കെഎസ്ആര്ടിസിയുടെ ബിസിനസ് ക്ലാസ് ബസ് വരുന്നു..! സൗകര്യങ്ങള് കേട്ടോ, ഒപ്പം ബസ് ഹോസ്റ്റസും
തിരുവനന്തപുരം: കെ എസ് ആര് ടി സി ( കേരള സംസ്ഥാന റോഡ് ഗതാഗത കോര്പ്പറേഷന്)ഏറെക്കാലമായി കാത്തിരിക്കുന്ന ബിസിനസ് ക്ലാസ് സര്വീസ് അടുത്ത രണ്ട് മാസത്തിനുള്ളില് ആരംഭിക്കുമെന്ന് ഗതാഗത മന്ത്രി കെ ബി ഗണേഷ് കുമാര്. തിരഞ്ഞെടുപ്പ് തീയതികള് പ്രഖ്യാപിച്ചാലും ഇല്ലെങ്കിലും ബസുകള് എത്തിയാലുടന് പുതിയ സര്വീസ് ആരംഭിക്കുമെന്ന് ഗണേഷ് കുമാര് പറഞ്ഞു. രണ്ട് വോള്വോ ബസുകള് ആണ് ആദ്യ ഘട്ടത്തില് എത്തിക്കുന്നത്.
തിരുവനന്തപുരത്തിനും തൃശ്ശൂരിനും ഇടയിലാണ് സര്വീസ് ആദ്യം ആസൂത്രണം ചെയ്തിരുന്നത്. എന്നാല് ദേശീയ പാത നിര്മാണം നടക്കുന്നതിനാല് ആദ്യ ഘട്ടം എറണാകുളം വരെ മാത്രമേ ഓടൂ എന്ന് ഉദ്യോഗസ്ഥര് സ്ഥിരീകരിച്ചു. ബസുകള്ക്ക് പരിമിതമായ സ്റ്റോപ്പുകള് മാത്രമേ ഉണ്ടാകൂ എന്ന് മന്ത്രി വ്യക്തമാക്കി. തിരുവനന്തപുരം ബോര്ഡിംഗ് നിറഞ്ഞാല്, എറണാകുളം മാത്രമായിരിക്കും സ്റ്റോപ്പ്.
അല്ലാത്ത പക്ഷം കൊല്ലത്തും ആലപ്പുഴയിലും ഒരു സ്റ്റോപ്പ് അനുവദിക്കും. വോള്വോ പ്ലാറ്റ്ഫോമുകളില് നിര്മ്മിച്ച ബിസിനസ് ക്ലാസ് കോച്ചുകളില് 35 സീറ്റുകളും കെ എസ് ആര് ടി സി സര്വീസുകളില് മുമ്പ് ലഭ്യമല്ലാത്ത സൗകര്യങ്ങളും ഉണ്ടായിരിക്കും. ഓരോ സീറ്റിലും വിനോദ സ്ക്രീന്, ഹെഡ്ഫോണുകള്, ചാര്ജിംഗ് പോര്ട്ടുകള്, വൈ - ഫൈ എന്നിവ ഉണ്ടായിരിക്കും. ചായ, ലഘുഭക്ഷണങ്ങള്, ഓണ്ബോര്ഡ് ടോയ്ലറ്റ്, ഒരു ചെറിയ പാന്ട്രി എന്നിവയും അനുവദിക്കും.
'ഒരു ജില്ലയില് ഒരു സ്റ്റോപ്പ്' എന്ന മാതൃകയില് പ്രവര്ത്തിക്കുന്നതിനാണ് സേവനം രൂപകല്പ്പന ചെയ്തിരിക്കുന്നത്. യാത്രക്കാരുടെ സഹായത്തിനായി ബസില് ഒരു ബസ് ഹോസ്റ്റസും ഉണ്ടായിരിക്കും. 2025 അവസാനത്തോടെയാണ് മന്ത്രി പദ്ധതി പ്രഖ്യാപിച്ചത്. കേരളത്തിന്റെ പൊതു ഗതാഗത ശൃംഖലയെ ആധുനികവല്ക്കരിക്കുന്നതിനുള്ള വിശാലമായ നീക്കത്തിന്റെ ഭാഗമായാണ് പദ്ധതി എന്നാണ് മന്ത്രി അവകാശപ്പെടുന്നത്.
ദേശീയ പാത വികസനം പൂര്ത്തിയായാല് തിരുവനന്തപുരത്തിനും കൊച്ചിക്കും ഇടയിലുള്ള യാത്രാ സമയം ഏകദേശം മൂന്നര മുതല് നാല് മണിക്കൂര് വരെ കുറയ്ക്കാന് കഴിയും. ഡോക്ടര്മാര്, അഭിഭാഷകര്, സര്ക്കാര് ഉദ്യോഗസ്ഥര് തുടങ്ങിയ ഹൈ എന്ഡ് ഉപയോക്താക്കള്ക്ക് വേണ്ടിയാണ് ബിസിനസ് ക്ലാസ് സര്വീസ് തുടങ്ങുന്നതെന്നാണ് ഗണേഷ് കുമാര് പറയുന്നത്. സ്വകാര്യ കാറുകള് ഒഴിവാക്കി പൊതു ഗതാഗത സംവിധാനം ഉപയോഗിക്കാന് ഇത്തരക്കാരെ പ്രേരിപ്പിക്കാന് ഇത് സഹായിക്കും എന്നാണ് വിലയിരുത്തല്.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google