കുണ്ടറ പീഡനം: കൂട്ടുനിന്നത് മുത്തശ്ശി!! അറസ്റ്റ് ഉടന്‍....നിര്‍ണായകമായത് ഈ മൊഴി...

മരിച്ച സഹോദരിയുടെ മൊഴിയാണ് അറസ്റ്റിനു കാരണം

കൊല്ലം: കുണ്ടറയില്‍ ആറാം ക്ലാസുകാരി പീഡനത്തിന് ഇരയായി ആത്മഹത്യ ചെയ്ത കേസില്‍ കുട്ടിയുടെ മുത്തശ്ശിയെ ഉടന്‍ അറസ്റ്റ് ചെയ്യും. പേരക്കുട്ടിയെ പീഡിപ്പിക്കാന്‍ ഇവര്‍ ഭര്‍ത്താവിനു ഒത്താശ ചെയ്തതായും പോലീസ് അന്വേഷണത്തില്‍ തെളിഞ്ഞിട്ടുണ്ട്. ഇവരെ അറസ്റ്റ് ചെയ്ത് ചോദ്യം ചെയ്താല്‍ കൂടുതല്‍ കാര്യങ്ങള്‍ അറിയാനാവുമെന്ന പ്രതീക്ഷയിലാണ് അന്വേഷണസംഘം. അഗതി മന്ദിരത്തിലാണ് മുത്തശ്ശി ഇപ്പോള്‍ താമസിക്കുന്നത്.

നേരത്തേ പ്രതിയായ സ്വന്തം ഭര്‍ത്താവിനെ പിടികൂടാന്‍ സഹായിച്ചത് മുത്തശ്ശിയുടെ മൊഴിയായിരുന്നു. പേരക്കുട്ടിയെ പ്രതി പീഡിപ്പിക്കുന്നത് താന്‍ കണ്ടിട്ടുണ്ടെന്നും ഇവര്‍ പറഞ്ഞിരുന്നു.

പെണ്‍കുട്ടിയുടെ അമ്മയെയും മൂത്ത സഹോദരിയെയും കേസില്‍ സാക്ഷികളാക്കാന്‍ പോലീസ് തീരുമാനിച്ചിട്ടുണ്ട്. സഹോദരിയുടെ മൊഴിയാണ് മുത്തശ്ശിയിലേക്കും സംശയം നീളാന്‍ കാരണമായത്.

മനശാസ്ത്ര വിദഗ്ധരുടെ നേതൃത്വത്തിലാണ് മൂത്ത കുട്ടിയെ പോലീസ് ചോദ്യം ചെയ്തത്. അനിയത്തിയെ മുത്തച്ഛന്‍ പീഡിപ്പിച്ചിരുന്ന കാര്യം മുത്തശ്ശിക്കും അമ്മയ്ക്കും അറിയാമായിരുന്നുവെന്ന് പെണ്‍കുട്ടി മൊഴി നല്‍കുകയായിരുന്നു.

മരിച്ച ആറാം ക്ലാസുകാരിയുടെ ബന്ധുവായ മറ്റൊരു പെണ്‍കുട്ടിയെയും പ്രതി പീഡിപ്പിച്ചിരുന്നതായി തെളിഞ്ഞിട്ടുണ്ട്. 13 കാരിയാണ് പല വിധ പ്രലോഭനങ്ങളും നല്‍കി മൂന്നു വര്‍ഷത്തോളമായി തന്നെ പ്രതി പീഡിപ്പിക്കുന്ന കാര്യം മൊഴി നല്‍കിയത്.

തന്നെ രാജകുമാരിയെപ്പോലെ വിവാഹം ചെയ്തു വിടാമെന്നും പത്തു ലക്ഷം രൂപ നിക്ഷേപമായി ബാങ്കില്‍ ഇട്ടു തരാമെന്നും പ്രതി വാഗ്ദാനം ചെയ്തയായി ഈ കുട്ടി വെളിപ്പെടുത്തി.

English summary

kundara rape case the girl's grand mother to be arrested soon.