Click it and Unblock the Notifications
Just In
Don't Miss
-
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
നടുറോഡില്‍ ശല്യം ചെയ്ത പൂവാലന്മാരെ ടപ്പേന്ന് പൊക്കിയ മങ്കട പോലീസിന് യുവതിയുടെ അഭിനന്ദനം!വീഡിയോ
മഞ്ചേരിയില്‍ നിന്നും പെരിന്തല്‍മണ്ണയിലേക്കുള്ള യാത്രയ്ക്കിടെയാണ് ജസ്ലയെ ബൈക്കുകളിലെത്തിയ പൂവാല സംഘം പിന്തുടര്‍ന്നത്.
മലപ്പുറം: നടുറോഡില്‍ തന്നെ ശല്യം ചെയ്ത പൂവാലന്മാരെ നിമിഷങ്ങള്‍ക്കുള്ളില്‍ പൊക്കിയ മങ്കട പോലീസിനെ അഭിനന്ദിച്ച് യുവതിയുടെ ഫേസ്ബുക്ക് വീഡിയോ. കെഎസ്‌യു മലപ്പുറം ജില്ലാ വൈസ് പ്രസിഡന്റായ ജസ്ല മാടശേരിയാണ് മങ്കട പോലീസിനെ അഭിനന്ദിച്ച് വീഡിയോ പോസ്റ്റ് ചെയ്തിരിക്കുന്നത്.
മഞ്ചേരിയില്‍ നിന്നും പെരിന്തല്‍മണ്ണയിലേക്കുള്ള യാത്രയ്ക്കിടെയാണ് ജസ്ലയെ ബൈക്കുകളിലെത്തിയ പൂവാല സംഘം പിന്തുടര്‍ന്നത്. ജസ്ല സഞ്ചരിച്ചിരുന്ന വാഹനത്തില്‍ ബൈക്ക് ഉപയോഗിച്ച് മനപ്പൂര്‍വ്വം ഇടിപ്പിക്കാനും ശ്രമമുണ്ടായി. ഏറെനേരം തന്നെ പിന്തുടര്‍ന്ന മൂവര്‍ സംഘം കേട്ടാലറയ്ക്കുന്ന അസഭ്യം പറഞ്ഞതായും ജസ്ല വീഡിയോയിലൂടെ വ്യക്തമാക്കുന്നു.
ബൈക്കില്‍ പിന്തുടര്‍ന്നെത്തി...
മഞ്ചേരിയില്‍ നിന്നും പെരിന്തല്‍മണ്ണയിലേക്കുള്ള യാത്രയ്ക്കിടെയാണ് കെഎസ്‌യു ജില്ലാ വൈസ് പ്രസിഡന്റും വിദ്യാര്‍ത്ഥിനിയുമായ ജസ്ലയെ പൂവാലസംഘം ശല്യം ചെയ്തത്. ജസ്ലയെ ബൈക്കില്‍ പിന്തുടര്‍ന്ന മൂന്നു പേരും, ജസ്ല സഞ്ചരിച്ചിരുന്ന വാഹനത്തില്‍ മനപ്പൂര്‍വ്വം ഇടിപ്പിക്കാനും ശ്രമിച്ചു.
നമ്പര്‍ നോട്ട് ചെയ്ത് പരാതി നല്‍കി...
ബൈക്കില്‍ തന്നെ പിന്തുടര്‍ന്ന സംഘം അസഭ്യം പറഞ്ഞതായും ജസ്ല വീഡിയോയിലൂടെ വ്യക്തമാക്കുന്നുണ്ട്. ഭയന്നു പോയ താന്‍ ബൈക്കിന്റെ നമ്പര്‍ കുറിച്ചെടുക്കുകയും യാത്രയ്ക്കിടെ മങ്കട പോലീസ് സ്‌റ്റേഷനില്‍ പരാതി നല്‍കുകയുമായിരുന്നെന്നാണ് ജസ്ല വീഡിയോയില്‍ പറയുന്നത്.
പ്രതികളെ പിടിച്ചതായി സന്ദേശം...
പരാതി നല്‍കിയ ശേഷം യാത്ര തുടര്‍ന്ന തനിക്ക് ഇരുപത് മിനിറ്റിനുള്ളില്‍ പ്രതികളെ പിടികൂടിയെന്ന സന്ദേശം മങ്കട പോലീസ് സ്‌റ്റേഷനില്‍ നിന്നും ലഭിച്ചെന്നും ജസ്ല പറയുന്നു.
പോലീസിന് അഭിനന്ദനം...
നടുറോഡില്‍ അപമാനിക്കപ്പെട്ട തന്റെ പരാതിയില്‍ കേരള പോലീസ് കാണിച്ച ജാഗ്രതയെ അഭിനന്ദിക്കാനാണ് ജസ്ല വീഡിയോ പോസ്റ്റ് ചെയ്തിരിക്കുന്നത്. തനിക്ക് ലഭിച്ച പരിഗണനയിലും, പോലീസിന്റെ ജാഗ്രതയെയും ഏറെ അഭിനന്ദിക്കുന്നുവെന്നാണ് ജസ്ല വീഡിയോയില്‍ പറയുന്നത്.
പ്രതികരിക്കണം...
ഇത്തരം സാഹചര്യങ്ങളുണ്ടായാല്‍ പെണ്‍കുട്ടികള്‍ പതറിപോകരുതെന്നും, വാഹനത്തിന്റെ നമ്പറും മറ്റും കുറിച്ചെടുത്ത് പരാതി നല്‍കുകയും പ്രതികരിക്കുകയും വേണമെന്നാണ് ജസ്ല മറ്റു പെണ്‍കുട്ടികള്‍ക്ക് നല്‍കുന്ന നിര്‍ദേശം.
മൂന്നു പേര്‍...
തന്നെ ശല്യം ചെയ്‌തെന്ന് കാണിച്ച ജസ്ല നല്‍കിയ പരാതിയില്‍ മൂന്ന് യുവാക്കളെയാണ് മങ്കട പോലീസ് കസ്റ്റഡിയിലെടുത്തത്. മലപ്പുറം വെള്ളില സ്വദേശികളായ ഷഫീഖ് അലി, നൗഫല്‍, അബ്ദുള്ള എന്നിവരാണ് കേസില്‍ പിടിയിലായ പ്രതികള്‍.
