കെഎസ്ആർടിസി ബസ്സും കാറും കൂടിയിച്ച് അപകടം: നാല് പേർക്ക് പരിക്ക്

തിരുവനന്തപുരം: കെ എസ് ആർ ടി സി ബസ്സും കാറും കൂടിയിച്ച് അപകടം. കാർ യാത്രികാരായ നാല് പേർക്ക് പരിക്കേറ്റു. കൊല്ലം സ്വദേശി ഷിനു മാത്യു ( 45 ), പത്തനാപുരം സ്വദേശികളായ റോസമ്മ ( 62 ) ലിജു സിനും ( 41), പാപ്പച്ചൻ ( 70 ) എന്നിവർക്കാണ് പരിക്കേറ്റത്. ശനിയാഴ്ച വൈകീട്ട് 4. 30 ന് എം സി റോഡിൽ പിരപ്പൻകോടിന് സമീപം പാലവിളയിൽ വെച്ചായിരുന്നു അപകടം.

ആലുവയിൽ നിന്ന് തിരുവനന്തപുരത്ത് പോവുകയായിരുന്ന സൂപ്പർഫാസ്റ്റ് ബസ്സും തിരുവനന്തപുരത്ത് നിന്ന് വെഞ്ഞാറമൂട് ഭാ​ഗത്തേയ്ക്ക് വരികയായിരുന്ന കാറും തമ്മിൽ കൂട്ടിയിടിക്കുകയായിരുന്നു. അപകടത്തിൽ കാറിന്റെ മുൻവശം തകർന്നുയ പരിക്കേറ്റവരെ ഉടൻ തന്നെ നാട്ടുകാർ മെ‍ഡിക്കൽ കോളേജ് ആശുപത്രിയിലേക്ക് മാറ്റി.