്റ്ററിലും 20-25 പേര്‍ വീതമാണ് ഉണ്ടായിരിക്കുക. എല്ലാ മാസവും നിശ്ചിത തുക വെച്ച് എല്ലാവരും അടക്കേണ്ടതാണ്. 4 മാസങ്ങള്‍ക്കു ശേഷം ആവശ്യക്കാര്‍ക്ക് ചിട്ടി/വായ്പ പദ്ധതി തുക മുന്‍കൂറായി നല്‍കും. തുക വൈകി കൈപ്പറ്റുന്ന അംഗങ്ങള്‍ക്ക് നേരത്തേ എടുക്കുന്ന അംഗങ്ങളേക്കാള്‍ കൂടുതല്‍ തുക ലഭിക്കുന്നതാണ്. ആദ്യ ഘട്ടത്തില്‍ തെരഞ്ഞടുത്ത ശാഖകളിലായിരിക്കും ആദ്യം ഈ പദ്ധതി നടപ്പാക്കുക. ഈ സാമ്പത്തിക വര്‍ഷം ഇത്തരം 1000 ചിട്ടികള്‍ തുടങ്ങുവാനാണ് പദ്ധതിയിട്ടിരിക്കുന്നത്. ഇതില്‍ തദ്ദേശനിവാസികള്‍ക്കും ചേരാവുന്നതാണ്.

ജനമിത്രം സ്വര്‍ണ്ണപ്പണയ വായ്പ

ജനമിത്രം സ്വര്‍ണ്ണപ്പണയ വായ്പ

12 തുല്യമാസ തവണകളായി തിരിച്ചടയ്ക്കാവുന്ന വിധത്തില്‍ ഒരു വ്യക്തിയ്ക്ക് 10 ലക്ഷം രൂപ വരെ വായ്പ ലഭിക്കുന്നു. 5.7% ആണ് വാര്‍ഷിക പലിശ നിരക്ക്. വായ്പ എടുത്ത നാള്‍ മുതല്‍ ഓരോ മാസവും തവണ സംഖ്യ അടയ്‌ക്കേണ്ടതാണ്. മാസതവണസംഖ്യ കൃത്യമായി അടച്ചില്ലെങ്കില്‍ ആ തവണ സംഖ്യ തുക അടയ്ക്കുന്നതു വരെ പിഴപ്പലിശ ഈടാക്കുന്നതാണ്. ഇതിലും തദ്ദേശനിവാസികള്‍ക്കു ചേരാവുന്നതാണ്.

English summary
KSFE offers gold loan plan for expatriates
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more