Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
തോട്ടം സമരം ഒത്തുതീരുന്നു; മിനിമം വേതനം വര്‍ധിപ്പിച്ചു
തിരുവനന്തപുരം: സംസ്ഥാനത്തെ തോട്ടം തൊഴിലാളികളുടെ മിനിമം വേതനം വര്‍ധിപ്പിക്കാന്‍ തീരുമാനിച്ചതോടെ മൂന്നാറില്‍ ദിവസങ്ങളായി നടന്നുവരുന്ന സമരം ഒത്തുതീരുന്നു. തിരുവനന്തപുരത്ത് നടന്ന പിഎല്‍സി യോഗത്തില്‍ കൂലി വര്‍ധനയില്‍ സമവായത്തില്‍ എത്തിയതോടെ ട്രേഡ് യൂണിയനുകള്‍ സമരം പിന്‍വലിച്ചു കഴിഞ്ഞു. പൊമ്പിള ഒരുമൈ സമരം അടുത്തദിവസം തന്നെ ഒത്തുതീരുമെന്നാണ് പ്രതീക്ഷിക്കുന്നതെന്ന് സര്‍ക്കാര്‍ വൃത്തങ്ങള്‍ അറിയിച്ചു.
തേയില നുള്ളുന്ന തൊഴിലാളികള്‍ക്ക് 301 രൂപ മിനിമം വേതനം നല്‍കാനാണ് ധാരണയായത്. നേരത്തെ ഇത് 232 രൂപയായിരുന്നു. 69 രൂപയാണ് വര്‍ധനവ്. അതേസമയം, നേരത്തെ 21 കിലോഗ്രാം തേയില എന്നത് 25 കിലോഗ്രാം നുള്ളേണ്ടിവരും. റബ്ബര്‍ ടാപ്പിങ് മേഖലയിലെ കൂലിയും വര്‍ധിപ്പിച്ചിട്ടുണ്ട്. നേരത്തെ 317 രൂപയായിരുന്നത് 381 രൂപയാക്കിയാണ് വര്‍ധിപ്പിച്ചത്.
ഏലം തൊഴിലാളികളുടെ മിനിമം കൂലി 267 രൂപയില്‍ നിന്ന് 325 രൂപയാക്കാനും മുഖ്യമന്ത്രി ഉമ്മന്‍ ചാണ്ടിയുടെ അധ്യക്ഷതയില്‍ ചേര്‍ന്ന പ്ലാന്റേഷന്‍ ലേബര്‍ കമ്മിറ്റി യോഗത്തില്‍ തീരുമാനമായി. നേരത്തെ നടന്ന ചര്‍ച്ചകളില്‍ കൂല വര്‍ധനവില്‍ തോട്ടം മാനേജ്‌മെന്റ് കടുംപിടുത്തം പിടിച്ചതോടെ ചര്‍ച്ച അലസുകയായിരുന്നു. സര്‍ക്കാര്‍ കടുത്ത നടപടിക്കൊരുങ്ങുമെന്ന മുന്നറിയിപ്പു വന്നതോടെയാണ് മാനേജ്‌മെന്റ് വഴങ്ങിയത്.
തോട്ടം തൊഴിലാളികള്‍ നേരിടുന്ന മറ്റു പ്രശ്‌നങ്ങള്‍ പരിഹരിക്കാന്‍ ചര്‍ച്ച തുടരുമെന്ന് മുഖ്യമന്ത്രി അറിയിച്ചിട്ടുണ്ട്. പ്രശ്‌നങ്ങള്‍ പഠിക്കാന്‍ ഏകാംഗ കമ്മിഷനെ നിയമിക്കാനാണ് തീരുമാനം. കമ്മീഷന്‍ റിപ്പോര്‍ട്ട് വന്നശേഷം മറ്റു ആനുകൂല്യങ്ങള്‍ നല്‍കുന്നകാര്യത്തില്‍ മുഖ്യമന്ത്രി ഉറപ്പു നല്‍കിയിട്ടുണ്ട്.
