വിജയന് കാരന്തൂരിന്റെ ചികിത്സയ്ക്ക് നാടൊന്നിക്കുന്നു; ധനസമാഹരണം നടത്തി കുന്ദമംഗലം മസ്ജിദ്
കോഴിക്കോട്: നടന് വിജയന് കാരന്തൂരിന്റെ ചികിത്സാര്ത്ഥം ധന സമാഹരണം നടത്തി കുന്ദമംഗലം മസ്ജിദുല് ഇഹ്സാന് മഹല്ല് കമ്മിറ്റി. കരള് രോഗത്തിന് ചികിത്സ തേടുന്ന നടന് വിജയന് കാരന്തൂര് അടുത്തിടെ സഹായം അഭ്യര്ത്ഥിച്ച് സോഷ്യല് മീഡിയയില് പോസ്റ്റ് പങ്കുവെച്ചിരുന്നു.
ഇതിന് പിന്നാലെയാണ് വിജയന് കാരന്തൂരിന് സഹായിക്കാനായി കുന്ദമംഗലം മസ്ജിദുല് ഇഹ്സാന് മഹല്ല് കമ്മിറ്റി മുന്നോട്ട് വന്നത്. മഹല്ല് കമ്മിറ്റിയുടെ നേതൃത്വത്തില് വെള്ളിയാഴ്ചത്തെ ജുമുഅ നമസ്കാരത്തിന് ശേഷമായിരുന്നു വിജയന് കാരന്തൂരിനായി ധനസമാഹരണം നടന്നത്.
വിജയന് കാരന്തൂര് കരള് മാറ്റി വെക്കുന്നതിനും ചികിത്സക്കും സോഷ്യല് മീഡിയയിലൂടെ സഹായമഭ്യര്ത്ഥിച്ചിരുന്നു. പോസ്റ്റ് ശ്രദ്ധയില്പ്പെട്ട പള്ളി കമ്മിറ്റി വിഷയം ചര്ച്ച ചെയ്തു. പിന്നീട് വെള്ളിയാഴ്ച ധനസമാഹരണം നടത്താം എന്ന് തീരുമാനിക്കുകയും ചെയ്യുകയായിരുന്നു. ഇതാദ്യമായാണ് വിജയന് കാരന്തൂരിനായി ഒരു പള്ളിക്കമ്മിറ്റി വിഷയത്തില് ഇടപെടുന്നത്.
വിജയന് കാരന്തൂരിന്റെ ചികിത്സാ സഹായത്തിന് വേണ്ടി അഡ്വ. പി ടി എ റഹീം എം എല് എയുടെ നേതൃത്വത്തില് നാട്ടുകാര് ഒരു കമ്മിറ്റിയും രൂപീകരിച്ചിട്ടുണ്ട്. കഴിഞ്ഞ അഞ്ച് വര്ഷമായി കരള് രോഗത്തിന് ചികിത്സയിലാണ് വിജയന് കാരന്തൂര്. ഇതിനിടെ മൂന്ന് മാസം മുമ്പ് രണ്ടാം തവണയും കൊവിഡ് ബാധിതനായി. ഇതിന് പിന്നാലെ വിജയന് കാരന്തൂരിന്റെ രോഗം മൂര്ച്ഛിക്കുകയായിരുന്നു.
മരം എന്ന സിനിമയിലൂടെ ആണ് വിജയന് കാരന്തൂര് മലയാള സിനിമയിലേക്ക് എത്തുന്നത്. പിന്നീട് നിരവധി സിനിമകളില് ചെറുതെങ്കിലും ശ്രദ്ധിക്കപ്പെടുന്ന വേഷങ്ങള് ചെയ്തു. വേഷം, ചന്ദ്രോത്സവം, വാസ്തവം, ഇയ്യോബിന്റെ പുസ്തകം, മായാവി, നസ്രാണി, പാലേരി മാണിക്യം, രാജമാണിക്യം, സാള്ട്ട് ആന്ഡ് പെപ്പര്, അണ്ടര് വേള്ഡ് തുടങ്ങി നിരവധി ചിത്രങ്ങളിലെ പ്രകടനം ശ്രദ്ധിക്കപ്പെട്ടു. സിനിമകള്ക്ക് പുറമെ നാടകങ്ങളിലൂടെയും വിജയന് കാരന്തൂര് ശ്രദ്ധ നേടിയിട്ടുണ്ട്. രോഗവിവരം അറിയിച്ച് കൊണ്ട് വിജയന് കാരന്തൂര് ഫേസ്ബുക്കില് പങ്കുവെച്ച കുറിപ്പ് വായിക്കാം
പ്രിയപ്പെട്ടവരേ , കഴിഞ്ഞ അഞ്ചു വര്ഷമായി ഞാന് ഗുരുതരമായ കരള് രോഗത്താല് ബുദ്ധിമുട്ടനുഭവിച്ചു വരികയാണ്. ചികിത്സക്കായി നല്ലൊരുതുക ചെലവിടേണ്ടിയും വന്നു. കഴിഞ്ഞ മൂന്നു മാസമായി രോഗം മൂര്ദ്ധന്യാവസ്ഥയിലാണ്. ലിവര് ട്രാന്സ് പ്ലാന്റേഷന് മാത്രമാണ് ഏക പോംവഴി. ഒരു കരള് ദാതാവിനെ കണ്ടെത്തുക എന്ന ഏറെ ശ്രമകരമായ ദൗത്യത്തില് . തട്ടി എന്റെ ശുഭാപ്തിവിശ്വാസം തകര്ന്നടിയുന്നു. ആയതിനാല് ഇത് സ്വന്തം കാര്യമായെടുത്തു കൊണ്ടു ഒരു ദാതാവിനെ കണ്ടെത്താന് എന്നെ സഹായിക്കുകയും, എന്നെ ജീവിതത്തിലേക്കു തിരിച്ചു കൊണ്ടുവരികയും ചെയ്യണമെന്ന് നിറകണ്ണുകളോടെ ഞാനപേക്ഷിക്കുന്നു ..
-
സ്വര്ണം കുതിച്ചപ്പോള് ജ്വല്ലറികള്ക്കും പണികിട്ടി.. വ്യാപാരം നഷ്ടത്തിലേക്ക്? വാങ്ങാനാളില്ല -
ഒരു പവന് 1.50 ലക്ഷം ഉറപ്പിച്ചു..! വില കുറയില്ല, സ്വര്ണ പ്രവചനങ്ങളെല്ലാം തിരുത്തി ബാങ്ക് ഓഫ് അമേരിക്ക -
ലോക്കറിലെ സ്വര്ണം നഷ്ടപ്പെട്ടാല് ബാങ്കിന് ഉത്തരവാദിത്തമില്ല!? ആര്ബിഐ പറയുന്നതിങ്ങനെ -
സ്വർണ വില 70000 ത്തിലേക്ക് വരെ താഴും, ഇക്കാര്യം സംഭവിച്ചാൽ പിന്നെ പൊന്ന് വീഴും; സാമ്പത്തിക വിദഗ്ധ പറയുന്നു -
പുതിയ സുഹൃത്ത് മുഖേന ജീവിതത്തില് മാറ്റം, കയ്യില് പണം തങ്ങുകയില്ല, തൊഴില്പരമായി ശത്രുക്കള് കൂടും, നാൾഫലം -
സൂര്യൻ മൂന്ന് തവണ ദിശ മാറും; ഈ രാശിക്കാർ സമ്പത്തിൽ ആറാടും, പ്രണയ ജീവിതത്തിലെ വെല്ലുവിളി തീരും! -
ഈ നാളുകാരെ സ്വർണം തേടിവരും, ഏര്പ്പെടുന്ന കാര്യങ്ങളില് വിജയം, സാമ്പത്തികാഭിവൃദ്ധി, ഇന്നത്തെ നാൾഫലം -
ബെംഗളൂരുകാർക്ക് സന്തോഷ വാർത്ത; വിമാനത്താവളത്തിലേക്ക് 8.5 കി.മീ സബർബൻ റെയിൽ പാത, ചിലവ് 4100 കോടി! -
സ്വർണ വില കുതിപ്പിൽ പണികിട്ടി വ്യാപാരികളും; കനത്ത നഷ്ടം..ഇനിയെന്ത് ചെയ്യുമെന്ന് കച്ചവടക്കാർ -
സ്വർണ വില ഇന്ത്യയിൽ കുത്തനെ വീഴുമോ? ആ നിർണായക പ്രഖ്യാപനം ഉണ്ടായാൽ ആശ്വാസം;കേന്ദ്രം കനിഞ്ഞാൽ.. -
പേളി മാണിയോ, ദിയ കൃഷ്ണയോ ഒന്നുമല്ല. പ്രശ്നം "Boss Lady Syndrome" ആണ്; പ്രതികരിച്ച് നടി സരിത ബാലകൃഷ്ണൻ -
ക്രിസ്മസ് ന്യൂ ഇയര് ബമ്പര് ഫലം Live: 20 കോടി ഈ ടിക്കറ്റിന്..! ആരാണാ ഭാഗ്യശാലി
Click it and Unblock the Notifications
Sign in with Google