Click it and Unblock the Notifications
Just In
Don't Miss
-
'കാലിലെ നഖം വരെ വെട്ടികൊടുത്തിരുന്നത് ആശയാണ്, ആ വിടവ് വിഷമിപ്പിക്കും'; മനോജിന്റെ ഭാര്യയെ കുറിച്ച് സോഷ്യൽമീഡിയ -
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സെബാസ്റ്റ്യന്‍ പോളിനോടും ജയശങ്കറിനോടും പകപോക്കാന്‍ അഭിഭാഷക അസോസിയേഷന്‍... എന്തിന്?
തിരുവനന്തപുരം/കൊച്ചി: കഴിഞ്ഞ രണ്ട് ദിവസങ്ങളായി മാധ്യമ പ്രവര്‍ത്തകര്‍ക്ക് നേരെ അഭിഭാഷകര്‍ നടത്തുന്ന കയ്യേറ്റങ്ങളാണ് ചര്‍ച്ച. യുവതിയെ കയറിപ്പിടിച്ചു എന്ന പരാതിയില്‍ അറസ്റ്റിലായ ഗവണ്‍മെന്റ് പ്ലീഡര്‍ ധനേഷ് മാത്യുവിന്റെ വാര്‍ത്ത കൊടുത്തതാണ് അഭിഭാഷകരെ ചൊടിപ്പിച്ചത്.
എന്നാല്‍ എല്ലാ അഭിഭാഷകരും ഇത്തരക്കാര്‍ ആയിരുന്നില്ല. മാധ്യമ പ്രവര്‍ത്തകര്‍ക്ക് നേര്‍ക്ക് നടന്ന അതിക്രമങ്ങളെ അപലപിയ്ക്കാന്‍ മുതിര്‍ന്ന അഭിഭാഷകര്‍ അടക്കമുള്ളവര്‍ രംഗത്തെത്തി. ഇപ്പോള്‍ അവരുടെ വായടിപ്പിയ്ക്കാനുള്ള ശ്രമത്തിലാണ് അഭിഭാഷക അസോസിയേഷന്‍.
മുന്‍ എംപി കൂടിയായ അഡ്വ സെബാസ്റ്റ്യന്‍ പോള്‍, അഡ്വ ജയശങ്കര്‍, അഡ്വ ശിവന്‍ മഠത്തില്‍, അഡ്വ കാളീശ്വരം രാജ്, അഡ്വ സിപി ഉദയഭാനു, അഡ്വ നന്ദഗോപാല്‍ തുടങ്ങിയ മുതിര്‍ന്ന അഭിഭാഷകന് കൊച്ചിയിലും തിരുവനന്തപുരത്തും നടന്ന സംഭവങ്ങളെ അപലപിച്ചിരുന്നു. ഇപ്പോള്‍ ഇവര്‍ക്ക് കാരണം കാണിക്കല്‍ നോട്ടീസ് നല്‍കാന്‍ ഒരുങ്ങുകയാണത്രെ അഭിഭാഷക അസോസിയേഷന്‍.
ഇതിനിടെ ധനേഷ് മാത്യുവിന് പിന്തുണ പ്രഖ്യാപിച്ചുകൊണ്ട് അസോസിയേഷന്‍ പ്രമേയം പാസാക്കുകയും ചെയ്തിട്ടുണ്ട്. പെണ്ണ് കേസില്‍ പ്രതിയായ അഭിഭാഷകന് കുടപിടിയ്ക്കാനാണ് മാധ്യമ പ്രവര്‍ത്തകര്‍ക്ക് നേര്‍ക്കുള്ള ആക്രമണമെന്നാണ് വനിത അഭിഭാഷകയായ സംഗീത ലക്ഷ്മണ പ്രതികരിച്ചത്. സംഗീതയ്ക്കും കാരണം കാണിയ്ക്കല്‍ നോട്ടീസ് നല്‍കും എന്നാണ് റിപ്പോര്‍ട്ട്.
ഹൈക്കോടതി വളപ്പില്‍ ഉണ്ടായ സംഘര്‍ഷത്തെ തുടര്‍ന്ന് അഭിഭാഷകര്‍ കോടതി ബഹിഷ്‌കരണ സമരത്തിലാണ്. സമരം ഇതുവരെ അവസാനിപ്പിച്ചിട്ടില്ല.
