ഇന്ത്യയിലെ ആദ്യത്തെ സാനിറ്ററി നാപ്കിൻ രഹിത ഗ്രാമം കേരളത്തിലെ കുമ്പളങ്ങി; അവൾക്കായി... അടിപൊളി

തിരുവനന്തപുരം: കേരളത്തിലെ എറണാകുളത്തെ കുമ്പളങ്ങി രാജ്യത്തെ ആദ്യത്തെ സാനിറ്ററി നാപ്കിൻ രഹിത ഗ്രാമം. കേരള ഗവർണർ ആരിഫ് മുഹമ്മദ് ഖാനാണ് പ്രഖ്യാപനം നടത്തിയത്. എറണാകുളം നിയോജക മണ്ഡലത്തിൽ നടക്കുന്ന അതുല്യമായ പ്രചാരണത്തിന്റെ ഭാഗമാണ് ഈ നേട്ടം.

പദ്ധതിയുടെ ഭാഗമായി 18 വയസും അതിൽ കൂടുതലുമുള്ള സ്ത്രീകൾക്ക് ആർത്തവ കപ്പുകൾ വിതരണം ചെയ്തു. ആകെ 5000 മെൻസ്ട്രൽ കപ്പുകളാണ് വിതരണം ചെയ്യാൻ എത്തിയത്.

എറണാകുളം പാർലമെന്റ് മണ്ഡലത്തിൽ നടപ്പാക്കുന്ന 'അവൾക്കായി' പദ്ധതിയുടെ ഭാഗമായാണ് പദ്ധതി നടപ്പാക്കുന്നതെന്ന് എം പി ഹൈബി ഈഡൻ പറഞ്ഞു. ഇതിന് പുറമെ, എച്ച്‌ എൽ എൽ മാനേജ്‌മെന്റ് അക്കാദമി അവരുടെ 'തിങ്ങൾ' സ്കീമിലൂടെയും ഇന്ത്യൻ ഓയിൽ കോർപ്പറേഷനിലൂടെയും സഹകരണത്തോടെ പങ്ക് ചേർന്നാണ് ഈ പദ്ധതി.

അതേ സമയം, കുമ്പളങ്ങിയെ മാതൃകാ ഗ്രാമമായി ഗവർണർ പ്രഖ്യാപിച്ചു. പ്രധാന മന്ത്രി സൻസദ് ആദർശ് ഗ്രാം യോജന വഴിയാണ് മാതൃകാ ഗ്രാമം പദ്ധതി നടപ്പിലാക്കുന്നത്. എന്നാൽ, കൊച്ചിയിലെ വിനോദ സഞ്ചാരികളുടെ പ്രധാന ആകർഷണങ്ങളിൽ ഒന്നായ കുമ്പളങ്ങിയിൽ പുതിയ ടൂറിസ്റ്റ് ഇൻഫർമേഷൻ സെന്റർ കൂടി സ്ഥാപിക്കും എന്നാണ് വിവരം. ഇന്ത്യയിലെ ആദ്യത്തെ മാതൃകാ വിനോദ സഞ്ചാര ഗ്രാമം എന്ന പദവിയും ഇതിനുണ്ട്.

English summary

Kumbalangi is the first sanitary napkin free village in India; the reports are here