സ്ലൊവാക്യയിലുണ്ട് ലാല് ജോസിന് ഒരു 'അമ്മ'
ബ്രാറ്റിസ്ലാവ: കേരളത്തില് നിന്ന് ജൂണ് 16 നായിരുന്നു ലാല് ജോസും സംഘവും യാത്ര തുടങ്ങിയത്. കാറില് 75 ദിവസം കൊണ്ട് 27 രാജ്യങ്ങള് സന്ദര്ശിച്ച് ലണ്ടനില് എത്തുകയാണ് ലക്ഷ്യം. ഈ യാത്രക്കിടെ ലാല് ജോസ് ഏറ്റവും 'മിസ്സ്' ചെയ്യുന്നത് സ്വന്തം അമ്മയെ തന്നെ ആയിരിക്കും.
ലണ്ടനിലേക്കുള്ള യാത്രാ മധ്യേ സ്ലൊവാക്യയിലെത്തിയപ്പോഴായിരിക്കും ലാല് ജോസിന് അമ്മയുടെ ഓര്മ്മ ഏറ്റവും കലശലായത്. അമ്മയെ പോലെ ഒരാളെ തന്നെയാണ് അദ്ദേഹം ബ്രാറ്റിസ്ലാവയില് കണ്ടത്. ഹൃദയത്തില് തൊട്ടെന്നതുപോലെ ലാല് ജോസ് അക്കാര്യം ഫേസ്ബുക്കില് കുറിച്ചിടുകയും ചെയ്തു.
വിയേറ വോജിക്കോവ
വിയേറ വോജിക്കോവ എന്നാണ് അവരുടെ പേര്. സ്ലൊവാക്യയില് എത്തിയപ്പോള് ലാല് ജോസിന് സ്വന്തം അമ്മയെ കുറിച്ചുള്ള ഓര്മകള് തിരതല്ലാന് കാരണം ഇവരാണ്.
സ്ലൊവാക്കിലെ ഇന്ത്യ
സ്ലൊവാക്യയില് ഒരു ഇന്ത്യന് റസ്റ്റോറന്റ് നടത്തുന്ന ആളാണ് വിയേറ. റസ്റ്റോറന്റിന്റെ പേര് ഗണേഷ് ഉത്സവ്.
സ്നേഹത്തിന്റെ ഭാഷ
വിയേറ തന്ന സ്നേഹത്തിനും കരുതലിനും ദേശത്തിനും ഭാഷക്കും അപ്പുറമുള്ള എന്തോ ഉണ്ടെന്ന് ലാല് ജോസ് തിരിച്ചറിയുന്നു.
ബ്രാറ്റിസ്ലാവയിലേക്കുള്ള വഴി
സ്ലൊവാക്യയില് എത്തിയ ലാല് ജോസും സുഹൃത്തും ബ്രാറ്റിസ്ലാവയിലേക്കുള്ള യാത്രയില്.
ബ്രാറ്റിസ്ലാവയിലെ സുഹൃത്തുക്കള്
ബ്രാറ്റിസ്ലാവയിലെ മലയാളി സുഹൃത്തുക്കള്ക്കൊപ്പം ലാല് ജോസ്.
വിയന്നയില്
വിയന്നയിലെ മലയാളി സുഹൃത്തുക്കള്ക്കൊപ്പം