ചില്ലറയില്ല, ബാലന്സ് കിട്ടിയില്ല പരാതി ഇനി വേണ്ട; കെഎസ്ആര്ടിസി ടിക്കറ്റിനും ഇനി ഫോണ് പേ
തിരുവനന്തപുരം: ബസ് ടിക്കറ്റിന് ഡിജിറ്റല് പേയ്മെന്റ് സംവിധാനം നടപ്പാക്കാന് കെ എസ് ആര് ടി സി. ഇനി മുതല് ഫോണ് പേ പോലുള്ള യു പി ഐ മാര്ഗങ്ങള് ഉപയോഗിച്ച് യാത്രക്കാര്ക്ക് കെ എസ് ആര് ടി സിയില് ടിക്കറ്റ് എടുക്കാന് സാധിക്കും. കെ എസ് ആര് ടി സി ബസിന് ഉള്ളില് പതിച്ചിരിക്കുന്ന ക്യൂ ആര് സ്കാന് കോഡ് മൊബൈല് ഫോണ് ഉപയോഗിച്ച് സ്കാന് ചെയ്താണ് ടിക്കറ്റ് എടുക്കേണ്ടത്.
ടിക്കറ്റിനായി പണം അടച്ച മെസേജ് കണ്ടക്ടറെ കാണിച്ച് യാത്രക്കാര് ബോധ്യപ്പെടുത്തണം. ബുധനാഴ്ച മുതല് പുതിയ സംവിധാനം കെ എസ് ആര് ടി സികളില് നിലവില് വരും. പുതിയ സംവിധാനത്തിന്റെ ഉദ്ഘാടനം ഇന്ന് രാവിലെ 10.30 ന് ഗതാഗത വകുപ്പ് മന്ത്രി ആന്റണി രാജു നിര്വഹിച്ചു.
പുതിയ സംവിധാനം വഴി ചില്ലറയെ ചൊല്ലിയുള്ള തര്ക്കം പരിഹരിക്കാനാകും എന്നാണ് കെ എസ് ആര് ടി സി കരുതുന്നത്. കെ എസ് ആര് ടി സിയില് പൊതുവെ യാത്രക്കാര് പരാതിപ്പെടുന്നത് ചില്ലറയുടെ ദൗര്ലഭ്യവും ബാലന്സ് തിരികെ ലഭിക്കാത്തതും ആണ്. ഡിജിറ്റല് പേയ്മെന്റ് സംവിധാനം നടപ്പിലാകുന്നതോടെ ഇത്തരം പരാതികള്ക്ക് ശമനമാകും.
ട്രാന്സ് സമൂഹത്തിനൊപ്പം ലീഗുണ്ട്, ലെസ്ബിയന്സിനേയും ഗേയ്സിനേയും അംഗീകരിക്കില്ല; കെഎം ഷാജി
ഭാവിയില് എല്ലാ ബസുകളിലും ഈ സംവിധാനം ഏര്പ്പാടാക്കും എന്നാണ് കെ എസ് ആര് ടി സി അറിയിക്കുന്നത്. പുതുവര്ഷം പ്രമാണിച്ച് ഇലക്ട്രിക് ബസുകള് അടക്കം രണ്ടായിരത്തോളം ബസ്സുകളാണ് കെ എസ് ആര് ടി സിയുടേതായി നിരത്തിലിറങ്ങാന് പോവുന്നത്.
ഗണപതീ കടാക്ഷം കൂടെയുണ്ടാകും.. തുടരെ തുടരെ ഭാഗ്യം, ജീവിതത്തില് സന്തോഷം മാത്രം; ഈ രാശിക്കാരാണോ?
ഇതിന്റെ ടെന്ഡര് നടപടികളെല്ലാം അന്തിമ ഘട്ടത്തിലാണ്. കിഫ്ബി ഫണ്ടിലൂടെ 614 ഇലക്ട്രിക് ബസ് അടക്കം 1783 ബസുകളാണ് വരും വര്ഷം വാങ്ങുന്നത്. ഇതോടൊപ്പം പൊതുവെ യാത്രക്കാര് ഉന്നയിക്കുന്ന വലിയ പരാതികളില് ഒന്നാണ് വാഹനത്തിന്റെ വൃത്തി. ആ പരാതി പരിഹരിക്കാന് ഒരുങ്ങുകയാണ് കെ എസ് ആര് ടി സി സ്വിഫ്റ്റ്.
സ്വിഫ്റ്റ് ബസിനെ കഴുകി എടുക്കാനായി സ്വകാര്യ കമ്പനിക്ക് കാരാര് നല്കിയിട്ടുണ്ട്. ഒരു മാസത്തേക്ക് കഴുകല് പൂര്ണമായും സൗജന്യമാണ്. അതിന് ശേഷം കെ എസ് ആര് ടി സി കമ്പനിക്ക് കരാര് നല്കും. തിരുവനന്തപുരം തമ്പാനൂര് ബസ് സ്റ്റാന്ഡില് വന്നുപോകുന്ന സ്വിഫ്റ്റ് ബസുകള് ആണ് ഇതുപോലെ വൃത്തിയാക്കുന്നത്. സ്വിഫ്റ്റ് ബസ് മാത്രമേ ഇങ്ങനെ വൃത്തിയാക്കാന് അനുമതിയുള്ളൂ.