നിര്മ്മാണം പൂര്ത്തിയാക്കി രണ്ടര ലക്ഷം ലൈഫ് മിഷന് വീടുകള്; ഉദ്ഘാടനം നിര്വഹിച്ച് മുഖ്യമന്ത്രി
തിരുവനന്തപുരം; ലൈഫ്മിഷന് പദ്ധതിവഴി രണ്ടര ലക്ഷം വീടുകള് പൂര്ത്തീകരിച്ചതിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. തിരുവനന്തപുരം വട്ടിയൂര്കാവിലെ പ്രഭ എന്ന വീട്ടമ്മയുടെ ഗൃഹപ്രവേശന ചടങ്ങില് മുഖ്യമന്ത്രി നേരിട്ടെത്തി. വീടിന്റെ പാലുകാച്ചല് ചടങ്ങില് മുഖ്യമന്ത്രി പങ്കെടുത്തു.
രണ്ടേമുക്കാല് സെന്റില് 600 സ്ക്വയര് ഫീറ്റിലാണ് ഈ വീടുള്ളത്. എട്ട് ലക്ഷം രൂപയാണ് നിര്മ്മാണച്ചെലവ്. നാല് ലക്ഷം രൂപ സംസ്ഥാന സര്ക്കാരും നാല് ലക്ഷം രൂപ ഉപഭോക്താവും മുടക്കിയിരുന്നു.2019ല് തിരുവനന്തപുരം കരകുളം പഞ്ചായത്തില് ലൈഫ് പദ്ധതിയുടെ ആദ്യഘട്ട ഗൃഹപ്രവേശനം മുഖ്യമന്ത്രി പിണറായി വിജയന് നേരിട്ടെത്തി നടത്തിയിരുന്നു.
2,50,547 വീടുകളുടെ പൂര്ത്തീകരണ പ്രഖ്യാപനമാണ് ഇന്ന് നടത്തിയത്. നിര്മ്മാണത്തിനായി 8,823.20 കോടി രൂപയാണ് ചെലവഴിച്ചത്. ലൈഫ് മിഷന് പദ്ധതിയിലൂടെ അടുത്ത വര്ഷം 1.5 ലക്ഷം വീടുകള് നല്കുമെന്നാണ് സര്ക്കാര് പ്രഖ്യാപനം. ഭൂരഹിതരും ഭവനരഹിതരുമായ 1.35 ലക്ഷം കുടുംബങ്ങള്ക്കാണ് മുന്ഗണന നല്കുക. ഇതില് അറുപതിനായിരം വീടുകള് മത്സ്യത്തൊഴിലാളികള്ക്കും പട്ടിക വിഭാഗത്തിനുമാണ്. പട്ടിക വിഭാഗത്തിന് ഭൂമി വാങ്ങുന്നതിന് തുക വകയിരുത്തി. 6000 കോടി ലൈഫ് പദ്ധതിക്ക് വേണം. ഇതില് 1000 കോടി ബജറ്റില് വകയിരുത്തി. ബാക്കി വായ്പ എടുക്കാനാണ് തീരുമാനമെന്നാണ് ധനമന്ത്രിയുടെ പ്രഖ്യാപനം.
വടക്കാഞ്ചേരി ലൈഫ് പദ്ധതി വിവാദത്തില്പ്പെട്ട് സര്ക്കാര് പ്രതിരോധത്തിലായിരിക്കെയാണ് രണ്ടരലക്ഷം വീടുകളുടെ നിര്മ്മാണ പൂര്ത്തീകരണം ഉയര്ത്തിക്കാട്ടി എല്ഡിഎഫ് സര്ക്കാര് മുന്നോട്ട് പോകുന്നത്. വടക്കാഞ്ചേരിയിലെ 2.17 ഏക്കര് സര്ക്കാര് ഭൂമിയില് 140 ഫ്ളാറ്റുകള് നിര്മ്മിക്കുന്നതിനായി 2019 ജൂലൈ 11നാണ് യുഎഇ റെഡ് ക്രസന്റ്ുമായി സംസ്ഥാന സര്ക്കാര് ധാരണയിലെത്തിയത്. എന്നാല് ലൈഫ് മിഷന് പദ്ധതിക്ക് കീഴില് യുഎഇ റെഡ് ക്രസന്റുമായി യുണിടാക് ഉണ്ടാക്കിയ കരാര് നിയമാനുസൃതമല്ലെന്നാണ് കേന്ദ്ര സര്ക്കാരിന്റെ നിലപാട്. ലൈഫ് മിഷന് ഭവന നിര്മ്മാണ പദ്ധതിയുടെ മറവില് കേന്ദ്രാനുമതിയില്ലാതെ വിദേശ സഹായം സ്വീകരിച്ചെന്ന ആരോപണത്തില് സിബിഐ അന്വേഷണം നടക്കുന്നുണ്ട്.20 കോടിയുടെ ലൈഫ് മിഷന് പദ്ധതിയില് 9 കോടി രൂപയുടെ അഴിമതി നടന്നിട്ടുള്ളതായി ആരോപണമുന്നയിച്ച് അനില് അക്കര എംഎല്എയും പാരാതി നല്കിയിരുന്നു.
നിലവിലെ ഇടതുപക്ഷ സര്ക്കാരിന്റെ ഭരണകാലയളവിലെ ഏറ്റവും വലിയ നേട്ടങ്ങളില് ഒന്നായാണ് ലൈഫ് മിഷന് പദ്ധതിയെ സര്ക്കാര് ഉയര്ത്തിക്കാണിക്കുന്നത്്
Recommended Video
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google