ചോരതുപ്പും വരെ പൊതിരെതല്ലി! പാലക്കാട് കെഎസ്ആർടിസി ഡ്രൈവറെ ബസ് തടഞ്ഞുനിർത്തി മർദ്ദിച്ചു...
ആക്രമണത്തിൽ ഗുരുതരമായി പരിക്കേറ്റ ഇയാളെ മണ്ണാർക്കാട് സർക്കാർ ആശുപത്രിയിൽ പ്രവേശിപ്പിച്ചു.
Recommended Video
പാലക്കാട്: മണ്ണാർക്കാട് ദേശീയപാതയിൽ കെഎസ്ആർടിസി ബസ് തടഞ്ഞുനിർത്തി ഡ്രൈവറെ ക്രൂരമായി മർദ്ദിച്ചു. കോഴിക്കോട്-പാലക്കാട് റൂട്ടിൽ സർവ്വീസ് നടത്തുന്ന കെഎസ്ആർടിസി ബസിലെ ഡ്രൈവർ അബൂബക്കറിനാണ് മർദ്ദനമേറ്റത്. ആക്രമണത്തിൽ ഗുരുതരമായി പരിക്കേറ്റ ഇയാളെ മണ്ണാർക്കാട് സർക്കാർ ആശുപത്രിയിൽ പ്രവേശിപ്പിച്ചു.
കൊച്ചി പഴയ കൊച്ചിയല്ല! വീടിന്റെ ടെറസിൽ യുവതിയുടെ കഞ്ചാവ് കൃഷി! ചെടികൾ കണ്ട് പോലീസും ഞെട്ടി...
പാലക്കാട് നിന്നും കോഴിക്കോട്ടേക്കുള്ള കെഎസ്ആർടിസി ടൗൺ ടൂ ടൗൺ ബസ് മണ്ണാർക്കാട് എത്തിയപ്പോഴായിരുന്നു സംഭവം. സൈഡ് നൽകിയില്ലെന്നും, വാഹനത്തിൽ ഉരസിയെന്നും ആരോപിച്ച് കാറിലെത്തിയ സംഘമാണ് ബസ് തടഞ്ഞുനിർത്തിയത്. തുടർന്ന് കാറിൽ നിന്നിറങ്ങിയ യുവാവ് ബസിനുള്ളിൽ വലിഞ്ഞുകയറി ഡ്രൈവറെ ക്രൂരമായി മർദ്ദിച്ചു. ഡ്രൈവറായ അബൂബക്കർ സീറ്റിൽ തന്നെ ഇരുന്നെങ്കിലും യുവാവ് കൈകൊണ്ട് പൊതിരെതല്ലി. മർദ്ദനമേറ്റ് ഗുരുതരാവസ്ഥയിലായ അബൂബക്കർ ചോരതുപ്പുകയും ചെയ്തു. ഇതോടെയാണ് യുവാവ് അക്രമം അവസാനിപ്പിച്ചത്.
വിവാഹ സംഘം സഞ്ചരിച്ച കാറിലുണ്ടായിരുന്നവരാണ് ബസ് ഡ്രൈവറെ മർദ്ദിച്ചതെന്ന് കണ്ടക്ടറും ദൃക്സാക്ഷികളും പറഞ്ഞു. ഇവരുടെ വാഹനത്തെ ബസ് ഓവർടേക്ക് ചെയ്തതാണത്രേ യുവാക്കളെ പ്രകോപിപ്പിച്ചത്. ഇതിനിടെ ഡ്രൈവറെ മർദ്ദിക്കുന്ന ദൃശ്യങ്ങൾ സോഷ്യൽ മീഡിയയിലും പ്രചരിച്ചു. സംഭവത്തിൽ മൂന്നു പേരെ അറസ്റ്റ് ചെയ്തതായി മണ്ണാർക്കാട് പോലീസ് അറിയിച്ചു. ബസ് ഡ്രൈവറെ മർദ്ദിച്ച സംഭവത്തിൽ കർശന നടപടി സ്വീകരിക്കണമെന്ന് കെഎസ്ആർടിസി എംഡി എ ഹേമചന്ദ്രൻ പാലക്കാട് ജില്ലാ പോലീസ് മേധാവിക്ക് നിർദേശം നൽകി.
കേരള രാഷ്ട്രീയം ഞെട്ടിയ കോലീബി സഖ്യം! ബേപ്പൂരിലെ 'വിവാദ സ്ഥാനാർത്ഥി' കെ മാധവൻകുട്ടിയ്ക്ക് വിട...
ജാതിയും മതവുമില്ലാത്ത കുട്ടികളുടെ എണ്ണം തെറ്റ്! എല്ലാവർക്കും ജാതിയും മതവുമുണ്ടെന്ന് സ്കൂൾ അധികൃതർ...