Click it and Unblock the Notifications
Just In
Don't Miss
-
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്‍കും ഗുണം -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
മുദ്രപത്രങ്ങളുടെയും റവന്യൂ സ്റ്റാംപിന്റെയും ക്ഷാമം രൂക്ഷം; 50, 100 രൂപയ്ക്ക് പകരം 500 രൂപ മുദ്രപത്രം
കൊച്ചി: മുദ്രപത്രങ്ങളുടെയും റവന്യൂ സ്റ്റാംപിന്റെയും ക്ഷാമം രൂക്ഷമായി തുടരുന്നു. 50, 100 രൂപ മുദ്രപത്രങ്ങള്‍ കിട്ടാത്തതിനാല്‍ 500 രൂപയുടേതു വാങ്ങി ഉപയോഗിക്കേണ്ട ഗതികേടിലാണ് ആളുകള്‍. റവന്യു സ്റ്റാംപിനും കടുത്ത ക്ഷാമമാണ് നേരിടുന്നത്. എറണാകുളം ജില്ലയിലെ ഒട്ടുമിക്ക വെണ്ടര്‍മാരും 100, 50 രൂപയുടെ മുദ്രപത്രങ്ങള്‍ കിട്ടാനില്ലെന്നു പറയുന്നു. 200 രൂപയുടെ മുദ്രപത്രത്തിനു 10 രൂപയുടെ 10 മുദ്രപത്രങ്ങള്‍ നല്‍കുകയാണ് ഇപ്പോള്‍ ചെയ്യുന്നത്. എറണാകുളം ജില്ലയില്‍ ഏറ്റവും കൂടുതല്‍ ഉപയോഗിക്കുന്നതു 50, 100 രൂപയുടെ മുദ്രപത്രങ്ങളാണ്. ഇവയ്ക്കു കടുത്ത ക്ഷാമം നേരിടുന്നതു മൂലം സാധാരണക്കാര്‍ ബുദ്ധിമുട്ടിലാണ്. മാസങ്ങളായി തുടരുന്ന സ്ഥിതി റിയല്‍ എസ്റ്റേറ്റ് മേഖലയെ രൂക്ഷമായി ബാധിച്ചിട്ടുണ്ട്.
നാസിക്കിലെ സെന്‍ട്രല്‍ സ്റ്റാംപ് ഡിപ്പോയിലാണ് മുദ്രപത്രങ്ങള്‍ അച്ചടിക്കുന്നത്. പഴയ 500, 1000 രൂപയുടെ നോട്ടുകള്‍ പിന്‍വലിച്ചതിനു ശേഷം നാസിക് പ്രസില്‍ മുദ്രപത്രങ്ങളുടെ അച്ചടി കുറഞ്ഞതാണ് ഇപ്പോഴത്തെ പ്രതിസന്ധിക്കു കാരണം. 10, 20, 500 രൂപയുടെ മുദ്രപത്രങ്ങള്‍ക്കു വലിയ ക്ഷാമമില്ലെന്ന് അധികൃതര്‍ പറയുന്നു. ക്ഷാമം രൂക്ഷമായതോടെ 10 രൂപയുടെ മുദ്രപത്രത്തിന്റെ വാല്യു 100 രൂപയായി ഉയര്‍ത്തി സര്‍ക്കാര്‍ ഉത്തരവിട്ടെങ്കിലും കാര്യമായ ഫലമുണ്ടായിട്ടില്ല. കുറഞ്ഞ മുദ്രപത്രങ്ങളുടെ വിതരണത്തില്‍ വെണ്ടര്‍മാര്‍ താല്‍പര്യം കാണിക്കുന്നില്ലെന്നും ആക്ഷേപം ഉയര്‍ന്നിട്ടുണ്ട്. നാസിക്കിലെ ഡിപ്പോയില്‍ നിന്നു തിരുവനന്തപുരത്തെ സ്റ്റാംപ് ഡിപ്പോയില്‍ എത്തിക്കുന്ന മുദ്രപത്രങ്ങള്‍ ട്രഷറികള്‍ വഴിയാണു വെന്‍ഡര്‍മാര്‍ക്കു വിതരണം ചെയ്യുന്നത്. റവന്യു സ്റ്റാംപ് കിട്ടാത്തതിനാല്‍ പണ സംബന്ധമായ ഇടപാടുകള്‍ക്കും താളം തെറ്റി.
വെണ്ടര്‍മാര്‍ കൃത്രിമ ക്ഷാമം സൃഷ്ടിക്കുകയാണോ എന്നും സംശയം ഉയര്‍ന്നിട്ടുണ്ട്. ക്ഷാമം മുതലെടുത്തു 10, 20 രൂപയുടെ മുദ്രപത്രങ്ങള്‍ വിതരണം ചെയ്യാന്‍ ചില വെണ്ടര്‍മാര്‍ ശ്രമിക്കുന്നുണ്ട്. മറ്റു ചില വെണ്ടര്‍മാര്‍ മുദ്രപത്രങ്ങള്‍ മൊത്തമായി ബാങ്കുകള്‍ക്ക് നല്‍കും. ഇക്കാര്യം ട്രഷറി വകുപ്പ് പരിശോധിക്കുന്നുണ്ട്. നാസിക്കില്‍ മുദ്രപത്രങ്ങളുടെ അച്ചടി വീണ്ടും സജീവമായിട്ടുണ്ട്. തിരുവനന്തപുരം സ്റ്റാംപ് ഡിപ്പോ അധികൃതര്‍ വൈകാതെ നാസിക്കില്‍ എത്തി ആവശ്യത്തിനു മുദ്രപത്രങ്ങളും റവന്യു സ്റ്റാംപും ലഭ്യമാക്കാന്‍ നടപടിയെടുക്കുമെന്ന് ബന്ധപ്പെട്ടവര്‍ അറിയിച്ചു.
