പാരമ്പര്യ ജീവിതത്തേയും വിശ്വാസ സംസ്കാരത്തേയും ഹനിച്ചു കൊണ്ടുവേണോ ദ്വീപ് സംരക്ഷണം; ഹരിശ്രീ അശോകന്
തിരുവനന്തപുരം: ലക്ഷദ്വീപ് നിവാസികള്ക്ക് പിന്തുണയുമായി നടന് ഹരിശ്രി അശോകന് രംഗത്ത്. സുന്ദരവും സുരക്ഷിതവുമായിരുന്ന ലക്ഷദ്വീപിനു മേല് നടത്തിയിരിക്കുന്ന അധികാര കടന്നാക്രമണത്തില് അവര്ക്കൊപ്പം വേദനിക്കുകയും, പ്രതിഷേധിക്കുകയും ചെയ്യുന്നു. അവിടുത്തെ മനുഷ്യരുടെ സ്വാതന്ത്ര്യത്തെ, താല്പ്പര്യത്തെ മനസിലാക്കാതെ എടുത്തിട്ടുള്ള എല്ലാ തീരുമാനങ്ങളില് നിന്നും ഭരണാധികാരികള് പിന്മാറിയേ മതിയാവൂവെന്ന് ഹരിശ്രീ അശോകന് ഫേസ്ബുക്കില് പങ്കുവച്ച കുറിപ്പില് പറയുന്നു. കുറിപ്പിന്റെ പൂര്ണരൂപം ഇങ്ങനെ.
ലക്ഷദ്വീപിനൊപ്പം...
സുന്ദരവും സുരക്ഷിതവുമായിരുന്ന ലക്ഷദ്വീപിനു മേല് നടത്തിയിരിക്കുന്ന അധികാര കടന്നാക്രമണത്തില് അവര്ക്കൊപ്പം വേദനിക്കുകയും, പ്രതിഷേധിക്കുകയും ചെയ്യുന്നു...
എല്ലാ മനുഷ്യരും ഉള്ളില് ചില വിഷാണുക്കളെ കൊണ്ടു നടക്കുന്നുണ്ട്. ക്ഷയരോഗത്തിന്റെ അണുക്കള് എല്ലാ ഉടലിലുമുണ്ട് ശരീരം തളരുമ്പോഴാണ് അവ ശരീരത്തെ ആക്രമിക്കുന്നത്. മഹാമാരി കൊണ്ട് വിറങ്ങലിച്ചും തളര്ന്നും നില്ക്കുന്ന മനുഷ്യരുടെ മേല് പ്രതികരിക്കുകയില്ല എന്ന വിശ്വാസത്തോടെ അധികാര കേന്ദ്രങ്ങള് നടത്തുന്ന ഇത്തരം ശ്രമങ്ങള് അനീതിയാണ്.
ലക്ഷദ്വീപിലെ ജനങ്ങളുടെ പാരമ്പര്യ ജീവിതത്തേയും, വിശ്വാസ സംസ്കാരത്തേയും ഹനിച്ചു കൊണ്ട് വേണോ ദ്വീപ് സംരക്ഷണ്ണം..? ലക്ഷദ്വീപിന്റേയും കേരളത്തിന്റേയും കാലകാലങ്ങളായിട്ടുള്ള ദൃഢബന്ധത്തെ മുറിച്ച് മാറ്റി എന്ത് വികസനമാണ് അവിടെ കൊണ്ടുവരുന്നത്..?
ഇത്തരം തുഗ്ലക്ക് പരിഷ്ക്കാരം ജനങ്ങളെ ഭിന്നിപ്പിക്കാനും അസ്വസ്ഥരാക്കാനും മാത്രമേ ഉപകരിക്കു..
ജനങ്ങളുടെ മനസറിയാതെ അധികാരികള് നടത്തുന്ന വികസനം അസ്ഥാനത്താകുമെന്നു റപ്പാണ് .അവിടുത്തെ മനുഷ്യരുടെ സ്വാതന്ത്ര്യത്തെ, താല്പ്പര്യത്തെ മനസിലാക്കാതെ എടുത്തിട്ടുള്ള എല്ലാ തീരുമാനങ്ങളില് നിന്നും ഭരണാധികാരികള് പിന്മാറിയേ മതിയാവൂ..ആശങ്കയോടെ, ലക്ഷദ്വീപിലെ സാധാരണക്കാരായ മനുഷ്യര്ക്കൊപ്പം..
മഞ്ഞ സാരിയില് അതീവ സുന്ദരിയായി കാജല് അഗര്വാള്; ചിത്രങ്ങള് ഏറ്റെടുത്ത് സോഷ്യല് മീഡിയ
Click it and Unblock the Notifications
Sign in with Google