പിണറായി വിജയനെ സിബിഐ വേട്ടയാടി.... സിപിഎം പറഞ്ഞത് തന്നെ കോടതിയും പറഞ്ഞു

കൊച്ചി: നീണ്ട 15 വര്‍ഷങ്ങള്‍ ആണ് പിണറായി വിജയനെ ലാവലിന്‍ കേസ് വേട്ടയാടിയത്. 2002 ജനുവരി 11 ന് ആയിരുന്നു കേസ് വിജിലന്‍സ് അന്വേഷിക്കാന്‍ നിയമസഭ സബ്ജക്ട് കമ്മിറ്റി റിപ്പോര്‍ട്ട് സമര്‍പ്പിച്ചത്.

പിന്നീട് കേസ് സിബിഐ ഏറ്റെടുത്തു. പിണറായി വിജയനെ ലാവലിന്‍ കേസില്‍ വേട്ടയാടുകയാണ് എന്നായിരുന്നു സിപിഎം ഉന്നയിച്ചിരുന്ന പ്രധാന വാദം. ഇപ്പോള്‍ അത് കോടതിയും അംഗീകരിച്ചു എന്ന് തന്നെ പറയേണ്ടിയിരിക്കുന്നു.

പിണറായി വിജയനെ സിബിഐ വേട്ടയാടുകയായിരുന്നു എന്നാണ് വിധി പ്രസ്താവത്തില്‍ ജസ്റ്റിസ് പി ഉബൈദ് വ്യക്തമാക്കിയിരിക്കുന്നത്. പിണറായി വിജയനെതിരെ പ്രഥമദൃഷ്ട്യാ തെളിവുകള്‍ ഒന്നും ഇല്ലെന്നും കോടതി വ്യക്തമാക്കി..

കേസില്‍ പിണറായി വിജയന്‍ സാമ്പത്തിക നേട്ടം ഉണ്ടാക്കിയിട്ടില്ലെന്നും ഹൈക്കോടതി നിരീക്ഷിച്ചിട്ടുണ്ട്. കേസുമായി ബന്ധപ്പെട്ട് പലര്‍ക്കും രാഷ്ട്രീയ ലക്ഷ്യങ്ങള്‍ ഉണ്ടെന്നും അത് ശരിയല്ലെന്ും കോടതി നിരീക്ഷിച്ചിട്ടുണ്ട്.

102 പേജുള്ള വിധിന്യായം ആയിരുന്നു ജസ്റ്റിസ് ഉബൈദ് വായിച്ചത്. വിധി പ്രസ്താവം പൂര്‍ത്തിയാകും മുമ്പ് വാര്‍ത്ത നല്‍കരുത് എന്നും കോടതി മാധ്യമങ്ങള്‍ക്ക് നിര്‍ദ്ദേശം നല്‍കിയിരുന്നു.

English summary

SNC Lavalin Case: CBI hunted Pinarayi Vijayan, High Court observed