കെഎസ് യുക്കാര് അധ്യാപകന്റെ പല്ല് അടിച്ചുകൊഴിച്ചു, കൈ ഒടിച്ചു
തിരുവനന്തപുരം: കെഎസ് യു പ്രവര്ത്തകര് അധ്യാപകന്റെ പല്ല് തല്ലിക്കൊഴിച്ചതായി പരാതി. അധ്യാപകന്റെ കൈ തല്ലി ഒടിയ്ക്കുകയും ചെയ്തിട്ടുണ്ട്. സംഭവത്തില് 12 കെഎസ് യു പ്രവര്ത്തകര്ക്കെതിരെ പോലീസ് കേസ് എടുത്തു.
കെഎസ് യുവിന്റെ സംസ്ഥാന വ്യാപക വിദ്യാഭ്യാസ ബന്ദിലാണ് അക്രമം ഉണ്ടായത്. കിളിമാനൂര് പള്ളിക്കല് ഗവണ്മെന്റ് ഹൈ സ്കൂളിലെ അധ്യാപകന് ആരിഫിനെ ആണ് ക്രൂരമായി മര്ദ്ദിച്ചത്.
അധ്യാപകനെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു. സ്കൂള് പിടിഎ പ്രസിഡന്റ് സുധീര്, മുന് പിടിഎ പ്രസിഡന്റ് ജാഫര്, പിടിഎം അംഗം ഹാഷിം എന്നിവരേയും കെഎസ് യു പ്രവര്ത്തകര് മര്ദ്ദിച്ചിട്ടുണ്ട്.
കെഎസ് യു സംസ്ഥാന പ്രസിഡന്റ് വിഎസ് ജോയ് ഉള്പ്പെടെയുള്ളവര്ക്ക് പോലീസ് മര്ദ്ദനം ഏറ്റതില് പ്രതിഷേധിച്ചായിരുന്നു വിദ്യാഭ്യാസ ബന്ദ്. സ്കൂളിലെ വിദ്യാര്ത്ഥികളല്ല അക്രമം നടത്തിയത് എന്നാണ് പറയുന്നത്. പുറത്ത് നിന്നെത്തിയ പ്രവര്ത്തകരാണ് ആക്രമണം നടത്തിയത് ഇവര്ക്കെതിരെയാണ് കേസ് എടുത്തിട്ടുള്ളത്.