ദുരിതാശ്വാസ പ്രവര്ത്തനങ്ങള്ക്ക് കെഎസ്ആര്ടിസി തയ്യാര്; ആര്ടിഒമാരും ഒപ്പം സഹായിക്കണം: മന്ത്രി
തിരുവനന്തപുരം: സംസ്ഥാനത്ത് മഴ ശക്തമായ തന്നെ തുടരുകയാണ് വിവിധ ജില്ലകളില് ഓറഞ്ച് അലര്ട്ടും, റെഡ് അലര്ട്ടും പ്രഖ്യാപിച്ചിരിക്കുകയാണ്. കോട്ടയം ജില്ലയിലാണ് ഏറ്റവും കൂടുതല് നാശനഷ്ടങ്ങള് റിപ്പോര്ട്ട് ചെയ്തത്. മൂന്ന് പേര് മരിക്കുകയും 10 പേരെ കാണാതാവുകയും ചെയ്തിട്ടുണ്ട്. തൊടുപുഴയില് കാര് ഒഴുക്കില്പെട്ട് രണ്ട്പേര് മരിച്ചിട്ടുണ്ട്. മഴക്കെടുതി രൂക്ഷമായ കോട്ടയം ജില്ലയില് വ്യോമസേനയുടെ സേവനവും ആര്മിയുടെ സേവനവും ഉറപ്പാക്കിയിട്ടുണ്ട്. കൂടാതെ ജലഗതാഗത വകുപ്പിന്റെ കോട്ടയം, എറണാകുളം, ആലപ്പുഴ ജില്ലകളിലുള്ള 5 റെസ്ക്യൂ കം ആംബുലന്സ് ബോട്ടുകളോട് ജാഗ്രത പാലിക്കാനും, ആവശ്യമായ സ്ഥലങ്ങളില് രക്ഷാപ്രവര്ത്തനം നടത്താനും ഗതാഗത മന്ത്രി ആന്റണി രാജു നിര്ദ്ദേശം നല്കിയിട്ടുണ്ട്.ദുരിതാശ്വാസ പ്രവര്ത്തനങ്ങള്ക്ക് കെഎസ്ആര്ടിസിയുടെ സേവനം വിട്ടു നല്കാനും പൊതുജനങ്ങളുടെ സുരക്ഷ ഉറപ്പാക്കുന്നതിന്റെ ഭാഗമായി മണ്ണിടിച്ചില് ഉള്ള പ്രദേശങ്ങളില് കെഎസ്ആര്ടിസിയുടെ സര്വ്വീസ് താല്ക്കാലികമായി നിര്ത്തി വയ്ക്കാനും നിര്ദ്ദേശം നല്കിയിട്ടുണ്ട്. കൂടാതെ ജനങ്ങള് യാത്ര പരമാവധി ഒഴിവാക്കണമെന്നും മന്ത്രി ആവശ്യപ്പെട്ടു.
എല്ലാ ജില്ലകളിലെ ആര്ടിഒ മാരോടും ബന്ധപ്പെട്ട ഉദ്യോഗസ്ഥരോടും ഏത് അടിയന്തിര സാഹചര്യത്തേയും നേരിടാനുള്ള മുന്നൊരുക്കങ്ങള് നടത്തണമെന്നും മന്ത്രി പറഞ്ഞു. അതിനായി അവരുടെ കീഴില് വരുന്ന പ്രദേശങ്ങളിലെ ജെസിബി, ടിപ്പര്, ക്രെയിന്, ആംബുലന്സ് തുടങ്ങിയവയുടെ ലിസ്റ്റ് തയ്യാറാക്കണമെന്നും അദ്ദേഹം ആവശ്യപ്പെട്ടു. ആളുകളെ മാറ്റി പാര്പ്പിക്കേണ്ടി വന്നാല് അതിനേ ആവശ്യമുള്ള വാഹനങ്ങള് സജ്ജമാക്കണം. ജില്ലാ കളക്ടറേറ്റിലുള്ള ദുരന്തനിവാരണ സെല്ലിന്റെ പ്രവര്ത്തനങ്ങള്ക്ക് ആവശ്യമായ സഹായം നല്കാന് മോട്ടോര് വാഹന വകുപ്പ് ഉദ്യോഗസ്ഥരും പ്രവര്ത്തിക്കണമെന്ന് ഗതാഗത മന്ത്രി ആന്റണി രാജു നിര്ദ്ദേശം നല്കി.
സാഹചര്യത്തിന്റെ ഗൗരവം പരിഗണിച്ച് സംസ്ഥാന അടിയന്തര കാര്യനിര്വഹണ കേന്ദ്രം കൂടുതല് സജീവമാക്കുകയും ഡാമുകളിലെ സ്ഥിതിഗതികള് വിലയിരുത്താന് കെ.എസ്.ഇ.ബി, ഇറിഗേഷന് വകുപ്പുകളുടെ പ്രതിനിധികളെ വിന്യസിച്ചതായും മുഖ്യമന്ത്രിയും അറിയിച്ചു.
തിരുവനന്തപുരത്തും മഴ ശക്തമായി തന്ന തെുടരുകയാണ്. ഒഴുക്കില്പെട്ട് ഒരാളെ കാണാതാവുകയും ചെയ്തിട്ടുണ്ട്. തിരുവനന്തപുരം വെള്ളായണി എല്പി സ്കൂളില് ദുരിതാശ്വാസ ക്യാമ്പ് തുറന്നു. കായലില് നിന്ന് കരയിലേക്ക് വെള്ളം കയറുന്ന സാഹചര്യത്തില് 27 കുടുംബങ്ങളെ മാറ്റി ഇവിടെ മാറ്റിപാര്പ്പിച്ചിട്ടുണ്ട്. പത്തനംതിട്ടയിലും മഴ ശക്തമായി തന്നെ തുരുന്നതിനാല് ശബരിമലയില് ഭക്തര്ക്ക് നിയന്ത്രണം ഏര്പ്പെടുത്തിയിട്ടുണ്ട്. പാലക്കാട് മലമ്പുഴ ഡാമിന്റെ ഷട്ടറുകളും തുറന്നു. അതേസമയം കനത്ത മഴ രക്ഷാപ്രവര്ത്തനത്തെ ബാധിക്കുന്നുണ്ട്. ആവശ്യമെങ്കില് കൂടുതല് പൊലീസിനെ വിന്യസിപ്പിക്കുമെന്നും മുഖ്യമന്ത്രി പറഞ്ഞിരുന്നു.
ജില്ലകളില് സ്പെഷ്യല് കണ്ട്രോള് റൂം തുറക്കാന് ജില്ലാ പോലീസ് മേധാവിമാര്ക്കും മുഖ്യമന്ത്രി നിര്ദ്ദേശം നല്കി. ജില്ലാ കളക്ടര്, ജില്ലാ ദുരന്തനിവാരണ അതോറിറ്റി എന്നിവരുമായി ചേര്ന്ന് പോലീസ് സംവിധാനം പ്രവര്ത്തിക്കുക. മണ്ണ് ഇടിച്ചിലും വെള്ളപ്പൊക്കവും സംഭവിക്കാന് സാധ്യതയുള്ള പ്രദേശങ്ങളില് ആവശ്യമായ മുന്കരുതലുകള് സ്വീകരിക്കണമെന്നും ദുരിതാശ്വാസ കേന്ദ്രങ്ങളില് പ്രത്യേക പോലീസ് സുരക്ഷ ഏര്പ്പെടുത്താനും ജില്ലാ പോലീസ് മേധാവിമാര്ക്ക് നിര്ദ്ദേശം നല്കിയതായി മുഖ്യമന്ത്രി പറഞ്ഞു.
മഴ ശക്തമാകുന്ന സാഹചര്യത്തില് ജനങ്ങള് കര്ശനമായ ജാഗ്രത പുലര്ത്തണമെന്നും സര്ക്കാര് സംവിധാനങ്ങള് നല്കുന്ന നിര്ദേശങ്ങള് വിട്ടുവീഴ്ചയില്ലാതെ പാലിക്കാന് ശ്രദ്ധിക്കണമെന്നും അദ്ദേഹം പറഞ്ഞു. അടിയന്തിര സാഹര്യങ്ങളില് പൊതുജനങ്ങള്ക്ക് 112 എന്ന നമ്പറില് ഏത് സമയവും ബന്ധപ്പെടാവുന്നതാണെന്നും അദ്ദേഹം കൂട്ടി ചേര്ത്തു.
-
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം -
യുഎസ് സൈനികരെ പിടികൂടി എന്ന് ഇറാന്; നിഷേധിച്ച് അമേരിക്ക, യുദ്ധം പുതിയ തലത്തിലേക്ക്
Click it and Unblock the Notifications
Sign in with Google