കേരള യാത്രയ്ക്ക് ബിജെപിയും; കുമ്മനം രാജശേഖരന് നയിക്കും
തിരുവനന്തപുരം: സിപിഎം, കോണ്ഗ്രസ്, മുസ്ലീംലീഗ് രാഷ്ട്രീയ പാര്ട്ടികളുടെ പിന്നാലെ കേരള യാത്ര നടത്താന് ബിജെപിയും തയ്യാറെടുക്കുന്നു. ബിജെപിയുടെ പുതിയ സംസ്ഥാന പ്രസിഡന്റ് കുമ്മനം രാജശേഖരന്റെ നേതൃത്വത്തില് യാത്ര നടത്താന് ബിജെപി കോര്കമ്മിറ്റി യോഗത്തിലാണ് തീരുമാനിച്ചത്. യാത്രയുടെ പേരും തീയതിയും പിന്നീട് പ്രഖ്യാപിക്കും.
വരാനിരിക്കുന്ന നിയമസഭാ തെരഞ്ഞെടുപ്പില് ശക്തിപ്രകടിപ്പിക്കാനുള്ള ലക്ഷ്യത്തോടെയാണ് ബിജെപിയും യാത്രയ്ക്ക് തയ്യാറെടുക്കുന്നത്. ആര്എസ്എസ്സിന്റെ നിര്ദ്ദേശവും കേരളയാത്രയ്ക്ക് പിന്നിലൂണ്ടാന്നാണ് സൂചന. നിയമസഭാ തെരഞ്ഞെടുപ്പില് ബിജെപിയുടെ മുതിര്ന്ന നേതാക്കള് മത്സരിക്കാനും കോര് കമ്മറ്റി യോഗത്തില് തീരുമാനമായിട്ടുണ്ട്.
അതേസമയം, സംഘടനയുടെ പുതിയ ഭാരവാഹികളെ തെരഞ്ഞെടുക്കുന്നത് സംബന്ധിച്ച് നേതാക്കള്ക്ക് സമവായത്തിലെത്താന് കഴിഞ്ഞില്ല. ആര്എസ്എസ് നേതാക്കളെ സംഘടനയില് ഉള്പ്പെടുത്താനുള്ള ശ്രമത്തെ വി മുരളീധരന് പക്ഷവും പികെ കൃഷ്ണദാസ് പക്ഷവും എതിര്ത്തതോടെ ഭാരവാഹി തെരഞ്ഞെടുപ്പ് നിയമസഭാ തെരഞ്ഞെടുപ്പിന് ശേഷം മതിയെന്ന തീരുമാനത്തിലെത്തി.
സംസ്ഥാനത്തെ രാഷ്ട്രീയ പാര്ട്ടികള് ബിജെപിക്ക് അയിത്തം കാട്ടുന്നത് തുറന്നുകാട്ടിയാകും കുമ്മനം രാജശേഖരന്റെ യാത്ര. കടുത്ത വര്ഗീയ നിലപാടുകള് ഒഴിവാക്കി എല്ലാവിഭാഗക്കാരോടും സമവായത്തിലെത്താനും പാര്ട്ടി തീരുമാനിച്ചിട്ടുണ്ട്. ന്യൂനപക്ഷ വോട്ടുകള് ഏതെങ്കിലും ഒരു മുന്നണിക്കുമാത്രമായി പോകുന്നത് തടയുകയാണ് ബിജെപിയുടെ ലക്ഷ്യം.