Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
കുവൈറ്റ് വയനാട് അസോസിയേഷന്‍ പ്രൊജക്ട് വിദ്യാകിരണ്‍: നിര്‍ധന വിദ്യാര്‍ഥികള്‍ക്ക് പഠനസഹായം നല്‍കി
കല്‍പ്പറ്റ: കുവൈറ്റ് വയനാട് അസോസിയേഷന്റെ പ്രൊജക്ട് വിദ്യാകിരണ്‍ പദ്ധതി പ്രകാരം നിര്‍ധന വിദ്യാര്‍ഥികള്‍ക്ക് പഠനസഹായം വിതരണം ചെയ്തു. കുവൈത്തില്‍ ജോലി ചെയ്തുവരുന്ന വയനാട്ടിലെ പ്രവാസികളുടെ സംഘടനയായ കുവൈത്ത് വയനാട് അസോസിയേഷന്‍ (കെ ഡബ്ല്യു എ) കഴിഞ്ഞ ഏതാനും വര്‍ഷങ്ങളായി ജില്ലയിലെ നിര്‍ധന വിദ്യാര്‍ഥികള്‍ക്ക് പഠനസഹായം നല്‍കിവരുന്നുണ്ട്.
പ്രസ്തുത പദ്ധതി ഈ വര്‍ഷവും വിപുലമായി തന്നെ നടപ്പിലാക്കിയിട്ടുണ്ട്. കല്‍പ്പറ്റ മുനിസിപ്പല്‍ ഹാളില്‍ നടന്ന യോഗത്തില്‍ സികെ ശശീന്ദ്രന്‍ എം.എല്‍.എ.ഉദ്ഘാടനം ചെയ്തു. കുവൈറ്റ് വയനാട് അസോസിയേഷന്‍ വയനാട്ടില്‍ ചെയ്യുന്ന എല്ലാ ജീവകാരുണ്യ പ്രവര്‍ത്തനങ്ങളേയും അനുമോദിക്കുകയും ഭാവി പ്രവര്‍ത്തനങ്ങള്‍ക്കും പിന്തുണയും എംഎല്‍എ പ്രഖ്യാപിച്ചു.
വിദേശത്ത് ജോലി ചെയ്ത് തിരിച്ചു വരുന്ന വയനാട് പ്രവാസികള്‍ക്ക് എല്ലാവിധ സഹായങ്ങളും വാഗ്ദാനം ചെയ്യുന്നതായും അദ്ദേഹം കൂട്ടിച്ചേര്‍ത്തു. കണ്‍വീനര്‍ റോയ് മാത്യു അധ്യക്ഷത വഹിച്ച ചടങ്ങില്‍ കുവൈത്ത് വയനാട് അസോസിയേഷന്‍ അഡൈ്വസറി ബോര്‍ഡ് മെമ്പര്‍ ജലീല്‍ വാരാമ്പറ്റ സ്വാഗതം പറഞ്ഞു. കുവൈത്ത് വയനാട് അസോസിയേഷന്‍ അംഗം കെ.സിദ്ദീഖ് എം എല്‍ എക്ക് മൊമെന്റോ നല്‍കി ആദരിച്ചു. തുടര്‍ന്ന് ഐ.സി.ബാലകൃഷ്ണന്‍ എം.എല്‍.എ.ആശംസകള്‍ അറിയിച്ച് സംസാരിക്കുകയും എല്ലാ വിധ പിന്തുണയും അറിയിക്കുകയും ചെയ്തു. ജില്ലാ പഞ്ചായത്ത് പ്രസിഡന്റ് കെ.മിനി കുട്ടികള്‍ക്കുള്ള പഠനോപകരണ വിതരണം ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍,കെ.എസ്.ആര്‍.ടി.സി.ഡയറക്ടര്‍ ബോര്‍ഡ് മെമ്പര്‍ സി.എം.ശിവരാമന്‍,ജി.കെ.പി.എ കേരള വൈസ് പ്രസിഡന്റ് സാജിദ് വൈത്തിരി,വന്ദന ഷാജു (സാമൂഹിക പ്രവര്‍ത്തകന്‍) എന്നിവര്‍ ആശംസകള്‍ അര്‍പ്പിച്ച് സംസാരിച്ചു. ചടങ്ങില്‍ എസ്.എസ്.എല്‍.സി.പരീക്ഷയില്‍ എല്ലാ വിഷയത്തിനും എ പ്ലസ് നേടിയ കുവൈത്ത് വയനാട് അസോസിയേഷന്‍ കുടുംബാംഗം ഷമീല പടിഞ്ഞാറത്തറയെ ആദരിക്കുകയും ചെയ്തു. അസോസിയേഷന്‍ ഓഡിറ്റര്‍ കെ.ഷറഫുദ്ദീന്‍ വള്ളി നന്ദി പറഞ്ഞു.
