കെഎസ്ആര്ടിസി ബംഗളൂരു സര്വീസ് ഞായറാഴ്ച മുതല്; യാത്ര കൊവിഡ് പ്രോട്ടോക്കോള് പാലിച്ച്, അറിയേണ്ട കാര്യങ്ങള്
തിരുവനന്തപുരം: കൊവിഡിനെ തുടര്ന്ന് നിര്ത്തിവച്ച ബംഗളൂരുവിലേക്കുള്ള കെഎസ്ആര്ടിസി ബസ് സര്വീസുകള് ഞായറാഴ്ച മുതല് പുനരാരംഭിക്കുമെന്ന് ഗതാഗത വകുപ്പ് മന്ത്രി ആന്റണി രാജു അറിയിച്ചു. ആദ്യ ഘട്ടത്തില് തിരുവനന്തപുരം, കോഴിക്കോട്, കണ്ണൂര് എന്നീ ജില്ലകളില് നിന്നാണ് സര്വീസ് നടത്തുക. തിരുവനന്തപുരത്ത് നിന്നുള്ള സര്വ്വീസുകള് ഞായര് ( ജൂലൈ 11 ) വൈകുന്നേരം മുതലും, കണ്ണൂര്, കോഴിക്കോട് നിന്നുള്ള സര്വ്വീസുകള് തിങ്കളാഴ്ച( ജൂലൈ 12) മുതലും ആരംഭിക്കുമെന്ന് മന്ത്രി വ്യക്തമാക്കി.
സിലിണ്ടറുകളുമായി കർഷകർ, ഇന്ധന വില വർധനവിനെതിരെ പ്രതിഷേധം- ചിത്രങ്ങൾ
അന്തര് സംസ്ഥാന ഗതാഗതത്തിന് തമിഴ്നാട് ഇതുവരെ അനുമതി നല്കിയിട്ടില്ല. ഈ സാഹചര്യത്തിലാണ് കോഴിക്കോട് കണ്ണൂര് വഴിയുള്ള റൂട്ടുകളില് ആദ്യ ഘട്ടത്തില് സര്വീസ് ആരംഭിക്കുന്നത്. കൊവിഡ് മാനദണ്ഡങ്ങള് പാലിച്ചാണ് യാത്രക്കാര്ക്ക് യാത്ര ചെയ്യാന് സാധിക്കുക. കര്ണ്ണാടക സര്ക്കാരിന്റെ കോവിഡ് പ്രോട്ടോകോള് പ്രകാരമുള്ള 72 മണിക്കൂര് മുന്പുള്ള ആര്ടിപിസിആര് ടെസ്റ്റ് നടത്തിയ നെഗറ്റീവ് സര്ട്ടിഫിക്കറ്റോ, ഒരു ഡോസ് വാക്സിന് എടുത്തതിന്റെ സര്ട്ടിഫിക്കറ്റോ യാത്രയില് കരുതണം.
കൂടുതല് യാത്രക്കാര് ആവശ്യപ്പെടുന്ന മുറയ്ക്ക് അധിക സര്വ്വീസുകള് വേണ്ടി വന്നാല് കൂടുതല് സര്വ്വീസുകള് നടത്തും. ഈ സര്വ്വീസുകള്ക്കുള്ള സമയ വിവരവും, ടിക്കറ്റുകളും www.online.keralartc.com എന്ന വെബ് സൈറ്റിലൂടെയും 'Ente KSRTC' എന്ന മൊബൈല് ആപ്പിലൂടെയും മുന്കൂട്ടി റിസര്വ്വ് ചെയ്യാവുന്നതാണ്.
ഇതെങ്ങനെയുണ്ട്? ഇതോ? കിടിലൻ ഫോട്ടോസുമായി സോഷ്യൽ മീഡിയ കീഴടക്കി ഭാവന
Click it and Unblock the Notifications
Sign in with Google