ബിജെപിയിലേക്ക് പോവാന് ടോം വടക്കനല്ല കെവി തോമസെന്ന് സുധാകരന്: സോണിയ വരക്കുന്നിടത്ത് അദ്ദേഹം വരും
കണ്ണൂര്: സീറ്റ് നിഷേധിക്കപ്പെട്ടതിന്റെ പേരില് ബിജെപിയിലേക്ക് പോകാന് ടോം വടക്കനല്ല കെവി തോമസെന്ന് കണ്ണൂരിലെ യുഡിഎഫ് സ്ഥാനാര്ത്ഥിയും കെപിസിസി വര്ക്കിങ് പ്രസിഡന്റുമായ കെ സുധാകരന്. കെ വി തോമസിന് സീറ്റ് നിഷേധിച്ച സംഭവത്തിൽ പ്രതികരിക്കുകയായിരുന്ന കെ സുധാകരന്.
ഗോവയില് നാടകീയ നീക്കവുമായി കോണ്ഗ്രസ്; സര്ക്കാര് രൂപീകരിക്കാന് അവകാശവുമായി ഗവര്ണര്ക്ക് കത്ത്
കെവി തോമസിനെപ്പോലെ മുതിര്ന്നൊരു നേതാവിനെ സ്ഥാനാര്ത്ഥിത്വത്തില് നിന്ന് മാറ്റി നിര്ത്താനുള്ള തീരുമാനം പാര്ട്ടിക്ക് അല്പംകൂടി നല്ല രീതിയില് കൈകാര്യം ചെയ്യാമായിരുന്നു. സീറ്റില്ലെന്ന കാര്യം ആദ്ദേഹത്തെ നേരത്തെ അറിയിക്കണമായിരുന്നു.
സോണിയ ഗാന്ധി വരച്ച വരയിൽ കെ വി തോമസ് വരും. മാനസിക പ്രയാസം മൂലമാണ് അദ്ദേഹം ഇന്നലെ നേതൃത്വത്തിനെതിരെ പൊട്ടിത്തെറിച്ചതെന്നും സുധാകരന് കൂട്ടിച്ചേര്ത്തു.
കെവി തോമസ് കോണ്ഗ്രസിനൊപ്പം അടിയുറച്ച് നില്ക്കുമെന്ന് തന്നെയാണ് ഉമ്മന്ചാണ്ടിയും വ്യക്തമാക്കുന്നത്. പാര്ട്ടിയുടെ മുതിര്ന്ന നേതാവായ അദ്ദേഹം എന്നും കോണ്ഗ്രസിനെ സഹായിച്ചുണ്ട്. ഉന്നത സ്ഥാനങ്ങളില് ഇരുന്നുകൊണ്ട് ഇനിയും സഹകരിക്കും.
കോണ്ഗ്രസിന്റെ സംസ്ഥാന ഘടകത്തിലും കേന്ദ്ര ഘടകത്തിലും പ്രവര്ത്തിച്ച വ്യക്തിയാണ് അദ്ദേഹം. അങ്ങനെ വളരെയേറെ സംഭാവന കോണ്ഗ്രസിനും ജനങ്ങള്ക്കും നല്കിയ അദ്ദേഹത്തിന്റെ പ്രവര്ത്തനം കോണ്ഗ്രസിനൊപ്പം തന്നെയായിരിക്കുമെന്നും ഉമ്മന്ചാണ്ടി വ്യക്തമാക്കി.