ഗ്യാസ് സ്റ്റൗവ്വില് നിന്ന് തീപടര്ന്ന് പൊള്ളലേറ്റ് ചികിത്സയിലായിരുന്ന യുവതി മരിച്ചു
കാസര്കോട്: ഗ്യാസ് സ്റ്റൗവ്വില് നിന്ന് തീപടര്ന്ന് പൊള്ളലേറ്റ് മംഗളൂരുവിലെ ആസ്പത്രിയില് ചികിത്സയിലായിരുന്ന യുവതി മരിച്ചു. മൊഗ്രാല്പുത്തൂര് കുന്നില് ഗസ്റ്റ് ഹൗസിന് സമീപത്തെ ഗള്ഫുകാരന് ബി.എസ് നസീറിന്റെ ഭാര്യ ബുസൈല(25)യാണ് മരിച്ചത്.
നവംബര് 22ന് രാത്രിയാണ് അപകടമുണ്ടായത്. പാചകം ചെയ്യുന്നതിനിടെ ഗ്യാസ് സ്റ്റൗവ്വില് നിന്ന് ബുസൈലയുടെ മാക്സിയിലേക്ക് തീ പടരുകയായിരുന്നു. ഗുരുതരമായി പൊള്ളലേറ്റ ബുസൈലയെ മംഗളൂരുവിലെ ആസ്പത്രിയില് പ്രവേശിപ്പിച്ചു. പിന്നീട് കാസര്കോട്ടെ സ്വകാര്യാസ്പത്രിയിലേക്ക് മാറ്റി. നില വഷളായതിനാല് രണ്ടാഴ്ച മുമ്പ് മംഗളൂരു ഫാദര് മുള്ളേര്സ് ആസ്പത്രിയിലേക്ക് വീണ്ടും മാറ്റുകയായിരുന്നു. ഇന്നലെ വൈകിട്ടാണ് മരിച്ചത്. ഏഴ് വയസ്സുള്ള ലിനയും രണ്ട് വയസ്സുള്ള ഷഹറാസുമാണ് മക്കള്.
കാസര്കോട് ഫോര്ട്ട് റോഡിലെ അബ്ദുല്ല-ഉമൈബ ദമ്പതികളുടെ മകളാണ് ബുസൈല. ബുഷ്റ സഹോദരിയാണ്. ബുസൈലയുടെ മയ്യത്ത് ഉച്ചയോടെ കുന്നിലിലെ വീട്ടിലെത്തിച്ചു.
ആസിഫിനും അപർണയ്ക്കും ചറപറ തല്ല്.. ലൊക്കേഷനിൽ സംഭവിച്ചത് എന്തെന്ന് സംവിധായകൻ